20 جىلعا سوتتالۋى مۇمكىن

حالىقارالىق ۆاليۋتا قورىنىڭ 62 جاسار باسشىسى دومينيك ستروسس-كان قىز زورلاماق بولدى دەگەن ايىپپەن سوت الدىندا جاۋاپ بەرمەك. ول 20 جىلعا باس بوستاندىعىنان ايىرىلۋى مۇمكىن. ستروسس-كاننىڭ ءوزى بولسا, تاعىلعان ايىپتاردىڭ ءبارىن تەرىسكە شىعارىپ وتىر. قالىپتاسقان جاعدايعا قاراماستان, بىرقالىپتى جۇمىس ىستەپ جاتقان حالىقارالىق ۆاليۋتا قورى ءوز باسشىسىنىڭ ارەكەتىنە قاتىستى ەشقانداي تۇسىنىك بەرگەن جوق. ءسوز رەتىندە حۆق باسشىسىنىڭ جەكسەنبىگە قاراعان ءتۇنى پاريجگە ۇشاتىن ۇشاققا وتىرايىن دەپ تۇرعان جەرىندە نيۋ-يورك اۋەجايىندا تۇتقىندالعانىن ايتا كەتۋ كەرەك. وعان قوناق ۇيدە جۇمىس ىستەيتىن ءبىر ايەلدى زورلاماق بولدى دەگەن ايىپ تاعىلىپ وتىر. «ناكبى» كۇنىندەگى قاسىرەت ەۆرەي مەملەكەتىنىڭ قۇرىلعان كۇنى جانە ارابتاردىڭ ۇلتتىق قاسىرەت كۇنى بولىپ ەسەپتەلەتىن «ناكبى» كۇنى شەكارادان وتپەك بولعان پالەستينا­لىق­تارعا قارسى يزرايلدىك سولداتتار وق اتقان. سونىڭ سالدارىنان كەمىندە 13 ادام قازا تاۋىپ, 100-دەن استام ادام ءتۇرلى جاراقاتتار العان. وسى سەبەپتەن پالەستينا اۆتونومياسىندا ءۇش كۇندىك قارالى كۇن جاريالاندى. ال يزرايل مەملەكەتى بولسا, ءوز شەكاراسىن ودان ءارى دە قورعاي بەرەتىنىن مالىمدەپ وتىر. سونىمەن بىرگە تەل-اۆيۆتە 22 جاسار ارابتىڭ قالانىڭ باستى كوشەسىندە تۇرعان بىرنەشە اۆتوكولىكتى كەلىپ سوعۋىنا بايلانىستى ءبىر يزرايلدىك قازا تاۋىپ, 17 ادام جاراقات العان كورىنەدى. ليۆيا بومبالاۋدى توقتاتۋدى سۇرايدى 15 مامىر كۇنى ليۆيا استاناسى تريپوليگە بۇۇ-نىڭ ارناۋلى ەلشىسى ابدۋل يلاح ءال-حاتيب كەلدى, دەپ حا­بارلادى «بوستاندىق» راديوسى. ول م.كاددافي ۇكىمەتىنىڭ سىرتقى ىستەر مينيسترىمەن جانە ليۆيا ليدەرىنە ادالدىعىن ساقتاپ وتىرعان تايپالار باسشىلارىمەن كەزدەسكەن. بىراق وعان م.كاددافيدىڭ وزىمەن تىكەلەي جۇزدەسۋدىڭ ءساتى تۇسپەگەن كورىنەدى. بۇۇ ەلشىسى وق اتۋدى توقتاتىپ, ليۆيا اسكەرلەرى قاراماعىنداعى قالالارعا گۋمانيتارلىق ميسسيانىڭ وتۋىنە جول اشۋدى تالاپ ەتكەن. دەگەنمەن, ليۆياعا قارسى وپەراتسياعا قاتىسىپ جاتقان ۇلىبريتانيا باسشىلىعى ەلدىڭ ينفراقۇرىلىمدارىن بومبالاۋعا رۇقسات الۋ قاجەت دەگەن پىكىر ءبىلدىرىپ وتىر. سايلاۋ الدىنداعىنا ناسيحات دەپ باعالادى يران پرەزيدەنتى ماحمۋد احمادينەجاد «ءال-كايدا» باسشىسى ۋساما بەن لادەننىڭ قازا تاپقان ساتىندە امەري­كانىڭ تۇتقىنىندا بولعاندىعى تۋرالى مالىمدەگەن. ال ونىڭ كوزىن جويۋ جونىندەگى وپەراتسيا باراك وبامانىڭ الداعى سايلاۋداعى جە­ڭىسىن قامتاماسىز ەتۋدى كوزدەگەن ناسيحاتتىق جۇمىستىڭ ءبىر بولىگى عانا. اقش بەن لادەندى تەرروريزممەن كۇرەس ماق­ساتىندا ەمەس, سايلاۋ كەزىندە ادامداردىڭ داۋىسىنا يە بولۋ ءۇشىن سايلاۋالدى ناۋقانى شەڭبەرىندە ءولتىرىپ وتىر, دەپ اتاپ كورسەتكەن يران پرەزيدەنتى تەھراندا وتكەن تەرروريزممەن كۇرەس جونىندەگى حالىقارالىق كونفەرەنتسياعا قاتىسۋشى­لارمەن كەزدەسكەن كەزدە. دۇنيە-م ۇلىك پەن اقشادان باس تارتپاق ەگيپەتتىڭ ەكس-پرەزيدەنتى حوسني مۋباراك پەن ونىڭ زايىبى سيۋزان سابيت دۇيسەنبى كۇنى مەملەكەت پايداسى ءۇشىن وزدەرىنىڭ م ۇلىكتەرى مەن اقشالاي قارجىلارىنان باس تارتۋ پروتسەدۋراسىن باستادى, دەپ حابارلادى ريا-نوۆوستي اگەنتتىگى. ەگيپەتتىڭ بۇرىنعى باسشىسى 143 ميلليون دوللار قارجىسى بار ەسەپ-شوتتى مەملەكەت پايداسىنا اۋ­دارۋعا دايىن ەكەنىن مالىمدەگەن. مۋباراكتىڭ اي­تۋىنشا, بۇل ەسەپ-شوت الەكساندريا كىتاپ­حانا­سىنىڭ مۇقتاجدارىنا ارنالعان كورىنەدى, بىراق اقشا جوعا­لىپ كەتەدى دەگەن قاۋىپ­پەن ەكس-پرەزيدەنت ول جونىندە كىتاپحانا باسشىلىعىنا حابار بەرمەگەن. ال سيۋزاننا سابيت بولسا, كاير قالاسىنىڭ شەتىندەگى 741 مىڭ دوللار تۇراتىن ۆيللاسىن مەملەكەتكە بەرۋ جونىندە قۇجاتتار دايىنداۋ تۋرالى ءوز ادۆوكاتىنا تاپسىرما بەرگەن كورىنەدى. سولتۇستىك كاۆكاز مۇفتيلەرى باس قوستى باكۋدە كاۆكاز حالىقتارى جوعارى ءدىني كەڭەسىنىڭ ەسەپ بەرۋ ءماجىلىسى وتپەك. وعان سولتۇستىك كاۆكاز رەسپۋب­ليكالا­­رىنداعى ءدىني باسقارمالاردىڭ بارلىق باسشىلارى قاتىسادى دەپ كۇتىلۋدە. ءما­جىلىستە كاۆكاز مۇسىل­ماندارى باسقار­ماسىنىڭ باسشىسى شەيح-ۋل-يسلام اللاحشۋكيۋر پاشازادە توراعالىق ەتپەك. كاۆكاز حالىقتارىنىڭ جوعارى ءدىني كەڭەسى پاشازادەنىڭ ءتور­اعالىعىمەن 1992 جىلى قۇ­رىلعان بولاتىن. وسى جولعى ءماجىلىس كاۆكاز مۇسىل­ماندارى باسقارماسىنىڭ باكۋ اكىم­شىلىك عيماراتىندا وتەتىن بولادى. ليگاعا جاڭا باسشى سايلاندى اراب مەملەكەتتەرى ەگيپەتتىڭ سىرتقى ىستەر ءمينيسترى نابيل ءال-ءارابيدى اراب مەملەكەتتەرى ليگا­سىنىڭ باسشىسى ەتىپ سايلادى, دەپ حابارلادى رەيتەر اگەنتتىگى. اراب مەملەكەتتەرى ليگاسىنا مۇشە ەلدەردىڭ سىرتقى ىستەر مينيسترلەرى ءال-ارابيگە ءبىراۋىزدان داۋىس بەرگەن. كونسۋلتاتسيالار بارىسىندا كاتار مەملەكەتىنىڭ وكىلى ءال-ارابيگە باسەكەلەس بولىپ, دەگەنمەن, كەيىن ول ءوز كان­ديداتۋراسىن قايتىپ العان كورىنەدى. ءسوز رەتىندە اراب مەملەكەتتەرى ليگاسىنا افريكا مەن ازيانىڭ اراب ءتىلدى 22 مەملەكەتىنىڭ كىرەتىنىن ايتا كەتۋ قاجەت. ولاردىڭ ىشىندە ەگيپەت, سيريا, ليۆيا جانە يراك سياقتى بىرقاتار دەرجاۆالار دا بار. ينتەرنەت ماتەريالدارى نەگىزىندە ازىرلەندى.