سۋدىڭ دەڭگەي سوڭعى 23 جىلداعى كورسەتكىشتەن اسىپ تۇر, - دەپ حابارلايدى Tengrinews.kz.
"2017 جىلدىڭ 25 ساۋىرىندە ساعات 09:00-دەن بەرى بىلعارى زاۋىتى ىقشاماۋدانىندا قورعانىس بوگەتىن كوتەرۋ مەن ونى نىعايتۋ بويىنشا ينجەنەرلىك جۇمىستار جۇرگىزىلىپ جاتىر. بوگەتتىڭ بيىكتىگى - 1,5 مەتر, ەندى ونىڭ بيىكتىگىن 2,5 مەترگە دەيىن كوتەرۋ جوسپارلانىپ وتىر. ينجەنەرلىك جۇمىستاردى جۇرگىزۋگە 14 دانا تەحنيكا مەن 24 ادام جۇمىلدىرىلدى. جۇمىستار جالعاسىپ جاتىر", - دەدى سولتۇستىك قازاقستان وبلىسىنىڭ توتەنشە جاعدايلار دەپارتامەنتى.
"سوڭعى تاۋلىكتەردە ەسىل وزەنىندەگى سۋ دەڭگەيى كوتەرىلدى. 3 كۇندە سۋ دەڭگەيى 1 مەتر 70 سانتيمەتردەن استى", - دەدى سقو اكىمى قۇمار اقساقالوۆ. سونداي-اق, ول سۋدىڭ بىلعارى زاۋىتى اۋماعىنا دەيىن ءالى دە بارىپ جاتقانىن ايتتى. ونىڭ ايتۋىنشا, بۇگىن سۋ دەڭگەيى 50 سانتيمەترگە دەيىن كوتەرىلەدى دەپ بولجانىپ وتىر.
