العاشقى جاۋاپ الىندى

كەشە يتاليانىڭ چيۆيتاۆەكيا قالاسىنىڭ سوتىندا الدىن الا تەرگەۋ سۋدياسىنىڭ, پروكۋرور مەن ادۆوكات يۆانا ءماننيدىڭ قاتىسۋىمەن ۇستالعان قازاقستاندىقتان العاشقى جاۋاپ الۋ ۇدەرىسى بولىپ ءوتتى, دەپ حابارلادى قر ءسىم-ءىنىڭ ءباسپاسوز قىزمەتى. پروكۋرور ماجىلىستە قازاقستاندىققا تاعىلعان ءۇش ايىپتاۋ بابىن حابارلادى. ولاردىڭ ىشىندەگى ەڭ اۋىرى اۋە كەمەسىن باسىپ الۋعا ارەكەتتەنۋ بولىپ تابى­لادى. بۇل باپ ۇزاق ۋاقىت تۇرمەگە قاماۋدى قاراستىرادى. سۋديا ايىپتاۋمەن كەلىستى. اتالعان ماجىلىستە ايىپتالۋشىنىڭ كەپىلدەمە ارقىلى نەمەسە كەتپەۋ تۋرالى قولحات بەرۋ ارقىلى بوستاندىققا شىعۋ ءمۇم­كىن­دىگى ماسەلەسىن ادۆوكات كوتەرگەن جوق. سەبەبى, تاعىلىپ وتىرعان ايىپ اۋىر. سو­نىمەن ءبىر مەزگىلدە, ادۆوكات ۇستال­عان­نىڭ دەنساۋلىعىن تاۋەلسىز پسيحو­تە­راپەۆتىڭ ساراپتاماسىنان وتكىزۋ تۋرالى سۇرانىس جاسادى. بۇل سۇرا­نىستى سۋديا قولدادى. ءسويتىپ, ايىپتالۋشى قاماۋعا الىندى. جاۋاپ الۋدىڭ كەلەسى ۋاقىتىن سۋديا كەيىن بەلگىلەيتىن بولادى. يتالياداعى قازاقستان كونسۋلىنا جەرگىلىكتى بيلىكتەن ۇستالعانعا كۇن سايىن بارىپ تۇرۋ قۇقىنا قول جەتكىزۋ مۇمكىن بولدى. سونداي-اق, كەشە قازاق­ستان رەسپۋبليكاسىنىڭ يتالياداعى ەلشىلىگىنىڭ وكىلدەرىنە ۆ.گ.تولماچەۆپەن كەزدەسۋ وتكىزۋگە جاعداي تۋعىزىلدى. اڭگىمە بارىسىندا ۇستالعاننىڭ قا­ماۋ­داعى جاعدايىنا ارىز-شاعىمى جوق ەكەنى انىقتالدى. ول ءبىر ادامدىق كامەرادا وتىرسا, دەنساۋلىعىنا بايلانىس­تى دا الاڭدايتىن ەشتەڭە جوق كورىنەدى. ۆ.تولماچەۆتىڭ ءوزى بولسا, كوڭىل-كۇيى وتە باسىڭقى جاعدايدا ەكەن. ونىڭ ايتۋىن­شا, وقيعا كەزىندە ءوزىنىڭ ءىس-ارەكەتىن با­قىلاي الماي قالعان; قىلىعىنا قاتتى وكىنەدى جانە تەرگەۋمەن تولىق ىنتى­ماقتاسۋعا دايىن. ۆ.تولماچەۆ يتاليان ءتىلىن مەڭگەرگەن, سوندىقتان تارجىمەشىنىڭ قىزمەتىن قاجەتسىنبەيدى.