ءبىرىنشى جەكپە-جەكتە قازاقستان قۇراماسىنىڭ ءبىرىنشى ءنومىرى قايرات ەراليەۆ (56 كەلىگە دەيىنگى سالماق دارەجەسى) فيليپپين ماريو باۋتيستامەن جۇدىرىقتاسىپ, تورەشىلەردىڭ شەشىمى بويىنشا جەڭىسكە جەتتى. ەكىنشى اينالىمدا قازاقستاندىق اسرور ۆوحيدوۆ (تاجىكستان) پەن ريومەي تاناكانىڭ (جاپونيا) جەڭگەنىمەن جەكپە-جەككە شىعادى. ولاردىڭ جەكپە-جەگى 3 مامىرعا بەلگىلەنگەن.
ال 64 كەلىگە دەيىنگى سالماق دارەجەسىندە قازاقستاندىق بوكسشى بەكداۋلەت يبراگيموۆ كورەيانىڭ ينچحون قالاسىندا وتكەن ازيا ويىندارىنىڭ جۇلدەگەرى يوردانيالىق وبادا الكاسبەحپەن جۇدىرىقتاستى. يبراگيموۆتىڭ قارسىلاسى ءبىرىنشى مينۋتتاردان باستاپ العا بەت الدى. الايدا قازاقستاندىق كونترشابۋىلدارىن ءساتتى جاساپ, 3:0 ەسەبىمەن جەڭدى. شيرەك فينالدا قازاقستاندىق شري-لانكا بوكسشىسى دۋشان ساپارامادۋدى نوكاۋتقا تۇسىرگەن يراك سپورتشىسى كاررار اال-ەزيرەجبەن كەزدەسەدى.
قازاقستاندىق بوكسشى ەرجان جومارت 49 كەلىگە دەيىنگى سالماق دارەجەسىندەگى العاشقى كەزەڭدە تايپەيلىك حون-دا لينمەن جۇدىرىقتاسىپ, 3:0 ەسەبىمەن جەڭدى. 1/4 فينالدا قازاقستاندىق وليمپيادا چەمپيونى وزبەك حاسانبوي دۋسماتوۆپەن كەزدەسەدى.
75 كەلى سالماق كاتەگورياسىندا جۇدىرىقتاساتىن قازاقستاندىق امانقۇل ءابىلحان ازيا چەمپيوناتىن جەڭىسپەن باستادى. ءبىرىنشى جەكپە-جەگىندە 19 جاستاعى امانقۇل قىتاي بوكسشىسى يۋن حان ۆەنمەن كەزدەسىپ, 3:0 ەسەبىمەن ايقىن باسىمدىقپەن جەڭدى. ءبىرىنشى راۋندتا وتانداسىمىز قارسىلاسىن سول قولىمەن سوققى جاساپ, نوكداۋنعا ءتۇسىردى.
قازاقستان اتىنان شيرەك فينالعان شىققان قازاقستاندىق - 91 كەلىدە جۇدىرىقتاساتىن ۆاسيلي لەۆيت. ول جوعارى رەيتينگى ارقىلى الدىن الا جەكپە-جەكتەن بوساتىلعان.
