قازاقستان – ليتۆا: قاشاندا قولدايمىز!

كەشە قازاقستان رەسپۋبليكاسى پارل­امەنتى ءماجىلىسى حالىقارالىق ىستەر, قورعانىس جانە قاۋىپسىزدىك كومي­تە­تى­نىڭ حاتشىسى ۆيكتور روگالەۆ  ليتۆا رەسپۋبليكاسىنىڭ قازاقستان رەسپۋب­لي­كاسىنداعى توتەنشە جانە وكىلەتتى ەلشىسى روكاس بەرنوتاسپەن كەزدەستى. مەيماندى پارلامەنت قابىرعاسىندا قارسى العان ۆ.روگالەۆ ەلشىنىڭ قازاق­ستان­داعى قىزمەتىنە تابىس تىلەدى. ەۋرو­پاداعى قاۋىپسىزدىك جانە ىنتىماقتاستىق ۇيىمى توراعالىعىنىڭ تىزگىنىن العان ليتۆا ەلى­مىزدىڭ بالتىق ايماعىنداعى ساياسي سەرىكتەسى بولىپ, ەكونوميكالىق بايلانىس ءورىس العان. ەكىجاقتى كەلىسىمدەر جۇزەگە اسىرىلۋدا. ليتۆا سەيمى مەن پارلامەنت ءماجىلىسى اراسىندا جوعارى دەڭگەيدە دوستىق پەن ىنتىماقتاستىق بايلانىستارعا توقتال­عان كوميتەت حاتشىسى ۆ.روگالەۆ ەكى ەل جەمىستى جۇمىستار  اتقارىپ وتىرعانىنان حاباردار ەتتى. «ليتۆا 2014-2015 جىل­دارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە ءوز كانديداتۋراسىن ۇسى­نىپ وتىرعانىنا قازاقستان قولداۋ بىلدىرەدى. الداعى جىلداردا تاريح ەكى ەلدى حا­لىقارالىق بەدەلدى ۇيىمدارعا قاتارلاسا توراعالىق جاساۋدى جازعان ەكەن, سول جولدا ءوزارا دەمەۋ تانىتايىق», – دەدى. سوڭعى ەكونوميكالىق الەمدىك داعدا­رىسقا قارسى وتاندىق ەكونوميكانى تۇراقتاندىرۋ جولىندا ليتۆانىڭ جاساپ وتىرعان شارالارىن  قازاقستان جوعارى باعالايتىنىن دا مالىمدەدى. 140 ۇلت پەن ۇلىستان تۇراتىن مەملەكەتتەگى ەل بىرلىگى مەن ىنتىماعى جانە قازاقستان حالقى  اسسامبلەياسى جايىنا  توقتالدى. ەلشى اڭگىمەنى وزىنە الماتىدان اس­تا­ناعا ليتۆا رەسپۋبليكاسىنىڭ ەلشىلىگىن كو­شىرۋ جاۋاپكەرشىلىگى جۇكتەلگەنىنەن باس­تادى. ەكى ەل مەملەكەت باسشىلارى استانا سامميتىندە كەزدەسكەنى, ەقىۇ-عا توراعالىق تىزگىنى وزدەرىنە وتكەنى, الداعى كۇزدە دە وسىنداي كەزدەسۋلەر كۇتىپ تۇر­عا­نى جونىندە ايتىپ ءوتتى. «ورتالىق ازيا­دا­عى ەڭ نەگىزگى سەرىكتەسىمىز بولىپ تا­بى­لاتىن قازاقستان مەن ليتۆا اراسىنداعى ەكونومي­كالىق قارىم-قاتىناس قارىشتاپ دامىپ كەلەدى», – دەگەن ەلشى وزدەرى نۇرسۇلتان نا­زارباەۆتىڭ «ەۋروپاعا جول باعدارلاماسىن» قولدايتىندىقتارىن  جەتكىزدى. ساۋلە دوسجانوۆا, جۋرناليست.