كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتى «حالىقارالىق جەكە قۇقىق جونىندەگى گااگا كونفەرەنتسياسىنىڭ جارعىسىن راتيفيكاتسيالاۋ تۋرالى» زاڭ جوباسىن ودان ءارى پىسىقتاۋ ءارى قورىتىندى ازىرلەۋ بويىنشا جاۋاپتى بولىپ بەلگىلەندى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت ماسەلەلەرى بويىنشا ءوزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا باس كوميتەت بولىپ الەۋمەتتىك-مادەني دامۋ ءجانە عىلىم كوميتەتى بەلگىلەندى.
بيۋروعا پالاتانىڭ 2017 جىلى 6 ساۋىردە وتەتىن كەزەكتى وتىرىسىنىڭ كۇن ءتارتىبى بويىنشا ۇسىنىستار دا ەنگىزىلدى.
سەناتورلار زاڭناماعا اۋە كەڭىستىگىن پايدالانۋ جانە اۆياتسيا قىزمەتى ماسەلەلەرى بويىنشا تۇزەتۋلەردى, «كوللەكتورلىق قىزمەت تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كوللەكتورلىق قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ىلەسپە زاڭ جوباسىن قارايتىن بولدى, دەپ حابارلادى پارلامەنت سەناتىنىڭ ءباسپاسوز قىزمەتى.
