ءمينيستردىڭ ايتۋىنشا, بيىل قازاقستان رەسپۋبليكاسىندا 2011-2020 جىلدارعا ارنالعان تىلدەردى دامىتۋ مەن قولدانۋدىڭ مەملەكەتتىك باعدارلاماسىن 2014 جىلدان 2016 جىلعا دەيىنگى كەزەڭدە جۇزەگە اسىرۋدىڭ تيىمدىلىگىن باعالاۋ جۇرگىزىلگەن. جالپى, سوڭعى 3 جىل ىشىندە مەملەكەتتىك باعدارلامانى جۇزەگە اسىرۋ قورىتىندىلارى ورتاشا تيىمدىلىگىن كورسەتتى. باللدىق جۇيە بويىنشا مۇمكىن بولاتىن 4 باللدان 2,66 باللمەن باعالاندى.
3 كريتەري بويىنشا باعالاۋلار ءبىرشاما جوعارى بولدى. ماقساتتى ينديكاتورلار مەن ناتيجەلەر كورسەتكىشتەرىنە قول جەتكىزۋ دارەجەسى 88% قۇرادى.
ت. سۇلەيمەنوۆ اتاپ وتكەندەي, مادەنيەت جانە سپورت مينيسترلىگىنىڭ ەسەبىنە سايكەس, سوڭعى 3 جىلدا مەملەكەتتىك باعدارلامانى جۇزەگە اسىرۋعا 16,7 ملرد تەڭگە باعىتتالدى, ونىڭ ىشىندە 14,9 ملرد تەڭگەسى نەمەسە 89,3% يگەرىلدى.
ەكونوميكالىق زەرتتەۋ ينستيتۋتى قازاقستان رەسپۋبليكاسىندا 2011-2020 جىلدارعا ارنالعان تىلدەردى دامىتۋ مەن قولدانۋدىڭ مەملەكەتتىك باعدارلاماسىنىڭ جۇزەگە اسىرۋ بارىسى مەن تۇرعىنداردىڭ قاناعاتتانۋ دەڭگەيىن انىقتاۋ بويىنشا ساۋالناما جۇرگىزدى. ساۋالناما ناتيجەلەرى كورسەتكەندەي, سۇرالعانداردىڭ 85% مەملەكەتتىك باعدارلاما تۋرالى حاباردار. ساۋالناماعا قاتىسۋشىلاردىڭ جارتىسىنان كوبى مەملەكەتتىك ءتىلدى تۇراقتى قولدانادى, باسىم بولىگى (63,7) سوڭعى كەزدە ءتىل مادەنيەتى جاقساردى دەپ سانايدى, ياعني, ادامداردىڭ ءتىل بىلىمدەرىن, بىلىكتىلىكتەرىن, داعدىلارىن, شىعارماشىلىق قابىلەتتەرىن دامىتۋ دەڭگەيى ارتقان. سۇرالعانداردىڭ جارتىسىنىڭ مەملەكەتتىك ءتىلدى وقىتۋ بويىنشا وقۋ-ادىستەمەلىك ادەبيەتتەردىڭ ساپاسىنا كوڭىلدەرى تولادى.
مەملەكەتتىك باعدارلامانى ودان ءارى جۇزەگە اسىرۋ اياسىندا ت. سۇلەيمەنوۆ تۇرعىندارمەن مەملەكەتتىك تىلگە وقىتۋدىڭ قولدا بار مۇمكىندىكتەرى تۋرالى اقپاراتتىق-ءتۇسىندىرۋ جۇمىستارىن جۇرگىزۋدى, ينتەرنەت پەن تەلەۆيدەنيەنىڭ الەۋەتىن بارىنشا پايدالانۋدى, جەكە سەكتوردى حالىقتى مەملەكەتتىك جانە باسقا دا تىلدەرگە وقىتۋ بويىنشا شارالارعا بەلسەنە تارتۋدى, سونىمەن قاتار مەملەكەتتىك باعدارلامادا قازاقستاندا ءۇش تىلدىلىكتى دامىتۋدى كۇشەيتۋ بويىنشا شارالاردى قاراستىرۋدى ۇسىندى.
