كەزدەسۋدە ەلباسىنا «قازاتومونەركاسىپ» ۇلتتىق اتوم كومپانياسى» اكتسيونەرلىك قوعامى جۇمىسىنىڭ ءناتيجەلەرى تۋرالى ەسەپ بەرىلدى, سونداي-اق, جالپى اتوم سالاسىن دامىتۋ بارىسى ءجونىندە مالىمەت ۇسىنىلدى.
نۇرسۇلتان نازارباەۆ اتومدى بەيبىت ماقساتقا پايدالانۋ ماسەلەسىنە جانە اتوم ەلەكتر ستانسالارى جۇمىسىن-داعى جاھاندىق ۇردىستەرگە نازار اۋداردى.
سونداي-اق, ا.جۇماعاليەۆ قازاقستان پرەزيدەنتىنە وتكەن جىل قورىتىندىسى بويىنشا كاسىپورىننىڭ جوسپارلانعان بارلىق ءوندىرىستىك جانە قارجىلىق كورسەتكىشتەرگە قول جەتكىزگەنىن باياندادى. كومپانيانىڭ ناقتى تابىسى العاش رەت 108 ملرد تەڭگەدەن اسقان.
بۇدان بولەك, مەملەكەت باسشىسىنا كاسىپورىندى ترانسفورماتسيالاۋ باعدارلاماسىنىڭ ىسكە اسىرىلۋ بارىسى تۋرالى مالىمدەلدى. ودان 16 ملرد تەڭگەدەن استام ەكونوميكالىق پايدا تۇسكەن.
ەلباسى «قازاتومونەركاسىپ» ۇلتتىق اتوم كومپانياسىن ءارتاراپتاندىرۋ ءجانە جاڭعىرتۋ جونىندەگى جۇمىستاردى جالعاستىرۋ قاجەت ەكەنىن ايتتى.
كەزدەسۋ قورىتىندىسى بويىنشا نۇرسۇلتان نازارباەۆ بىرقاتار تاپسىرما بەردى.
سۋرەت پرەزيدەنتتىڭ ءباسپاسوز
قىزمەتىنەن الىندى
