ولار قىزىلوردا وبلىسىنىڭ احۋالدىق ورتالىعىنىڭ جۇمىسىمەن تانىسىپ, وبلىس اكىمى قىرىمبەك كوشەرباەۆپەن جانە ايماق اكتيۆىمەن كەزدەستى. سونىمەن قاتار, مەديتسينالىق اقپاراتتىق جۇيەنى ەنگىزۋدىڭ تانىستىرىلىمىن وتكىزدى.
وبلىستىڭ اكتيۆ وتىرىسىندا ەلباسى جولداۋىنىڭ باسىم باعىتتارى, ونىڭ ىشىندە مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋدىڭ ارتىقشىلىقتارى ءتۇسىندىرىلدى.
«2016 جىلى مەديتسينا قاۋىمىنا, تۇرعىندارعا, جۇمىس بەرۋشىلەرگە ءتۇسىندىرۋ, تالقىلاۋ جۇمىستارى جۇرگىزىلدى. وبلىس كولەمىندە ارنايى شتابتار قۇرىلىپ, جۇمىسى ۇيىمداستىرىلسا, اقپاراتتاندىرۋ جۇمىستارى بۇقارالىق اقپارات قۇرالدارىندا كەڭىنەن ناسيحاتتالدى», – دەدى وبلىس اكىمى قىرىمبەك كوشەرباەۆ.
قر دەنساۋلىق ساقتاۋ ءمينيسترى ەلجان ءبىرتانوۆ پەن «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامىنىڭ باسقارما ءتورايىمىنىڭ ورىنباسارى ەرىك ءبايجۇنىسوۆ ساقتاندىرۋ جۇيەسىنىڭ مۇمكىندىكتەرى تۋرالى ايتىپ, جيىنعا قاتىسۋشىلاردىڭ ساۋالدارىنا جاۋاپ بەردى.
مۇنان سوڭ قىزىلوردا وبلىسىنىڭ دەنساۋلىق ساقتاۋ باسقارماسى مەن «SANA-MED» جشس اراسىندا مەملەكەتتىك-جەكەمەنشىك ارىپتەستىك نەگىزىندە №2 قالالىق ەمحانا جوباسىن جۇزەگە اسىرۋ تۋرالى كەلىسىمگە قول قويىلدى.
وسى كۇنى اقپاراتتىق-ناسيحاتتىق توپ مۇشەلەرى مەديتسينالىق قىزمەت كورسەتۋ سالاسىنداعى كاسىپكەرلەرمەن جانە مەديتسينا قاۋىمىمەن كەزدەستى.
