كەزدەسۋ بارىسىندا قازاقستاننىڭ ىسكەر ايەل قاۋىمداستىعى ماڭعىستاۋ وبلىسى بويىنشا ءتورايىمى ساۋلە جاقاەۆا كاسىپكەر رەتىندە ەكسپو-2017 كورمەسىنە ەكى توننا شۇبات, بالقايماق اپاراتىنىن ايتتى.
وعان پرەزيدەنت: «كەلىڭىزدەر, قاتىسىڭىزدار, بارلىعىنا ىشكىزەيىك. 110 مەملەكەتتەن دەلەگاتسيا كەلەدى. ونداي شۇبات دۇنيەدە ەشكىمدە جوق, - دەدى ەلباسى.
ەلباسىمەن كەزدەسۋ بارىسىندا «لۋكويل وۆەرسيز» كومپانياسىنىڭ وڭىرلىك ۇيلەستىرۋشىسى ەسەن كۇمىسقالي ماڭعىستاۋدا بارلىق اۋىلدارعا گاز تارتىلعانىن ايتتى.
«ماڭعىستاۋدا گاز بارماعان اۋىل جوق. اۋىلداعىلار بۇرىنعىداي قي مەن كومىر جاعۋدان ءبىرجولا ارىلدى دەۋگە بولادى. بۇل ۇلكەن الەۋمەتتىك ماسەلە بولاتىن. بۇل – ءسىزدىڭ جەڭىسىز, حالىقتىڭ جەڭىسى. باق-داۋلەت بىرلىگى جاراسقان ەلدە بولاتىن بولسا, بۇل – ءبىزدىڭ ەلىمىز دەپ كەۋدەمىزدى كەرىپ, ەڭسەمىزدى تىك كوتەرىپ, ماقتانىشپەن ايتامىز», دەدى ول.
ارنۇر اسقار,
"ەگەمەن قازاقستان"
