كەلەتىن مەيماندار مەن وتەتىن كەزدەسۋلەر

كەشە سىرتقى ىستەر ءمينيسترىنىڭ ءباسپاسوز حاتشىسى ءىلياس وماروۆ جۋرناليستەرگە بريفينگ وتكىزىپ, وسى اپتاداعى ءىس-شارالارمەن تانىستىردى. ونىڭ حاباردار ەتۋىنشە, 18-19 مامىردا بۇۇ-نىڭ دامۋ باع­دارلاماسىنىڭ اكىمشىسى حەلەن كلاركتىڭ ورتالىق ازيا تۋر­نەسى شەڭبەرىندە قازاقستانعا ساپارى جوسپارلانىپ وتىر. ح.كلارك سا­پارىنىڭ نەگىزگى ماق­ساتى – 2010 جىلعى ساۋىردە بۇۇ-نىڭ باس حاتشىسى پان گي مۋننىڭ ساپارى كەزىندە قول جەت­كىزىلگەن ۋاعدالاس­تىقتاردى ءجۇ­زەگە اسىرۋ جانە ەل مەن ءوڭىر دەڭگەيىندەگى, سونىڭ ىشىندە مىڭ­جىلدىق دامۋ ماقسات­تا­رى­نا قول جەتكىزۋ, ەكونوميكالىق جوسپارلاۋ جانە مەملەكەتتىك باس­قارۋ سالالارىنداعى ودان ءارى ءوزارا ىقپالداستىقتى ىلگەرىلەتۋ بولىپ تابىلادى. ەۋروپا قايتا قۇرۋ جانە دامۋ بانكى باسقارۋشىلار كەڭە­سىنىڭ 20-شى جىل سايىنعى وتى­رىسىنىڭ جۇمىسىنا قاتىسۋ ايا­سىندا, 19-24 مامىردا ەۋرو­پا­لىق ينۆەستيتسيالىق بانكتىڭ دە­لەگاتسياسى قازاقستاندا بولادى. ساپار بارىسىندا قر جانە ەيب اراسىنداعى ينۆەستيتسيالىق ىن­تىماقتاستىقتى تالقىلاۋ, ءوزارا ءتيىمدى ينۆەستيتسيالىق جوبالار بويىنشا ۇسىنىستاردى قاراۋ ماقساتىندا قر-مەن ارەكەتتەسۋ ماسەلەلەرىنە جەتەكشىلىك ەتەتىن ەۋروپالىق ينۆەستيتسيالىق بان­كى­نىڭ ۆيتسە-پرەزيدەنتى ەۆا شرا­بەردىڭ ۇكىمەتتەگى, قازاق­ستان­نىڭ بەيىندىك مينيسترلىكتەردەگى كەزدەسۋلەرى جوسپارلانعان. ال 18-19 مامىردا اۋعانس­تان مەن پاكستان جونىندەگى اقش-تىڭ ارنايى وكىلى مارك گروسسماننىڭ ورتالىق ازياعا تۋرنەسى شەڭبەرىندە ەلىمىزگە ساپارى جوسپارلانۋدا. امەري­كالىق ديپلوماتتىڭ ەلىمىزدىڭ رەسمي تۇلعالارىمەن كەزدەسۋلەرى كوزدەلگەن. كەزدەسۋلەر بارى­سىندا اۋعانستان بويىنشا ءوز­ارا ءىس-قيمىل, ايماقتىق قاۋىپ­سىزدىك جانە ەكىجاقتى ىنتىماق­تاستىقتىڭ قازىرگى جاي-كۇيى مەن پەرسپەكتيۆالارى تالقىلانباق. ءىلياس وماروۆتىڭ اتاپ ءوتۋىن­شە, 18-20 مامىر ارالىعىندا مالايزيانىڭ سىرتقى ىستەر مي­نيسترى داتو سري انيفا امان­ننىڭ ەكى مەملەكەت ارا­سىن­داعى قارىم-قاتىناستا­رى­نىڭ تاري­حىندا العاشقى رەسمي ساپارى بولادى. ساپار بارى­سىندا ما­لاي­زيالىق مەيمان پرەزيدەنت ن.نازارباەۆتىڭ ءجا­نە مەملەكەتتىك حاتشى ق.ساۋ­داباەۆتىڭ قا­بىلداۋىندا بولا­دى. ال سىرت­قى ىستەر ءمينيسترى ە.قازىحانوۆپەن بولاتىن كەزدەسۋى كەزىندە ەكىجاقتى ىنتىماق­تاستىقتىڭ ساياسي, ەكونومي­كا­لىق جانە گۋمانيتارلىق سالا­سىندا, سونىمەن بىرگە, ەلىمىزدىڭ سىرتقى ىستەر مينيسترلەرى كە­ڭەسىنە توراعالىق ەتۋ بارىسىن­داعى ءوزارا ارەكەتتەستىكتى تال­قىلاۋ جوسپارلانۋدا. 20-21 ما­مىردا لوندون قا­لاسىندا «تەجەۋ: وتكەن ۋاقىت جانە بو­لا­شاق» اتتى حالىق­ارالىق كونفەرەنتسيا وتەدى. بۇل جيىنعا باس­تاماشىلاردىڭ ءىشىن­دە دەس براۋن, دجوردج شۋلتس, ۋيليام پەرري, گەنري كيسسيندجەر, سەم نانن سياقتى ساياساتكەرلەر بار. ۇيىمداس­تى­رۋ­شى­لاردىڭ شاقى­رۋىمەن اتال­عان ءىس-شاراعا مەملەكەتتىك حاتشى ق.ساۋداباەۆ قاتىسىپ, ءسوز سويلەيدى. ال 19 مامىردا قازاقستان رەسپۋبليكاسىنىڭ شانحاي ىن­تىماقتاستىق ۇيىمىنا توراعا­لىعى شەڭبەرىندە, استانا قالا­سىندا شىۇ-عا مۇشە مەملەكەتتەر مادەنيەت مينيسترلەرى كەڭەسىنىڭ 8-ءشى وتىرىسى وتەدى. وتىرىس بارىسىندا تاراپتار ۇيىمنىڭ قۇرىلۋىنا 10 جىل تولۋىنا وراي شىۇ-عا مۇشە مەملەكەتتەردىڭ مەملەكەت باسشىلارى كەڭەسىنىڭ مە­رەي­تويلىق وتىرىسىنا مادەني ءىس-شارالاردى دايىنداۋ ءما­سە­لە­لەرىن تالقىلاپ, ون جىل ىشىندە مادەنيەت سالاسىنداعى شىۇ ءىس-قيمىلدارىنىڭ نەگىزگى قورىتىندىلارىن شىعارادى. وتى­رىس ناتيجەسى بويىنشا شىۇ-عا مۇشە مەملەكەتتەر مادەنيەت مينيسترلەرى كەڭەسى­نىڭ 8-ءشى وتىرىسىنىڭ قورى­تىن­دى حات­تاماسى قابىلدانادى دەپ كۇتىلىپ وتىر. ءاليسۇلتان قۇلانباي.