قىلمىسپەن كۇرەس تالقىلاندى

كەشە ەلوردادا شانحاي ىنتىماقتاستىق ۇيىمىنا مۇشە مەملەكەتتەردىڭ ىشكى ىستەر جانە قوعامدىق قاۋىپسىزدىك مينيسترلەرىنىڭ ەكىنشى كەڭەسى بولىپ ءوتتى. وعان قىتاي حالىق رەسپۋبليكاسى مەملەكەتتىك كەڭەسىنىڭ مۇشەسى – قوعامدىق قاۋىپسىزدىك ءمينيسترى مەن تسزيانچجۋ جانە رەسەي فەدەراتسياسىنىڭ, قىرعىز, تاجىكستان, وزبەكستان رەسپۋبليكالارىنىڭ ىشكى ىستەر مينيسترلەرى قاتىستى. كەڭەستە ءسوز العان ىشكى ىستەر ءمينيسترى قالمۇحانبەت قاسىموۆ اتالعان شارانىڭ شىۇ-نىڭ قۇ­رىل­عا­نى­نا 10 جىل تولۋ قار­سا­ڭىندا ءوتىپ وتىر جانە بۇل ءبىزدىڭ كوپ قىرلى ىنتىماقتاستىعى­مىز­دىڭ ودان ءارى دامي تۇسكەندىگىن بىلدىرەدى دەدى. 2009 جىلى رەسەي­دىڭ ۇسى­نىسى بويىنشا ەكاتەرينبۋرگتە وتكىزىلگەن ءبىرىنشى كەڭەستە قىل­مىس­پەن بىرلەسە كۇرەسۋ جانە ءوزارا تاجىريبە الماسۋدىڭ جالپى باعىتتارى تالقىلانعان ەدى. بۇل جولعى كەزدەسۋدە اتالعان باعىت­تاعى ىنتىماقتاستىقتى ودان ءارى نىعايتا تۇسەتىن ماڭىزدى ماسە­لە­لەر قارالماق. سونىڭ ىشىندە قا­زاقستان تاراپى ۇيىمداسقان قىل­مىس­پەن كۇرەس, ەسىرتكىنىڭ زاڭسىز اينالىمى, زاڭسىز كوشى-قون جانە ت.ب. ماسەلەلەردى ور­تاعا سالاتى­نىن مينيستر ايتىپ ءوتتى. بۇدان كەيىن ءسوز سويلەگەن شىۇ-نىڭ باس حاتشىسى مۇرات­بەك يماناليەۆ ۇيىمنىڭ قۇرىل­عا­نىنا 10 جىل تولۋ قارساڭىندا ونىڭ ەكىنشى كەڭەسىنىڭ استانا قا­لاسىندا ءوتىپ وتىرعانى ۇلكەن ماڭىزدىلىقتى بىلدىرەدى دەدى. بۇگىنگى تاڭدا ۇيىمداسقان قىل­مىس­پەن جانە ەسىرتكىنىڭ زاڭسىز اينالىمىنا قارسى كۇرەس بىرتىندەپ جاندانىپ كەلەدى. بىراق, سو­نىمەن قاتار, ولارمەن بىرگە جاڭا قاتەرلەردىڭ دە باس كوتەرە باس­تا­عانى بەلگىلى. ولارمەن كۇرەس با­رىسىندا شىۇ مەملەكەتتەرىنىڭ الدىنا ۇلكەن مىندەت جۇكتەلەدى. بۇل ورايدا شانحاي ىنتى­ماق­تاستىق ۇيىمىنا مۇشە مەملە­كەت­تەردىڭ ىشكى ىستەر جانە قوعامدىق قاۋىپسىزدىك مينيسترلەرىنىڭ كەڭەسى ۇلكەن ماڭىز اتقارادى. ءوزارا تۇسنىستىك پەن سىندارلى جايدا وتكەن كەڭەس قورىتىن­دى­سىندا قىلمىسقا قارسى كۇرەستە التى ەلدىڭ ىشكى ىستەر ورگان­دارى­نىڭ ىنتىماقتاستىعىن دامىتۋعا باعىتتالعان كەشەندى ءىس-شارالار­دى قامتيتىن حاتتاماعا قول قويىل­دى. الەكساندر تاسبولاتوۆ.