جوبا شارتتارىنا سايكەس, قالا اكىمدىگى اپاتتى ۇيلەردىڭ تۇرعىندارىن اۋداندارى بويىنشا بىردەي جاڭا پاتەرلەرگە كوشىرۋدى جۇرگىزۋدە.
ەلوردالىق تۇرعىن ءۇي باسقارماسىنىڭ مالىمەتتەرىنە سايكەس, قۇرىلىس كونسترۋكتسيالارى مەن ينجەنەرلىك جۇيەلەرىنىڭ توزۋ دەڭگەيى جوعارى, 1940-1980 جىلدار ارالىعىندا سالىنعان ۇيلەر بۇزۋعا جاتادى.
2017 جىلدىڭ سوڭىنا دەيىن 228 اپاتتى قۇرىلىستى بۇزۋ جوسپارلانعان, سونىڭ ىشىندە «سارىارقا» اۋدانى بويىنشا - 129 ءۇي, «الماتى» اۋدانىندا - 78, «ەسىل» اۋدانىندا - 21 ءۇي. كوشىرىلەتىن ازاماتتاردىڭ جالپى سانى 3500-دەن اسا وتباسىنى قۇرايدى.
