كورپوراتسيا كومەگى

ءوز جەرىمىزدىڭ بايلىعى شەتكە كەتپەي ءوز قولىمىزعا ءتيدى دەگەن وسى. ەلىمىزدىڭ تاۋەلسىزدىك  الۋىنىڭ 20 جىلدىعىن مەرەكەلەۋ قارساڭىندا ەۋرازيالىق تابيعي رەسۋرستار كورپورا­تسيا­سى  وبلىستىڭ وركەندەۋى ءۇشىن  2,4 ملرد. تەڭگە بولەتىن بول­دى. ENRC – بۇل ءبىزدىڭ جەرىمىزدەگى پايدالى قازبالاردى قا­زىپ الۋ جانە بايىتۋ سالاسىنداعى جەتەكشى ءارتاراپتى كومپانيالار شوعىرى بولىپ تابىلادى.  توپتىڭ وندىرىستىك اكتيۆتەرى دە نەگىزىنەن ەلىمىزدە ورنالاسقان جانە قۇرامىنا قاز­حروم تۇك, جايرەم كبك, سوكولوۆ-سارىباي تاۋ-كەن بايىتۋ ءون­دىرىستىك بىرلەستىگى, قازاقستان ءاليۋمينيى, قازاقستان ەلەك­ترو­ليز زاۋىتى, ەۋرازيالىق ەنەرگەتيكالىق كورپوراتسيا, ENRC Logistics سياقتى  كاسىپورىندار كىرەدى. ءسويتىپ,  ENRC جانە  وبلىس اكىمدىگى  بيىلعى جىلعى الەۋمەتتىك جوبالاردى ءجۇ­زە­گە اسىرۋ بويىنشا ارىپتەستىك تۋرالى مەموراندۋمعا  قول قويدى. بۇل – وبلىس اكىمدىگى مەن ENRC PLC كومپانياسى ارا­سىن­داعى ءوندىرىستى ءوڭىردىڭ الەۋ­مەت­تىك دامۋىنا باعىتتالعان ءارىپ­تەستىك بايلانىستار ودان ءارى نى­عايا ءتۇستى دەگەن ءسوز. ءوڭىردى قار­جى­لىق قولداۋ بىرقاتار ەكونو­مي­كا­لىق, الەۋمەتتىك جانە مادەني جوبالاردى ىسكە اسىرۋ ارقىلى جۇزەگە اسىرىلادى. مىسالى, مەموراندۋم اياسىندا وبلىستاعى اۋدان ورتالىقتارى مەن قالالار­دا­عى  اۋرۋحانالارعا قۇنى 311 ميلليون تەڭگە تۇراتىن مەديتسينالىق قۇرال-جابدىقتار ساتىپ الىنا­دى. ال, ءوندىرىستى اقسۋ قالاسىندا سپورت-ساۋىقتىرۋ كەشەنىنىڭ قۇ­رى­لىسى جۇرگىزىلۋدە. تۇرعىن ءۇي قۇرىلىسى قاشاندا بولسىن حا­لىق ءۇشىن نەگىزگى باسىم­دىق­تار­دىڭ ءبىرى بولىپ سانالادى. وسى­عان وراي كورپوراتسيا كومەگى ار­قى­لى وبلىس ور­تا­لىعىندا 144 پاتەرلى تۇرعىن ءۇي مەن اقسۋ قا­لا­سىندا 64 پاتەرلى تۇر­عىن ءۇي سا­لى­ناتىن بولادى. كور­پوراتسيا جەر­گىلىكتى جەردەگى  مەك­تەپكە دەيىنگى, جالپى ءبىلىم بەرەتىن مەكتەپتەر جانە ورتاشا تەح­ني­كالىق ءبىلىم بەرەتىن وقۋ ورىن­دارىنا, مادەنيەت جانە ونەر مەكەمەلەرىنە, مەشىتتەر مەن شىركەۋلەرگە قاي­ىرىمدىلىق كومەكتەرىن جال­­عاستىرا بەرەدى. سونىمەن قاتار, بۇلاردىڭ قاتارىندا ارداگەرلەر مەن مۇگەدەكتەرگە, قوعام­نىڭ مۇق­تاج توپتارىنا قولداۋ كورسەتەتىن بالالار ۇيلەرى, ينتەرناتتار, قارت­تار ۇيلەرى, قىزىل جار­تى اي قوعامى بار.  ENRC ءوز كاسىپ­ورىن­دارى ورنا­لاس­قان ءوڭىر­لەر­دە سپورت­تىڭ دامۋى­نا ايرىقشا ۇلەس قوسادى. بيىل جەرگىلىكتى «ەرتىس» فۋتبول كومان­داسىنا دا 450 ميلليون تەڭگە دەمەۋشىلىك كومەك بەرسە, الداعى ۋاقىتتا «ۇستەل تەن­نيسىنىڭ فەدەراتسياسى» اق, «ۆولەيبول كلۋبى» قق جانە وليم­پيا­دالىق رەزەرۆ مەكتەپتەرى دە قارجىلاي كومەك الا الادى. جالپى, ەكىجاقتى  مەموراندۋم بويىنشا وبلىس كولە­مىن­دە ىسكە اسىرىلاتىن 36 جوبا قاراس­تىرىلعان. سوندىق­تان, مەموراندۋم اياسىنداعى  بۇل جو­با­لاردى قارجىلاندىرۋ «ENRC كو­مەك» كورپوراتيۆتىك قايى­رىم­دىلىق قورى مەن ENRC قۇرامىنا كىرەتىن «ەۋرازيالىق ەنەرگەتيكالىق كورپوراتسيا» اق, «قازاقستان اليۋ­مينيى» اق, «قازاقستان ەلەك­تروليز زاۋىتى» اق جانە «قازحروم» تۇك» اق ارقىلى جۇزەگە اسىرىلادى. – ءبىزدىڭ كاسىپورىندار ورنا­لاسقان وڭىرلەردىڭ الەۋمەتتىك-ەكو­نو­ميكالىق دامۋى مەن سول ءوڭىر­لەر­دەگى تۇرعىنداردىڭ امان-ساۋ­لى­عى ENRC ءۇشىن اسا ماڭىزدى. بو­لا­شاقتا دا ءبىز وسى باعىتتاعى جۇ­مىس­تى ودان ءارى جالعاستىراتىن بو­لامىز, – دەپ اتاپ ءوتتى ENRC باس­شىلارىنىڭ ءبىرى فەليكس ۆۋليس. فاريدا بىقاي. پاۆلودار.