قازاقستان رەسپۋبليكاسى جوعارى وقۋ ورىندارىندا جانە تەحنيكالىق جانە كاسىبي ءبىلىم بەرۋ مەكەمەلەرىندە وقۋعا سارا الپىسقىزىنىڭ ءبىلىم گرانتىن تاعايىنداۋ تۋرالى ەرەجە

وسى ەرەجەگە قازاقستان رەسپۋبليكاسى جوعارى وقۋ ورىندارىندا نەمەسە تەحنيكالىق جانە كاسىبي ءبىلىم بەرۋ مەكەمەلەرىندە وقۋ ءۇشىن سارا الپىس­قىزىنىڭ ءبىلىم گرانتىن تاعايىنداۋ ءتارتىبىن بەلگىلەيدى. 1. جالپى ەرەجەلەر 1.1. سارا الپىسقىزىنىڭ ءبىلىم گرانتتارى جەتىم بالالارعا, قامتاماسىز ەتىلمەگەن كوپبالالى وتباسى بالالارىنا ء(تورت نەمەسە ودان دا كوپ بىرگە تۇراتىن كامەلەتكە تولماعاندار), اسىراۋشىسىنان ايىرى­لىپ, اتا-اناسىنىڭ ءبىرىنىڭ قامقورىندا قالعان بالالارعا الەۋمەتتىك كومەك كورسەتۋ ماقساتىندا دەربەس تاعايىندالادى جانە ونى ارنايى ەكسپەرتتىك كوميسسيا شەشەدى. 1.2. قۇجاتتاردى قابىلداۋ جانە كونكۋرس وتكىزۋ مەرزىمدەرى. قۇجاتتاردى قابىلداۋ مەن كونكۋرستىڭ ءبىرىنشى كەزەڭى وبلىس ورتالىقتارىندا 2011 جىلعى 15 ماۋسىم-20 شىلدە ارالىعىندا وتەدى. كونكۋرستىڭ ەكىنشى كەزەڭى 1 تامىزدان باستاپ «بوبەك» ۇلتتىق عىلىمي-پراكتيكالىق, ءبىلىم بەرۋ جانە ساۋىقتىرۋ ورتالىعىندا (الماتى قالاسى, بوستاندىق اۋدانى «دارىن-1» ىقشاماۋدانى, 47 ءۇي) وتكىزىلەدى. قازاقستان رەسپۋبليكاسىنىڭ بارلىق ايماقتا­رىنا تاراتىلاتىن مەرزىمدىك باسىلىمداردا جاريا­لانادى. 1.3. سارا الپىسقىزىنىڭ ءبىلىم گرانتتارى قا­زاقستاننىڭ ءار وبلىسىن: جوعارى وقۋ ورىندارىندا وقۋعا – 1 گرانت, تەحنيكالىق جانە كاسىبي ءبىلىم بەرۋ مەكەمەلەرىندە وقۋعا – 3 گرانت ەسەبىنەن قامتيدى. 1.4. سارا الپىسقىزىنىڭ ءبىلىم گرانتتارى عىلىم­نىڭ مىنا باعىتتارى: - ءبىلىم; - ونەر; - جاراتىلىستانۋ جانە تەحنيكالىق عىلىمدار; - گۋمانيتارلىق عىلىمدار بويىنشا جوعارى وقۋ ورىندارىندا نەمەسە تەحنيكالىق جانە كاسىبي ءبىلىم بەرۋ مەكەمەلەرىندە ءبىلىم الۋ ءۇشىن كونكۋرستىڭ نەگىزدە ءبىر رەت تاعايىندالادى. 2. قۇجاتتاردى قابىلداۋ ءتارتىبى 2.1. كونكۋرسقا قاتىسۋعا جوعارى, ارنايى نەمەسە كاسىبي ءبىلىمى جوق مىناداي ساناتتى ادامدار جىبەرىلەدى: جەتىم بالالار: بۇل ساناتتى ۇمىتكەرلەردىڭ ءبىلىم گرانتتارىن الۋعا قاجەتتى قۇجاتتار: - ۇمىتكەردىڭ (قامقورشىنىڭ نەمەسە اتا-انا­سىنىڭ) ءبىلىم گرانتىن تاعايىنداۋ تۋرالى ءوتىنىشى; - جەكە كۋالىگىنىڭ كوشىرمەسى; - مەملەكەتتىك ۇلگىدەگى جالپى ورتا ءبىلىم تۋرالى قۇجاتتىڭ نوتاريۋس راستاعان كوشىرمەسى; - ۇلتتىق بىرىڭعاي تەستىلەۋ نەمەسە كەشەندى تەستىلەۋ سەرتيفيكاتى; - اتا-اناسىنىڭ قايتىس بولۋى تۋرالى كۋالىكتىڭ نەمەسە اتا-انا قۇقىعىنان ايىرىلۋى تۋرالى سوت شەشىمىنىڭ نوتاريۋس راستاعان كوشىرمەسى; - اسىراپ الۋ نەمەسە قامقورلىققا الۋ (بولعان جاعدايدا) تۋرالى سوت شەشىمىنىڭ كوشىرمەسى; - جەرگىلىكتى الەۋمەتتىك قورعاۋ ورگانىنىڭ ۇسىنىس حاتى; - بالانىڭ بالالار ۇيىندە تاربيەلەنۋىن راس­تاۋشى انىقتاما; - بالانىڭ وقۋ جەتىستىكتەرىن راستايتىن سوڭعى 2 جىلدىڭ ۇلگەرۋ تابەلى; - تاربيەلەنۋشىنىڭ جەكە مىنەزدەمەسى; قامتاماسىز ەتىلمەگەن كوپبالالى وتباسى بالا­لارى ء(تورت نەمەسە ودان دا كوپ بىرگە تۇراتىن كا­مەلەتكە تولماعاندار), اسىراۋشىسىنان ايىرى­لىپ, اتا-اناسىنىڭ ءبىرىنىڭ قومقورىندا قالعان بالالار; قامتاماسىز ەتىلمەگەن وتباسى بالالارى, اتاپ ايتساق: • مەملەكەتتىك ادرەستىك الەۋمەتتىك كومەك الۋعا قۇقىلى وتباسى بالالارى; • مەملەكەتتىك ادرەستىك الەۋمەتتىك كومەك الماي­تىن, وتباسىنىڭ ءبىر مۇشەسىنىڭ كىرىسى كۇن كورىس مينيمۋمى شاماسىنان تومەن وتباسى بالالارى. بۇل ساناتتى ۇمىتكەرلەردىڭ ءبىلىم گرانتتارىن الۋعا قاجەتتى قۇجاتتار: - ۇمىتكەردىڭ (اتا-اناسىنىڭ) ءبىلىم گرانتىن تاعايىنداۋ تۋرالى ءوتىنىشى; - جەكە كۋالىگىنىڭ نەمەسە تۋ تۋرالى كۋالىگىنىڭ كوشىرمەسى; - مەملەكەتتىك ۇلگىدەگى جالپى ورتا ءبىلىم تۋرالى قۇجاتتىڭ نوتاريۋس راستاعان كوشىرمەسى; - ۇلتتىق بىرىڭعاي تەستىلەۋ نەمەسە كەشەندى تەستىلەۋ سەرتيفيكاتى نەمەسە كىرىس ەمتيحاندارىنىڭ ناتيجەسى (9-سىنىپ نەگىزىندە تاپسىرۋشىلارعا); - وتباسى مۇشەلەرىنىڭ كىرىسى تۋرالى انىقتاما; - جۇمىسسىزدىق تۋرالى انىقتاما; - مەملەكەتتىك ادرەستىك الەۋمەتتىك كومەك الۋىن راستايتىن, بولماسا وتباسىنىڭ ءبىر مۇشەسىنىڭ كىرىسى كۇن كورىس مينيمۋمى شاماسىن انىقتايتىن قۇجات; - جەرگىلىكتى الەۋمەتتىك قورعاۋ ورگانىنىڭ ۇسىنىس حاتى; - بالانىڭ وقۋ جەتىستىكتەرىن راستايتىن سوڭعى 2 جىلدىڭ ۇلگەرۋ تابەلى; - تاربيەلەنۋشىنىڭ جەكە مىنەزدەمەسى. 2.2. ۇمىتكەرلەردىڭ كونكۋرسقا قاتىسۋ شارتتارى: 1) جالپى ورتا ءبىلىم تۋرالى قۇجاتتىڭ ورتاشا بالى 4,50-تەن (5,0-ءدىڭ) كەم بولماۋى; 2) ۇلتتىق بىرىڭعاي تەستىلەۋ نەمەسە كەشەندى تەستىلەۋدە, شىعارماشىلىق ەمتيحانداردا (شىعارما­شىلىق ماماندىقتارىنا تاپسىراتىندار ءۇشىن) جيناعان بالىنىڭ ارنايى نۇسقاۋلىقتا بەلگىلەنگەن ءوتۋ بالىنا سايكەس كەلۋى. 3. سارا الپىسقىزىنىڭ ءبىلىم گرانتىن تا­عايىنداۋ ءۇشىن ۇمىتكەرلەردى ىرىكتەۋ ءتارتىبى 3.1. كونكۋرسقا قاتىسۋعا وسى ەرەجەلەردىڭ شارت­تارىنا سايكەس كەلەتىن, كورسەتىلگەن ادامداردى كون­كۋرسقا جىبەرۋ تۋرالى مىندەتتى جازباشا حابارلانعان ادامدار جىبەرىلەدى. كونكۋرس ەكى كەزەڭنەن تۇرادى. 3.2. ءبىرىنشى كەزەڭ ۇمىتكەر تۇراتىن جەردە (وبلىس ورتالىعىندا) وتەدى. ءبىرىنشى كەزەڭدە كونكۋرسقا قاتىسۋ ءۇشىن تاپسى­رىلعان قۇجاتتاردىڭ وسى ەرەجەلەردە كورسەتىلگەن شارتتارعا سايكەستىگىن تەكسەرۋ بويىنشا ساراپ­تاماشى توپ جۇمىستارىن ۇيىمداستىرۋ ارقىلى جۇرگىزىلەدى. قۇجاتتار وسى شارتتارعا سايكەس كەلمەگەن جاعدايدا ۇمىتكەر ەكىنشى كەزەڭگە جىبەرىلمەيدى. ساراپتاماشى توپ وبلىستىق ءبىلىم باسقارمالارى قىزمەتكەرلەرىنەن تۇرادى. وسى ەرەجەلەردە كور­سەتىلگەن شارتتارعا سايكەس ىرىكتەلىپ الىنعان قۇجاتتار ء(ار وبلىستان 10 ۇمىتكەردەن ارتىق ەمەس) قازاقستان رەسپۋبليكاسى ءبىلىم جانە عىلىم مينيسترلىگى رمقم «بوبەك» ۇلتتىق عىلىمي-پراكتيكالىق, ءبىلىم بەرۋ جانە ساۋىقتىرۋ ورتالىعىنا ۇسىنىلادى. 3.3. ەكىنشى كەزەڭ الماتى قالاسىنداعى «بوبەك» ۇلتتىق عىلىمي-پراكتيكالىق, ءبىلىم بەرۋ جانە ساۋىقتىرۋ ورتالىعىندا وتەدى. 3.4. ەكىنشى كەزەڭ ۇمىتكەرلەردىڭ تاڭداپ العان ماماندىعىنىڭ بەيىنى بويىنشا ەمتيحان نەمەسە شىعارماشىلىق ەمتيحان تاپسىرۋى جانە تاۋەلسىز ساراپتامالىق كوميسسيا مۇشەلەرىمەن دەربەس اڭگىمەلەسۋى, پورتفوليوسىن قورعاۋى ارقىلى جۇزەگە اسىرىلادى. 3.5. تاۋەلسىز ساراپتامالىق كوميسسيا مۇشەلەرى ۇمىتكەرلەردىڭ ەكى كەزەڭ ناتيجەلەرى بويىنشا قول جەتكىزگەن جەتىستەرى بويىنشا ءار وبلىستان 4 گرانت يەگەرىن انىقتايدى. 3.6. كونكۋرستان (كەزەڭنىڭ بىرىنەن) وتپەگەن ءۇمىت­كەر اعىمداعى جىلدا ەكىنشى رەت كونكۋرسقا قاتىسۋ ءۇشىن قۇجاتتارىن قايتا تاپسىرا المايدى. 3.7. كونكۋرس جەڭىمپازى جوعارى وقۋ ورىندارى­مەن نەمەسە تەحنيكالىق جانە كاسىبي ءبىلىم بەرۋ مەكەمەلەرىمەن وقۋدى ۇيىمداستىرۋ تۋرالى شارتقا وتىرادى. 3.8. كونكۋرس جەڭىمپازى وسى ەرەجەنىڭ 3.7-تارماقشاسىندا كورسەتىلگەن شارتقا مەزگىلىندە وتىرماسا, سول سياقتى شارت بويىنشا ءوز مىندەتتەرىن ورىن­داماسا نەمەسە دۇرىس ورىنداماسا, سارا ال­پىسقىزىنىڭ ءبىلىم گرانتى بويىنشا جۇرگىزىلگەن كونكۋرس جەڭىمپازى قۇقىعىنان ايىرۋ تۋرالى ماسەلە قويىلادى. 3.9. شارت جاسالعاننان كەيىن كونكۋرس جەڭىمپازى قازاقستان رەسپۋبليكاسىنىڭ جوعارى وقۋ ورىندارىندا نەمەسە تەحنيكالىق جانە كاسىبي ءبىلىم بەرۋ مەكەمەلەرىندە وقۋ ءۇشىن جولدامامەن قامتاماسىز ەتىلەدى جانە قارجى اۋدارىلادى. 4. ارنايى ساراپتامالىق كوميسسيا 4.1. سارا الپىسقىزىنىڭ ءبىلىم گرانتىن تا­عايىنداۋ بويىنشا شەشىمدى ارنايى قۇرىلعان كوميسسيا قابىلدايدى جانە ول حاتتامامەن ءراسىم­دەلەدى. كوميسسيا ءماجىلىسى حاتتاماسىنىڭ كوشىرمەسى كوميسسيادا قارالعان قۇجاتتارمەن بىرگە ءبىلىم گرانتىن تاعايىنداۋ تۋرالى بۇيرىققا تىركەلەدى. كوميسسيا ءماجىلىسى قازاقستان رەسپۋبليكاسىنىڭ جوعارى وقۋ ورىندارى مەن تەحنيكالىق جانە كاسىبي ءبىلىم بەرۋ مەكەمەلەرىنە قابىلداۋدىڭ تيپتىك ەرەجەلەرىندەگى ستۋدەنتتەر قاتارىنا قابىلداۋ ءۇشىن بەلگىلەنگەن مەرزىم ىشىندە جۇرگىزىلەدى. 4.2. سارا الپىسقىزىنىڭ ءبىلىم گرانتىن تاعا­يىنداۋ بويىنشا كوميسسيا قازاقستان رەسپۋبليكاسى ءبىلىم جانە عىلىم مينيسترلىگى رمقم «بوبەك» ۇلتتىق عىلىمي-پراكتيكالىق, ءبىلىم بەرۋ جانە ساۋىقتىرۋ ورتالىعىنىڭ باسشى جانە اكىمشىلىك قۇرامىنان, عالىمداردان جانە ونەر قايرات­كەرلەرىنەن قۇرىلادى. 4.3. كوميسسيا قۇزىرىنا: - سارا الپىسقىزىنىڭ ءبىلىم گرانتىن تاعايىنداۋ جونىندەگى ماتەريالداردى قاراۋ; - سارا الپىسقىزىنىڭ ءبىلىم گرانتىن تاعايىنداۋ جانە/نەمەسە تاعايىنداماۋ تۋرالى شەشىم قابىلداۋ; - سارا الپىسقىزىنىڭ ءبىلىم گرانتىنان ايىرۋ تۋرالى ماسەلە كوتەرۋ; - گرانتتىڭ مولشەرىن انىقتاۋ ەنەدى. ءبىلىم گرانتىن تاعايىنداۋ تۋرالى شەشىم قابىلداۋ بەيىندى كەڭەستىك-ساراپتامالىق كوميس­سيانىڭ ۇسىنىمدارىن ەسكەرە وتىرىپ, نەگىزگى قۇرامنان تۇراتىن كوميسسيا مۇشەلەرىنىڭ داۋىس بەرۋى ارقىلى جۇزەگە اسىرىلادى. داۋىس تەڭ بولعان جاعدايدا كوميسسيا توراعاسىنىڭ داۋىسى شەشۋشى ءرول اتقارادى. 4. قورىتىندى ەرەجەلەر 4.1. سارا الپىسقىزىنىڭ ءبىلىم گرانتىن الۋعا تۇسكەن قۇجاتتار مەن ارنايى ەكسپەرتتىك كوميسسيا جۇمىسىنىڭ قورىتىندىلارى «بوبەك» ۇلتتىق عىلىمي-پراكتيكالىق, ءبىلىم بەرۋ جانە ساۋىقتىرۋ ورتالىعىنىڭ مۇراعاتىندا 5 جىل بويى ساقتالۋى كەرەك. 4.2. وسى ەرەجەلەرگە وزگەرتۋلەر مەن تولىق­تىرۋلار تۋرالى ۇسىنىستار قازاقستان رەسپۋبلي­كاسىنىڭ قولدانىستاعى زاڭنامالارىندا بەلگىلەنگەن تارتىپكە سايكەس ەنگىزىلەدى جانە قابىلدانادى. 4.3. وسى ەرەجە جانە وعان ەنگىزىلەتىن وزگەرتۋلەر مەن تولىقتىرۋلار بەكىتىلگەن ساتتەن باستاپ ىسكە قوسىلادى. 4.4. وسى ەرەجە شارتتارىمەن رەتتەلمەگەن ماسە­لەلەر قازاقستان رەسپۋبليكاسىنىڭ قولدانىستاعى زاڭنامالارىنىڭ ەرەجەلەرىنە سايكەس شەشىلۋى كەرەك.