تۇركىتانۋشىلار باس قوستى

كەشە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «تۇركى الەمى: تاريح جانە قازىرگى زامان» اتتى حالىقارالىق تۇركىتانۋ سيمپوزيۋمى ءوتتى. تاۋەلسىزدىگىمىزدىڭ 20 جىل­دىعىنا وراي وتكىزىلىپ وتىر­عان ءىس-شارانى ءبىلىم جانە عىلىم, مادەنيەت مينيسترلىكتەرى, لەۆ گۋميلەۆ اتىنداعى ەۋرازيا ۇلت­تىق ۋنيۆەرسيتەتى, پرەزيدەنتتىك مادەنيەت ورتالىعى, تۇركى اكا­دەمياسى, تۇركيا رەس­پۋبليكاسى ۇكىمەتى جانىنداعى ارىپتەستىك جانە دامۋ جونىندەگى تۇركيا باس­­قارماسى ۇيىم­داس­تىرىپ وتىر. بۇل سيمپوزيۋمدى وتكىزۋگە – دايىندىق ەۋرازيا ۋنيۆەرسيتەتىندە 2010 جىلدىڭ قىركۇيەك ايى­نان باستالعان بولاتىن. سو­عان وراي, ۋنيۆەرسيتەتتە تۇركولوگيا كافە­دراسىنىڭ اشىل­عا­نىن دا ايتا كەتكەن ءجون. سو­نى­مەن قاتار, وسى سالا بويىنشا باكالاۆر, ماگيستر جانە دوكتورانتتار دايارلاۋ ىسىنە دە ءمان بەرىلىپ وتىر ەدى. ول حا­لىقارالىق تۇركو­لو­گيالىق باي­لا­نىستار مەن قۇ­قىقتىق جانە عى­لىمي نەگىزدە ءبىلىم بەرۋدەگى ءارىپ­تەستىكتى دامى­تۋدى كوزدەيدى. ەكى كۇنگە جوسپارلانعان كون­فە­رەنتسيانىڭ اشىلۋ سالتا­نا­تىندا ۋنيۆەرسيتەت رەكتورى ب.ءابدىرايىم قۇتتىقتاۋ ءسوز ءسوي­لەدى. ول: «تۇركولوگيا سالا رەتىندە تانىلا باستاعاننان بەرى, عىلىمعا كوپتەگەن جاڭالىقتار ەنگىزۋدە. ەلباسىنىڭ باستاما­سى­مەن قازاقستاندا تۇركى اكا­دە­ميا­سى قۇرىلدى. سونىڭ ءناتي­جە­سىندە تۇركىتانۋدىڭ ءورىسى كەڭەيە ءتۇستى. ءبىزدىڭ ۋنيۆەرسيتەتتە تۇركولوگيا كافەدراسى قۇرىلدى. بۇل سالا الەم بولىپ, تۇركى مەملەكەتتەرى بولىپ اقىلداساتىن عى­لىم. بۇگىنگى جيىننىڭ دا حالىق­ارالىق تاريحي ماڭىزى بار شارا ەكەنى داۋسىز», – دەي كەلە, كونفەرەنتسيا جۇمىسىنا ساتتىلىك تىلەدى. كەڭ كولەمدەگى سيمپوزيۋمدى وتكىزۋدىڭ ماقساتى – تۇركولو­گيا­نىڭ دامۋ ءورىسى مەن وزەكتى ماسە­لە­لەرىن تالقىلاۋ, بىرىڭعاي اقپارات­تىق جانە مادەني كەڭىستىك پەن تۇركى الەمىنىڭ قاۋىمداس­تى­عىن قۇ­رۋ. ياعني, ولار تۇركسوي, تۇركپا (پارلامەنتتىك اسسامبلەيا) سىندى وزگە دە ءىرى ينستيتۋتتارمەن تەڭەسە وتىرىپ, اۋقىمدى الەۋمەتتىك كاتاكليزم مەن وقي­عالار ورىن العان جاعدايدا تۇركى الەمى ەلدەرىن ينتەگراتسيالاۋعا سەبەپ بولماق. تۇركىتانۋ سيمپوزيۋمىنىڭ ال­عاشقى كۇنىندەگى پلەنارلىق ءما­جىلىستىڭ سوڭى پرەزيدەنتتىك ءما­دەنيەت ورتالىعىندا وتكەن كون­تسەرتكە ۇلاستى. جۇلدىز ءبايدىلدا.