«رەفەرەندۋم قورىتىندىلارى تۇركيا حالقى اراسىنداعى ءسىزدىڭ جوعارى بەدەلىڭىزدىڭ جانە حالىقارالىق ارەنادا ەلىڭىزدىڭ تۇعىرىن نىعايتۋعا باعىتتالعان ساياساتىڭىزعا كورسەتكەن كوپشىلىكتىڭ قولداۋىنىڭ ايقىن دالەلى بولىپ سانالادى. ءسىزدىڭ باسشىلىعىڭىزبەن تۇرىك رەسپۋبليكاسى وڭىردەگى تۇراقتىلىقتى ساقتاۋعا زور ۇلەس قوساتىن, جاھاندىق ساياساتتا ەلەۋلى ورنى بار ەل, ىنتىماعى بەرىك, زايىرلى مەملەكەت بولىپ قالا بەرەتىنىنە سەنىمدىمىن.
قازاقستان مەن تۇركيا اراسىندا قالىپتاسقان تىعىز ىنتىماقتاستىق ەكى ەل حالقىنىڭ يگىلىگى جولىنداعى ءوزارا تۇسىنىستىك نەگىزىندە جالعاسا بەرەدى دەپ سەنەمىن», – دەلىنگەن جەدەلحاتتا.
نۇرسۇلتان نازارباەۆ تۇرىك رەسپۋبليكاسى پرەزيدەنتىنىڭ جاۋاپتى قىزمەتتە مول تابىسقا جەتۋىنە, ال باۋىرلاس تۇرىك حالقىنىڭ ودان ءارى دامىپ, ءوسىپ-وركەندەي بەرۋىنە تىلەكتەستىك ءبىلدىردى.
