«كوميسسيا قۇرامىندا شەنەۋنىكتەردىڭ كوپ بولۋىنا اكىمدەردىڭ قوسىلۋى سەبەپ. ويتكەنى, «تۋعان جەر» باعدارلاماسىن جۇزەگە اسىرۋمەن ناق وسى اكىمدەر اينالىسۋى ءتيىس. ارينە, بۇل جەردە ۇلتتىق كوميسسيا ءۇشىن ۇسىنىستار ەنگىزەتىن جۇمىس توپتارى قۇرىلدى, ال جۇمىس توپتارىنىڭ قۇرامى ناقتى تاقىرىپقا ءسايكەس انىقتالاتىن بولادى. جۇمىس توپتارىنىڭ قۇرامىنا حالىقتىڭ بۇدان دا كوپ بولىگى, ياعني ءتۇرلى جىكتەر وكىلدەرى ەنەتىنىنە سەنىمىم زور. ادىلبەك رىسكەلدى ۇلى (پرەزيدەنت اكىمشىلىگىنىڭ باسشىسى – رەد.) ءار جۇمىس توبىنىڭ نەمەن اينالىساتىنى تۋرالى ەگجەي-تەگجەيلى ايتىپ بەردى», دەدى د.اباەۆ.
بۇعان دەيىن قاي جۇمىس توبىن كىمنىڭ باسقاراتىنى تۋرالى بۇقارالىق اقپارات قۇرالدارىندا جاريالانعان بولاتىن.
د.اباەۆ حابار بارىسىندا, سونىمەن قاتار, تەرروريزم ءۇشىن ازاماتتىقتان ايىرۋ ماسەلەسىنە ازىرشە نۇكتە قويىلماعانىن اتاپ كورسەتتى. ەل ۇكىمەتى تەرروريزم ءۇشىن ازاماتتىقتان ايىرۋ تۋرالى تۇزەتۋدى ماقۇلدادى. الايدا, اقپارات ءجانە كوممۋنيكاتسيالار مينيسترىنىڭ پىكىرىنشە, بۇل ماسەلەگە نۇكتە قويۋعا ءالى ەرتە.
«بۇل ماسەلە ءالى بەلسەندى زەرتتەلۋ ۇستىندە. زاڭدى قابىلداۋ بارىسىندا بارلىق پىكىردىڭ ەسكەرىلەتىنى انىق. اسا ماڭىزدى ماسەلە – بۇگىندە تەرروريزم بۇكىل الەم بويىنشا كەڭ تاراپ وتىر, ونىڭ تۇرلەرى دە وسە ءتۇسۋدە. بىراق وعان قارسى كۇرەستىڭ ناقتى تەتىگى ءالى تابىلعان جوق. الەم ەلدەرى قانداي دا ءبىر دەڭگەيدە ونىڭ جولىن ىزدەپ جاتىر. شۆەيتساريادا تەررورشىلاردى ازاماتتىقتان ايىرۋ تۋرالى ماسەلە بىرنەشە مارتە كوتەرىلدى. الەمنىڭ كوپتەگەن ەلىندە بۇل ماسەلەنى بەلگىلى ءبىر دەڭگەيدە تالقىلاۋلار ءجۇرىپ جاتىر», دەدى «حابار» تەلەارناسىنداعى ۇنقاتىسۋدا ۆەدومستۆو باسشىسى.
د.اباەۆتىڭ سوزىنە قاراعاندا, زاڭنىڭ بۇل نورماسى شەتەلدەردە سوعىسىپ جۇرگەن ادامدارعا باعىتتالعان. «ءبىز شەتەلدە جاۋىنگەرلىك ماشىق العان ادامداردىڭ قازاقستانعا كەلىپ, ەلىمىز ءۇشىن قاتەر توندىرگەنىن قالامايمىز. بۇل ماسەلە ءالى دە تالقىلانادى. ەگجەي-تەگجەيلى تۇسىندىرۋلەردى ءبىز ءالى پارلامەنتتە ەستيتىن بولامىز», دەدى مينيستر ءوزىنىڭ سوزىندە.
قازاقستان تۇرعىنى اسەل بازارباەۆا قازاقستان حالقى اسسامبلەياسىنىڭ ححV سەسسياسى بارىسىندا قازاقستان پرەزيدەنتى نۇرسۇلتان نازارباەۆقا ءوزىنىڭ ءدىني سەكتادان باسىن قالاي اراشالاپ العانى تۋرالى ايتىپ بەردى. بويجەتكەننىڭ ءسوزى مينيستر د.اباەۆقا دا ايتارلىقتاي اسەر ەتكەن.
«مەملەكەت باسشىسىنىڭ قاتىسۋىمەن قحا-نىڭ كەزەكتى سەسسياسى ءوتتى. وندا وتە تارتىمدى سوزدەر ايتىلدى. ايتىلعان ءاربىر وقيعادان جەكە دەرەكتى فيلم تۇسىرۋگە بولادى. مەن اسەل بازارباەۆانىڭ ءسوزىنىڭ اسەرىنەن ءالى ايىعا الار ەمەسپىن. ول – دەسترۋكتيۆتى ءدىني اعىمنىڭ قۇربانى, راديكاليزم بۇعاۋىنان قاشىپ قۇتىلىپ, ءداستۇرلى دىنگە قايتا ورالىپ وتىر. ونىڭ مۇنداي شەشىم قابىلداۋىنا اتا-اناسىنان باس تارتۋىن تالاپ ەتۋلەرى سەبەپ بولعان. بۇل حالقىمىزدىڭ وتباسى ءداستۇرى كۇشتى ەكەنىن كورسەتەدى», دەدى «وتكرىتىي ديالوگ» باعدارلاماسىندا ۆەدومستۆو باسشىسى.
