تاۋەلسىزدىك قۇرداستارىمەن كەزدەستى

شاھارعا جاقىندا وبلىس اكىمى بەردىبەك ساپارباەۆ ارنايى كەلدى. الدىمەن ايماق باسشىسى قالا اكىمى ايبەك كارىموۆپەن بىرگە شاھاردىڭ ورتالىعىندا سالىنىپ جاتقان دەنە شىنىقتىرۋ-ساۋىقتىرۋ كەشەنىنىڭ قوسالقى عيماراتىن كوردى. 1988 جىلى قۇرىلىسى باستالىپ, اياقسىز قالعان بۇل نىساندى «تۋعان جەرگە تاعزىم» اكتسياسى اياسىندا قايتا تۇرعىزۋعا بەكىنگەن جەرگىلىكتى كاسىپكەرلەر ەكەن. قۇرىلىس جوبا­سى­مەن تانىسقان سوڭ ءوڭىر باسشىسى بۇل جۇ­مىستارعا «بيزنەستىڭ جول كارتاسى» ايا­سىندا قولداۋ كورسەتۋ مۇمكىندىگىن قاراس­تىراتىنىن ايتتى. بۇدان سوڭ اتالمىش عيماراتپەن ىرگەلەس تۇرعان بۇرىنعى زووۆەتەريناريا ينستيتۋتى عيماراتىن قال­پىنا كەلتىرمەك بولعان ازاماتتاردىڭ جوباسىمەن تانىستى. كەزىندە ورتەنىپ كەتىپ, بەرىك قابىرعالارى عانا قالعان نى­سان ساۋدا, اكىمشىلىك, ويىن-ساۋىق كەشەنى بولىپ قايتا سالىنباقشى. قۇرىلىستى 2014 جىلى اياقتاۋ كوزدەلۋدە. سونداي-اق, اكىم مەملەكەتتىك جەكە-مەن­شىك ارىپتەستىك اياسىندا جاڭادان اشىل­عان 75 ورىندىق «اقبۇلاق» بالا­باقشاسىنىڭ تىنىس-تىرشىلىگىمەن دە تا­نىستى. قازىر مەكتەپكە دەيىنگى بۇل مەكەمەدە 60 بالا تاربيە الىپ جاتىر. ولاردىڭ 50-ءى مەملەكەتتىك توپتارعا, ال 10-ى جەكەمەنشىك توپقا بارادى. وسىلايشا, 3 پەن 5 جاس ارالىعىنداعى بالالارعا رۋحاني, ادامگەرشىلىك تاربيە بەرۋگە جاڭاشىل سيپاتتا ەرەكشە دەن قويىلىپ وتىر. وسىدان سوڭ ب.ساپارباەۆ سەمەيدەگى 343 كۆارتالدا ورىن تەپكەن جاڭادان سالىنعان دەنە شىنىقتىرۋ-ساۋىقتىرۋ كەشەنىنىڭ باس عيماراتىندا بولىپ, ونىڭ ىشكى قۇرىلى­سىن, سپورتتىق جابدىقتار مەن جاتتىعۋ زالدارىن, ءجۇزۋ باسسەينىن تاماشالاپ شىقتى. ءتىپتى, ۇلكەن تەننيس الاڭىندا ءوزى دە قالاقپەن دوپ ۇرىپ بايقاپ كوردى. جا­ڭا­دان بوي كوتەرگەن بۇل كەشەندى سالۋعا مەملەكەتتەن 1 ميلليارد 120 ملن. تەڭگە ءبو­لىن­گەن بولاتىن. اۋماعى 10 مىڭ شارشى مەتردى الىپ جاتقان الىپ عيماراتتا ءبىر مەزەتتە 700 ادام سپورتتىڭ ءار تۇرىمەن اينا­لى­سۋىنا بارلىق مۇمكىندىك جاسالعان. 3 سپورت زالى, ءجۇزۋ باسسەينى بار. مەملەكەت جاستار ساياساتىنا جان-جاقتى قولداۋ كورسەتىپ كەلەدى جانە الداعى ۋاقىتتا دا سولاي بولا بەرەدى, دەيدى بۇل جايىندا تۇسىنىك بەرگەن جەرگىلىكتى بيلىك وكىلدەرى. تانىستىرۋلاردان سوڭ مەيماندار سەمەي جاستارى ۇيىمداستىرعان «ءبىز – تاۋەلسىزدىكتىڭ قۇرداستارىمىز» اتتى فورۋمعا قاتىستى. بۇل شارانى وتكىزۋگە 1991 جىلى تۋعان 3 مىڭنان استام بوزبالا مەن بويجەتكەن اتسالىستى. مۇنان كەيىن وبلىستىڭ ءار تۇكپىرىنەن كەلگەن جاس ورەندەر جالىندى جىرلارى مەن اۋەزدى اندەرىن كوپشىلىك نازارىنا ۇسىن­دى. ولار ءوز سوزدەرىندە قوعامداعى ۇلت­ارالىق كەلىسىم مەن تاتۋلىق قانا تا­بىستارعا باستايتىنىن ايتىپ, ءاربىر قازاق­ستاندىقتى تاۋەلسىزدىگىمىزدىڭ 20 جىل­دى­عىن وسىلاي بىرلىكپەن اتاپ وتۋگە شاقىردى. سونداي-اق, ستۋدەنتتەر قاۋىمى مەن سپورتشىلار مەملەكەتتىڭ قامقورلىعىنا ريزا ەكەنىن جەتكىزىپ, ىستىق ىقىلاس­تارىن ءبىلدىردى. تاۋەلسىزدىكتىڭ 20 جىلدىعى قارسا­ڭىن­دا شىعىس قازاقستان وبلىسىندا بىرنەشە مەكتەپ, بالاباقشا, الەۋمەتتىك نىساندار بوي كوتەرىپ, جولدار ءجون­دەلمەك. ەل تاريحىنداعى ايتۋلى مەرەكەگە ءاربىر تۇرعىن ءوز ۇلەسىن قوسۋعا دايىن. داۋلەت سەيسەن ۇلى, قۋانىش قوجاەۆ, جۋرناليست. سەمەي.