قازاقستان رەسپۋبليكاسى ۇكىمەتىنىڭ قاۋلىسى №89

2011 جىلعى 8 اقپان,  استانا, ۇكىمەت ءۇيى جەر قويناۋى تۋرالى گەولوگيالىق جانە وزگە دە اقپاراتتى جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگانعا ساقتاۋ, جۇيەلەۋ جانە جيناقتاۋ ءۇشىن اقىسىز بەرۋ قاعيداسىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭى 11-بابىنىڭ 2-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان جەر قويناۋى تۋرالى گەولوگيالىق جانە وزگە دە اقپاراتتى جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگانعا ساقتاۋ, جۇيەلەۋ جانە جيناقتاۋ ءۇشىن اقىسىز بەرۋ قاعيداسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ  پرەمەر-ءمينيسترى   ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 8  اقپانداعى  №89 قاۋلىسىمەن  بەكىتىلگەن جەر قويناۋى تۋرالى گەولوگيالىق جانە وزگە دە اقپاراتتى جەر قويناۋىن زەرتتەۋ مەن پايدالانۋ  جونىندەگى ۋاكىلەتتى ورگانعا ساقتاۋ, جۇيەلەۋ جانە جيناقتاۋ ءۇشىن اقىسىز بەرۋ قاعيداسى 1. جالپى ەرەجەلەر 1. وسى قاعيدا «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭى (بۇدان ءارى -زاڭ) 11-بابىنىڭ 2-تارماعىنا سايكەس ازىرلەنگەن جانە جەر قويناۋى تۋرالى گەولوگيالىق جانە وزگە دە اقپاراتتى جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگانعا ساقتاۋ, جۇيەلەۋ جانە جيناقتاۋ ءۇشىن اقىسىز بەرۋدىڭ ءتارتىبىن, نىساندارىن جانە ۇسىنۋ مەرزىمىن انىقتايدى. 2. جەر قويناۋىن پايدالانۋشىلار جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگانعا (بۇدان ءارى – ۋاكىلەتتى ورگان) ساقتاۋ, جۇيەلەۋ جانە جيناقتاۋ ءۇشىن اقىسىز بەرۋگە: 1) جەر قويناۋىن پايدالانۋ جونىندەگى وپەراتسيالاردى جۇرگىزۋ ۇدەرىسىندە جەر قويناۋىن پايدالانۋشى العان جانە جەر قويناۋىن پايدالانۋ وبەكتىلەرىنىڭ جاي-كۇيىن سيپاتتايتىن تاۋ-كەن قازبالارىنىڭ جانە ۇڭعىمالاردىڭ گەولوگيالىق, گەوحيميالىق, گەوفيزيكالىق, گيدروگەولوگيالىق, گەومورفولوگيالىق, جوبالاۋ جانە ناقتى تەحنيكالىق قۇجاتتاماسى (بۇدان ءارى –اقپارات); 2) باستاپقى گەولوگيالىق اقپارات, تەكتونيكالىق مالىمەتتەر, ۇڭعىمالار جونىندەگى اقپارات, بولجامدىق رەسۋرستار جانە كەن ورىندارىنىڭ, جەر قويناۋىن پايدالانۋ جونىندەگى وپەراتسيالار جۇرگىزىلەتىن كەلىسىمشارتتىق اۋماقتاعى جۇمىستار ۋچاسكەسى مەن وبەكتىلەرىنىڭ تەڭگەرىمدىك قورلارى (بۇدان ءارى – باستاپقى اقپارات); 3) بۇرعىلاۋ ۇڭعىمالارىنىڭ كەرنىمەن, مۇناي, سۋ, گاز سىنامالارىمەن, تاس ماتەريالىنىڭ ۇلگىلەرىمەن, سىنامالارىمەن جانە كوللەكتسيالارىمەن, تاستىلىمدەرمەن, تاسكەسىمدەرمەن, مينەرالدىق ەرىتىندىلەرمەن جانە ۇنتاقتارمەن ۇسىنىلعان تابيعي (بۇدان ءارى – زاتتىق اقپارات) جەتكىزگىشتەردەگى اقپارات; 4) دالالىق باقىلاۋلار جۋرنالدارىندا جانە باسقا قۇجاتتامالاردا, ونىڭ ىشىندە سىناما جاساۋ, سىنامالاردى تالداۋ, گەوفيزيكالىق باقىلاۋلاردى (بۇدان ءارى – دالالىق اقپارات) تىركەۋ جۋرنالدارىندا بەينەلەنگەن تابيعي (قاعاز جانە ەلەكتروندىق) جەتكىزگىشتەردەگى اقپارات جاتادى. 3. زاڭنىڭ 20-بابىنىڭ 14) تارماقشاسىنا سايكەس مينەرالدىق شيكىزاتتى باستاپقى وڭدەۋدى (بايىتۋدى) قوسا العاندا, جەر قويناۋىن پايدالانۋشىعا بەرىلگەن اقپاراتتىڭ جانە دالالىق اقپارات نەگىزىندە ۋاكىلەتتى ورگان جەر قويناۋىنىڭ ۇتىمدى جەنە كەشەندى پايدالانىلۋىن باقىلاۋدى جۇزەگە اسىرادى. 2. جەر قويناۋى تۋرالى گەولوگيالىق جانە وزگە دە اقپاراتتى جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگانعا ساقتاۋ, جۇيەلەۋ جانە جيناقتاۋ ءۇشىن اقىسىز بەرۋ ءتارتىبى 4. جەر قويناۋىن پايدالانۋشىلار اۋماقتىق تيىستىلىگى بويىنشا ۋاكىلەتتى ورگاننىڭ وڭىرارالىق دەپارتامەنتىنە (بۇدان ءارى – ءود) توقسان سايىن ەسەپتى كەزەڭنەن كەيىنگى ايدىڭ 15 (ون بەسىنشى) كۇنىنە دەيىنگى مەرزىمدە بەرەدى. 5. ۋاكىلەتتى ورگاننىڭ وڭىرارالىق دەپارتامەنتتەرى اۋماقتىق تيىستىلىگى بويىنشا جيناقتالعان اقپاراتتى ۋاكىلەتتى ورگانعا ەسەپتى كەزەڭنەن كەيىنگى ەكىنشى ايدىڭ 1 ء(بىرىنشى) كۇنىنە دەيىن جولدايدى. 6. اقپارات ەلەكتروندىق تۇردە ۇسىنىلادى جانە جەر قويناۋىن پايدالانۋشىنىڭ ءبىرىنشى باسشىسىنىڭ نەمەسە ونى الماستىراتىن ادامنىڭ ەلەكتروندىق-تسيفرلىق قولىمەن راستالادى. 7. ەلەكتروندىق تۇردەگى اقپاراتتى ۇسىنعان كەزدە ۋاكىلەتتى ورگان ەلەكتروندىق تۇردەگى اقپاراتتىڭ فورماتىن جانە بەرىلۋ ءتاسىلىن ايقىندايدى جانە ولاردى رەسمي ينتەرنەت-رەسۋرستا ورنالاستىرادى. 8. ەلەكتروندىق تۇردەگى اقپارات رۇقسات ەتىلمەگەن قول جەتكىزۋدەن قورعاۋدى قامتاماسىز ەتەتىن بولىنگەن بايلانىس ارنالارى بويىنشا بەرىلەدى جانە دەرەكتەردى ارنايى ەلەكتروندىق ساقتاۋ ورنىندا ورنالاستىرىلادى, سول ارقىلى ۋاكىلەتتى ورگاننىڭ اقپاراتقا قول جەتكىزۋىن جانە مۇددەلى مەملەكەتتىك ورگانداردىڭ ساۋالدارىنا جاۋاپتاردى قامتاماسىز ەتىلەدى. 9.زاتتىق اقپاراتتى ۋاكىلەتتى ورگاننىڭ رەسمي ساۋالى بويىنشا جەر قويناۋىن پايدالانۋشى وسىنداي ساۋالدى العان كۇنىنەن باستاپ كۇنتىزبەلىك 30 (وتىز) جۇمىس كۇنى ىشىندە ۇسىنادى. 10. جەر قويناۋىن پايدالانۋشى زاتتىق تابيعي ماتەريالدى تاسىمالداۋ قاۋىپسىزدىگىن جانە ساقتاۋدى قامتاماسىز ەتەتىن ءتيىستى ورامادا ماتەريالداردىڭ ۇلگىلەرى, سىنامالاردىڭ تەلنۇسقالارى جانە تاعى باسقالارى تۇرىندە ۇسىنادى. 11. جەر قويناۋىن پايدالانۋشى زاتتىق اقپاراتتى وڭىرلىك ساقتاۋ ورىندارىنا ۇسىنادى, سول ارقىلى قاۋىپسىز ساقتاۋ, ۋاكىلەتتى ورگاننىڭ تابيعي ماتەريالعا قولجەتىمدىلىگى جانە قاجەتتى زەرتحانالىق-تالداۋ زەرتتەۋلەرى قامتاماسىز ەتىلەدى. 12. كەلىسىمشارتتىق اۋماقتا جۇمىستار تولىق اياقتالعاننان كەيىن جەر قويناۋىن پايدالانۋشى دالالىق قۇجاتتامانى ۋاكىلەتتى ورگانعا بەرەدى. 13.جەر قويناۋىن پايدالانۋشىنىڭ اقىسىز بەرۋگە جاتاتىن اقپاراتى پايدالى قازبالاردى بارلاۋ جانە/نەمەسە ءوندىرۋ بويىنشا بەكىتىلگەن جوبالىق شەشىمدەردى ورىنداۋدىڭ جوبالىق جانە ناقتى قول جەتكىزگەن كورسەتكىشتەرىن قۇرايدى. 14.ەسەپتىك كورسەتكىشتەردىڭ جيناقتالىمىن جەر قويناۋىن پايدالانۋشى پايدالى قازبالاردىڭ كەن ورىندارىن ىزدەۋدىڭ, باعالاۋدىڭ جانە ازىرلەۋدىڭ بەكىتىلگەن جوبالىق قۇجاتتارىنىڭ نەگىزىندە قالىپتاستىرادى جانە ول كورسەتكىشتەردىڭ مىناداي توپتارىن: گەولوگيالىق بارلاۋ جۇمىستارىنىڭ كولەمدەرىن; تاۋ-كەن جانە دايىندىق جۇمىستارىنىڭ كولەمدەرىن; پايدالانۋداعى بۇرعىلاۋدىڭ كولەمدەرىن; ءوندىرۋدىڭ تاسىلدەرى مەن ءونىمنىڭ پارامەترلەرىن; تەحنيكالىق جانە تەحنولوگيالىق شەشىمدەردى; پايدالى قازبالاردى ءوندىرۋدى; پايدالى قازبانىڭ ىسىراپتارىن; پايدالى قازبانىڭ ماردىمسىزدانۋىن; پايدالى قازبانىڭ ساپاسىن; تاۋارلىق كەننىڭ جانە پايدالى قازبانى قايتا وڭدەۋ ونىمدەرىنىڭ ساپالىق جانە ساندىق سيپاتتاماسىن; پايدالى قازبانى قايتا وڭدەۋدى جانە مەتاللۋرگيالىق قايتا ءبولۋدى; ىسكە اسىرۋ جانە قارجىلىق كورسەتكىشتەرىن; كەن ورىندارىندا ەسەپتى كەزەڭدە وڭدەلەتىن ۇڭعىلاۋ بىرلىكتەرىن (ۇڭعىمالار) قامتۋى ءتيىس. كورسەتكىشتەردىڭ كورسەتىلگەن توپتارى ۋاكىلەتتى ورگان رەسمي ينتەرنەت-رەسۋرسىنا ورنالاستى­راتىن ەسەپتىلىكتىڭ ەلەكتروندىق نىساندارىندا ناقتىلانادى.