حالىقارالىق «شىعىس شىنارى» كونكۋرسىنىڭ ەرەجەسى

شىعىس قازاقستان وبلىسى وسكەمەن قالاسىنىڭ اكىمدىگى قازاقستان جازۋشىلار وداعىمەن بىرلەسە وتىرىپ, 2011 جىلى 20-25 تامىزدا قازاقستان رەسپۋبليكاسى تاۋەلسىزدىگىنىڭ 20 جىلدىعىنا ار­نالعان «شىعىس شىنارى» اتتى حالىقارالىق ءمۇ­شايرا وتكىزەدى. كونكۋرسقا قازاقستان, قىتاي, مونعوليا, وزبەكستان, تۇركيا, رەسەي, قىرعىزستان مەملەكەت­تەرىنىڭ اقىندارى قاتىسادى. ءمۇشايرانىڭ ماقساتى: قازاقستاننىڭ «جاۋھارى» اتانعان جەر ءجان­ناتى, ءوندىرىستىڭ ورداسى بولعان شىعىس قازاق­ستان وبلىسىن, ونىڭ باستى قالاسى وسكەمەندى دارىپتەۋ, وبلىستىڭ تاۋەلسىزدىكتىڭ 20 جىلىندا جەتكەن جەتىستىكتەرىن ماداقتاۋ, جىر جولدارى ارقىلى قالىڭ قاۋىمعا پاش ەتۋ. اقىنداردى ىنتالاندىرۋ. ءمۇشايرا تاقىرىپتارى: 1. تاۋەلسىزدىك تىرەگى – قازاقستان رەسپۋبليكاسى تاۋەلسىزدىگىڭ 20 جىلدىعى. 2. «شىعىس شىنارى» نەمەسە «ولەڭ – ءسوزدىڭ پاتشاسى» (شىعىس قازاقستان وبلىسى مەن وسكەمەن قالاسى تۋرالى ولەڭدەر). 3. ەركىن تاقىرىپ. مۇشايراعا قاتىسۋشى تالاپكەر وسى ءۇش تاقىرىپقا ارنالعان ولەڭدەرىن 2011 جىلدىڭ 1 مامىر ايىنان 1 شىلدەگە دەيىن «مۇشايراعا» دەپ, بۇركەنشىك اتپەن جىبەرۋى ءتيىس. قوسىمشا بولەك كونۆەرتتە اۆتور جايلى مالىمەت (اتى-ءجونى, مەكەنى, تەلەفوندارى, سۋرەتى, اقىننىڭ شىعارماشىلىعى تۋرالى شاعىن اقپارات, ت.ب.) تولىق جازىلۋى كەرەك. ولەڭدەردىڭ ەلەكتروندى نۇسقاسى قوسا جىبەرىلۋى ءتيىس. مۇشايراعا بۇرىن جاريالانباعان ولەڭدەر عانا قابىلدانادى. ءمۇشايرانىڭ I-ءشى كەزەڭىنىڭ قورىتىندىسى شىلدە ايىندا انىقتالادى. تامىز ايىنىڭ ەكىنشى جارتىسىندا II-كەزەڭگە جىبەرىلگەن اقىندار مەن «ءمۇشايرانىڭ» قۇرمەتتى قوناقتارى شاقىرىلادى. ءمۇشايرا تابيعاتى سۇلۋ, قازاقتىڭ «شۆەيتسارياسى» اتانعان شىعىستىڭ شۇ­رايلى توپىراعىندا ءبىر اپتا كولەمىندە وتكىزىلەدى. اقىنداردىڭ جىر دوداسى بارىسىندا كونكۋرسقا قاتىسۋشى قازاقتىڭ بەلگىلى پوەزيا مايتالمان­دارى­مەن كەزدەسۋلەر, پىكىرتالاستار, دوڭگەلەك ۇستەلدەر, سۇحباتتار ۇيىمداستىرىلادى. اپتانىڭ سوڭىندا II-كەزەڭنىڭ قورىتىندىسى جاريالانادى. ەسكەرتۋ: «ءمۇشايرانىڭ» ناقتى وتەتىن كۇنى مەن ۋاقىتى باق-دا قوسىمشا جاريالاناتىن بولادى. جەڭىمپازدارعا تاعايىندالاتىن سىياقىلار كولەمى: باس بايگە – 1 200 000 تەڭگە, ءبىرىنشى ورىن بىرەۋ – 800 000 تەڭگە, ەكىنشى ورىن ەكەۋ – 600 000 تەڭگەدەن, ءۇشىنشى ورىن ۇشەۋ – 400 000 تەڭگەدەن, ىنتالاندىرۋ سىيلىعى تورتەۋ – 200 000 تەڭگەدەن, ارناۋلى جۇلدەلەر تورتەۋ – 150 000 تەڭگەدەن. قاتىسۋشىلار مەن شاقىرىلاتىن قوناقتاردىڭ جول قاراجاتى, تاماعى, جاتىن-ورىنى ۇيىمداس­تىرۋشى تاراپ ەسەبىنەن. ولەڭدەردى مىنا مەكەن-جايعا جىبەرۋ كەرەك: الماتى قالاسى ابىلاي حان داڭعىلى, 105, 3 قابات. قازاقستان جازۋشىلار وداعىنا جىبەرۋ كەرەك. ەلەكتروندى پوچتا: Juldyz_kz@mail.ru حابارلاسۋ ءۇشىن – 8 727-272-59-44, ءزۇبايدا, مارجان, فاكس 8 727-261-62-13 ۇيىمداستىرۋ القاسى