كەدەن وداعىنىڭ كەلەشەگى كەمەل

كەشە «نۇر وتان» حدپ-نىڭ پارلامەنت ماجىلىسىندەگى فراك­تسيا­سى جانىنداعى ەكونوميكالىق ساياسات جونىندەگى كەڭەستىڭ ۇي­ىمداس­تىرۋىمەن «كەدەن وداعى قازاقستان رەسپۋبليكاسىنىڭ ەكو­نو­ميكاسىن ءار­تاراپتاندىرۋدىڭ قوزعاۋشى كۇ­شى» اتتى دوڭگەلەك ۇستەل بولىپ ءوتتى. وتىرىسقا ەكونوميكالىق ساياسات جونىندەگى كەڭەس توراعاسى كەنجە­عالي ساعاديەۆ جەتەكشىلىك ەتتى. ال ەكونوميكالىق ينتەگراتسيا ءجونىن­دەگى مينيستر جانار ايتجانوۆا, يندۋستريا جانە جاڭا تەحنولوگيالار ءبىرىنشى ۆيتسە-ءمينيسترى البەرت راۋ, قارجى ۆيتسە-ءمينيسترى رۋسلان دالەنوۆ, مۇناي جانە گاز ۆيتسە-ءمينيسترى ءلاززات قيىنوۆ, كولىك جانە كوممۋنيكاتسيالار ۆيتسە-ءمينيسترى ازات بەكتۇروۆ بايانداما جاسادى. جالپى, ەلىمىز وتپەلى كەزەڭ ىشىندە 400 تاۋارلىق پوزيتسيالار بويىنشا كەدەندىك سالىقتار ستاۆكىلەرىنە قوسىلۋى بويىنشا 3 پەن 5 جىل ارالىعىنداعى جەڭىلدىكتەرگە يە بولدى. مىسالى, ءدارى-دارمەك ءون­دىرىسى مەن قۇرال-جابدىقتاردى شى­عارۋىنا 5 جىلعا ارنالعان ءنول پايىزدىق سالىق بەلگىلەنگەن. بۇل رەتتە ءبىرتۇتاس كەدەندىك تاريف 10-15 پايىز دەڭگەيىندە ەكەنى بەلگىلى. سول سياقتى حيميالىق ونىمدەرگە ارنال­عان شيكىزاتقا 4 جىلعا ارنالعان ءنول پايىزدىق سالىق كوزدەلىپتى. بۇ­دان باسقا تەحنيكالىق رەتتەۋ, ۆە­تەرينارلىق, سانيتارلىق جانە في­توسانيتارلىق تالاپتارعا قاتىس­تى حالىقارالىق كەلىسىمدەر بەكىتىلگەن. سونىڭ ناتيجەسىندە تاۋارلارعا قويىلاتىن تالاپتار قۇجاتتارى ءبىر-بىرىنە جاراي بەرەتىن نورما ومىرگە كەلگەنى ءمالىم. كەدەن وداعىنىڭ العاشقى ءناتي­جەلەرى كورسەتكەندەي, 2010 جىلى رەسەيمەن ءوزارا ساۋدا-ساتتىق 27,2 پايىزعا, ال بەلورۋسسيامەن 55,8 پا­يىزعا وسكەن. قازاقستان ءونىم­دەرىنىڭ رەسەيگە ەكسپورتى 35,9 پايىزعا ارتقانى اتاپ وتەرلىك. سونىمەن, كەدەن وداعى ەلدەرىمەن سىرتقى ساۋدا 28,1 پايىزعا ارتىپ, 12,9 ميلليارد اقش دوللارىنان 16,5 ميلليارد دوللارعا دەيىن ءوسىپ, قازاقستاننىڭ جالپى ساۋدا اينالىمىنىڭ 18,5 پايىزىن قۇ­راعان. 2011 جىلدىڭ 1 توقسا­نىن­دا ەلىمىز بيۋدجەتىنە ءتۇس­كەن سىرت­تان اكەلىنگەن تاۋار­لارعا سالىن­عان سالىق وتكەن جىلدىڭ وسى مەرزىمىمەن سالىستىرعاندا 233,2 پايىزعا ارتقان. بۇل ءتۇسىمنىڭ 25,3 ميلليارد تەڭگەدەن 59 ميلليارد­قا دەيىن وسكەندىگىن كورسەتەدى. ءدوڭ­گەلەك ۇستەلدە قارجى مينيس­ترلىگىنىڭ كەدەندىك باقىلاۋ كومي­تەتىنىڭ توراعاسى سەرىك بايماعان­بەتوۆ, قارجى مينيسترلىگى سالىق كوميتەتىنىڭ توراعاسى داۋلەت ەر­عو­جين جانە كەدەن وداعىنا قا­تىس­تى ماسەلەمەن اينالىساتىن بىرقاتار مينيسترلىكتەر مەن ۆەدومستۆو وكىلدەرى دە ءسوز الدى. دەپۋتات­تاردىڭ كوپتەگەن سۇراق­تارىنا جاۋاپ بەرىلدى. وتىرىس­تىڭ قورىتىن­دىلارى بويىنشا ءتيىستى ۇسىنىستار ازىرلەندى. اسقار تۇراپباي ۇلى.