يننوۆاتسيالار دەنساۋلىق كۇزەتىندە

الماتىدا «اتاكەنت» قازاقستاندىق ىسكەرلىك ىنتىماقتاستىق ورتالىعىندا حالىقارالىق «دەنساۋلىق كورمەسى» (KIHE 2011) تابىسپەن ءوتتى. ەلىمىزدە ءداستۇرلى وتكىزىلىپ كەلە جات­قان اتالمىش كورمەدە مەديتسينالىق تاۋارلار مەن قىزمەتتەردىڭ كەڭ سپەكترى – ەمدىك قۇ­رالدار وندىرۋشىلەر, سوڭعى زاماناۋي مەدي­تسينالىق قۇرال-جابدىقتار, وفتالمولوگيا, ەندوسكوپتىق جابدىقتار, ساۋىق­تىرۋ, في­زيوتەراپيا, سپا, ديللەر مەن ديستريبيۋتورلار, ت.ب. ۇسىنىلدى. سونداي-اق, جەتەكشى وتاندىق جانە شەتەلدىك كومپانيالار بۇگىندە دەنساۋلىق ساقتاۋ سالا­سى­نا قاجەتتى جانە تالاپ ەتىلىپ وتىرعان سوڭ­عى ازىرلە­مە­لەرىن, نوۋ-حاۋلارىن, جاڭا تەح­نو­لو­گيا­لارىن اكەلگەن. ماسەلەن, گەرمانيا مەن چەح رەسپۋبليكاسى كورمەگە ۇلت­تىق ستەندىلەرىن قويعان. گەرمانيانىڭ بىرىككەن ستەندىنە 26 كومپانيا قاتىسىپ وتىر. كورمەنىڭ اشىلۋ راسىمىنە ارنالعان باس­پاسوز ءماسليحاتىندا دەنساۋلىق ساقتاۋ مي­نيسترلىگى مەديتسينالىق جانە فارما­تسەۆ­تيكا­لىق قىزمەتتى باقىلاۋ كوميتەتىنىڭ توراعاسى نازاربەك بەيسەن 2005-2010 جىل­دارى ەلىمىز 100 ملرد.-تان استام تەڭگەنىڭ مەدي­تسي­نالىق قۇ­رال-جابدىقتارىن ساتىپ العا­نىن جەتكىزدى. سون­داي-اق, ول بيىل 842 مەدي­تسينالىق قۇرال-جاب­دىقتىڭ 168-ءى وتاندىق وندىرۋشىدەن سا­تىپ الىنىپ, وعان 12,6 ملرد. تەڭگە جۇمسال­عا­نىن ايتا كەلە: «100 مەكتەپ, 100 اۋرۋحانا» باع­­دارلاماسى بويىنشا بىل­تىر 58 دەن­ساۋلىق ساقتاۋ نىسانى سالىنسا, 2011-2013 جىلدارى تاعى 31 نىسان بوي كوتەرمەك. ال 2014-2015 جىلدارى قوسىمشا 10 ستاتسيو­نار­لىق ۇيىم اشۋ جوسپارلانىپ وتىر» دەدى. ن.بەيسەننىڭ اي­تۋىنشا, قازاقستاندا الداعى ۋا­قىتتا دەن­ساۋلىق ساقتاۋ سالاسىنا ارنالعان «دەن­ساۋ­لىق» جەكە تەلەارناسى اشىلۋى مۇمكىن. «ۇلتتىق مەديتسينالىق حولدينگ» اق-نىڭ باسقارما توراعاسى ەلجان ءبىرتانوۆ بۇگىندە ەلىمىزدەگى دەنساۋلىق ساقتاۋ سالا­سىنداعى ەڭ ماڭىزدى ماسەلەنىڭ ءبىرى جاڭا تەحنولوگيالىق يننوۆاتسيالاردى ەنگىزۋ ەكەندىگىن ايتا كەلە, جاڭا قۇرال-جاب­دىق­تار ساتىپ الۋعا وتكەن جىلى 600 ملن.-نان استام تەڭگە ينۆەستيتسيالاعانىن, بيىل وعان 5 ملرد. تەڭگە, ال مامانداردى وقىتۋ­عا 180 ملن. تەڭگە بولىنگەنىن العا تارتتى. – ارينە, تەحنولوگيالىق-يننوۆا­تسيا­لىق دامۋ, ول تەك قۇرال-جابدىقتار ساتىپ الۋ عانا ەمەس, بىرىنشىدەن, وسى سالاداعى مەديتسينا قىزمەتكەرلەرىنىڭ ءبىلىم دارە­جەسىن, تاجىريبەسىن كوتەرۋ. وسى رەتتە ۇمح-ءتىڭ ماق­ساتى حالىقارالىق دەڭگەيدە جوعارى كا­سىبي ارىپتەستەر تابۋ. بۇگىندە حولدينگ كلي­ني­كالارى ەۋروپالىق جانە اقش-تىڭ بىرقاتار مەديتسينا ۋنيۆەرسيتەتتەرى مەن كلينيكالارىمەن بىرلەسە جۇ­مىس ىستەيدى. كورەيا, يزرايل, تۇركيا­دان ارىپتەستەرىمىز كەلىپ, وسىنداي تەحنو­لو­گيا­لاردى ەنگىزۋگە كومەكتەسۋدە. سونىڭ ءناتي­جەسىندە بىلتىر ەلۋدەن اسا جاڭا تەحنولوگيا ەنگىزدىك. سون­دىق­تان بىزگە وسىنداي حالىقارالىق كورمە­لەردىڭ ماڭىزى زور. جىل سايىن بۇل كورمە­گە تەك دارىگەرلەر عانا ەمەس, مەديتسينالىق ءدارى-دارمەك, قۇرال-جابدىقتار شىعاراتىن فيرمالار دا قاتىسادى. كورمەنى قارا­پايىم حالىق تا كەلىپ كورەدى. ويتكەنى, ولار دا جاڭا تەحنولوگيالاردى بىلۋلەرى كەرەك. بىزدە ءوز ستەندىمىزدى دايىنداپ اكەلىپ وتىر­مىز, – دەدى ەلجان امانتاي ۇلى. ەڭ باستىسى, دەنساۋلىق ساقتاۋ ساراپ­شىلارى ءۇشىن كىنە الاڭى تاجىريبە الما­سۋ­دىڭ, ستراتەگيالىق ارىپتەستىك قۇرۋدىڭ, سونى­مەن قاتار مەديتسينالىق قۇرال-جاب­دىقتاردى وندىرەتىن الەمدىك كوشباس­شى­لار­دىڭ قازاق­ستاندا ۇسىنىپ وتىرعان مە­دي­تسينالىق جاڭا­لىقتارىن سىناقتان ءوت­كىزۋ­دىڭ بىرەگەي ءمۇم­كىن­دىكتەرىن كورسەتپەك. ماسەلەن, كورمەدە Philips كومپانياسى قا­زاق­ستاندا سەرتيفيكاتسيادان وتكەن Philips iU22 ينتەللەكتۋالدى سان­دىق ۋلترا­دى­بىستى جۇيەسىن العاش رەت ۇسىنىپ وتىر. ول كۇردەلى دياگنوستيكالىق زەرت­تەۋدە ورگان ۇلپالارىنىڭ بەينەسىن جو­عار­عى ءدال­دىكپەن بەرەتىن بىرقاتار بىرەگەي تەحنولو­گيا­لاردى بىرىكتىرەدى. ارتىقشىلىعى, ءما­سە­لەن باتىستا وسى اپپاراتتىڭ ارقاسىندا مرت ارقىلى دياگنوز قويۋ ەلۋ پايىزعا كەمىگەن. ءارى ءبىر داتچيكپەن قاي باعىتتا دا بەينە تۇسىرە الادى. تاعى ءبىر ارتىق­شى­لى­عى, ەت­جەڭدى, ءىرى دەنەلى ناۋقاستارعا ناقتى, ءدال دياگنوز قويۋعا مۇمكىندىك بەرەدى. سونداي-اق «وردامەد ورتالىق ازيا» كومپانياسى وڭتۇستىك كورەيالىق جاڭا مودەلدەر جەلىسىن ۇسىنسا, «Yumgiskor» كومپانياسى قانداعى گەموگلوبين دەڭگەيى, تامىر سوعىسى جيىلىگىن جانە پەرفۋزيا يندەكسىن جاڭاشا ازىرلەۋدە كونتاكتىسىز, جىلدام جانە ءدال انىقتاپ بەرەدى. «مامانداندىرىلعان باسىلىمداردا شىق­­قان دەنساۋلىق ساقتاۋ سالاسىنداعى جا­ڭالىقتار, جاڭا تەحنولوگيالار مەن قۇرال-جاب­دىقتار جايىنداعى ماتەريال تۇتىنۋ­شىعا جەتكەنشە ەسكىرىپ قالۋدا. سوندىقتان وندىرۋشىلەر, دارىگەرلەر جانە وزگە دە تۇتىنۋشىلار اراسىندا بۇل كورمەنىڭ ءرولى مەن ماڭىزى جىل وتكەن سايىن ارتىپ كەلەدى. ماسەلەن, بيىل وندا فرانتسۋز دارىگەرلەرىنىڭ وپەراتسيالىق جۇمىسىنان تەلەكوپىر ۇيىم­داستىرىلدى», – دەيدى قازاقستاننىڭ فارما­تسەۆ­تيكالىق فيرمالار وكىلدەرى قاۋىمداس­تى­عىنىڭ پرەزيدەنتى ۆ.لوكشين. گۇلزەينەپ سادىرقىزى.