كەزدەسۋ بارىسىندا ەلباسى اقتاۋ قازاقتىڭ تەڭىز جاعالاۋىنداعى بىردەن-ءبىر قالاسى ەكەنىن اتاپ ءوتتى.
- اقتاۋدىڭ ارحيتەكتۋراسىنا كوڭىل ءبولۋ كەرەك. ارنايى كوميسسيا قانداي ءۇي سالىناتىنىن قاراۋ كەرەك. تەڭىز جاعىنان قاراعاندا دا, دالا جاعىنان قاراعاندا دا كورىكتى ۇيلەر سالىنۋى قاداعالانسىن. باسىندا جاعالاۋدىڭ بارىنە جىپىلاعان جەكەمەنشىكتەردى جىبەرمەۋ كەرەك ەدى. تۇبىندە قاراجات بولعان كەزدە ونىڭ ءبارىن بۇزاتىن شىعارمىز. قازىر تەڭىز بويىمەن قالانى سوزا بەرسەك, كوممۋنيكاتسيانى قالاي تارتامىز؟ سول ءۇشىن كەرەك بولسا رەسپۋبليكادان ارحيتەكتورلاردى شاقىرىپ, سولاردىڭ كەڭەسىمەن جۇمىس جاسالسىن", دەدى ەلباسى.
ارنۇر اسقار,
"ەگەمەن قازاقستان"
