ەلباسى قازاقستان حالقى اسسامبلەياسىنىڭ وبلىستىق عيماراتى الدىندا بوي كوتەرگەن «قازاق ەلىنە مىڭ العىس!» مونۋمەنتىن كوردى. مونۋمەنت ءوڭىردىڭ 20 ەتنومادەني بىرلەستىگىنىڭ باستاماسىمەن سالىنعان, ول ءتۇرلى ۇلتتاردىڭ قازاق حالقىنا دەگەن العىسى مەن ادال نيەتىنىڭ نىشانى بولىپ سانالادى.
نۇرسۇلتان نازارباەۆ كوپۇلتتى مەملەكەتىمىزدەگى ءتۇرلى ۇلتتار مەن ۇلىستار وكىلدەرىنىڭ دوستىعى تاۋەلسىز قازاقستاننىڭ باستى بايلىعى ەكەنىن اتاپ ءوتتى.
قازاقستان پرەزيدەنتى «قوعامدىق كەلىسىم» مەملەكەتتىك مەكەمەسى مەن ءوڭىردىڭ ەتنومادەني ورتالىقتارى ورنالاسقان قازاقستان حالقى اسسامبلەياسىنىڭ عيماراتىمەن تانىستى.
مەملەكەت باسشىسىنىڭ نازارىنا ەتنومادەني بىرلەستىكتەر وكىلدەرىنىڭ ورىنداۋىنداعى «بىرلىگىمىز جاراسقان» دەپ اتالاتىن مۋزىكالىق كومپوزيتسيا ۇسىنىلدى.
