وندا بىلاي دەلىنەدى: «قازاقستان ۇستىمىزدەگى جىلدىڭ 15 ساۋىرىندە سيريانىڭ الەپپو قالاسىنا جاقىن ماڭدا جاسالعان تەررورلىق اكتىنى شەشىمدى تۇردە ايىپتايدى. اتالعان قىلمىستىق ارەكەت سالدارىنان جۇزدەن استام ادام قازا تاپتى. ولار ۇكىمەت پەن قارۋلى وپپوزيتسيا اراسىنداعى ءتيىستى ۋاعدالاستىققا سايكەس, ءال-فۋا جانە كەفراي اۋداندارىنان اكەتىلىپ بارا جاتقان بەيبىت ادامدار بولاتىن».
مالىمدەمەدە كىناسىز ادامداردىڭ, ءبىرىنشى كەزەكتە, بالالاردىڭ ءولتىرىلۋى ەرەكشە اشۋ-ىزا تۋعىزاتىنى, بۇل لاڭكەستەرگە ادام بالاسىنا جات قاتىگەزدىك ءتان ەكەنىن ايعاقتايتىنى اتاپ كورسەتىلەدى.
«سيريا حالقىنا, قازا تاپقانداردىڭ وتباسىلارى مەن جاقىندارىنا شىن نيەتتەن كوڭىل ايتامىز جانە تەرراكت كەزىندە زارداپ شەككەندەردىڭ تەز ساۋىعىپ كەتۋلەرىن تىلەيمىز», دەلىنگەن مالىمدەمەدە.
سوڭىندا قازاقستاننىڭ تەرروريزمنىڭ كەز كەلگەن تۇرىنە قارسى كۇرەستە ءوزىنىڭ قولداۋ كورسەتۋگە دايىن ەكەنىن كەزەكتى مارتە قۋاتتاي كەلىپ, حالىقارالىق كۇش-جىگەردى جاھاندىق كونترتەرروريستىك كواليتسيا (جەلى) قۇرۋ ارقىلى دا وسى قاتەرگە قارسى باعىتتاۋعا شاقىراتىنى كولدەنەڭ تارتىلادى.
