تورەشىنىڭ ىسقىرىعى ەستىلىسىمەن شىعىسقازاقستاندىقتار ايدىن يەلەرىنىڭ قاقپاسىنا بىردەن لاپ قويدى. تۇمەندىكتەردى قىسپاققا الىپ, قاقپادان ساڭىلاۋ تابۋ ءۇشىن بىرنەشە جويقىن سوققى جاساپ ۇلگەردى. كەزدەسۋدىڭ 13-مينۋتىندا دەنيس يگناشين مەرگەندىگىمەن تانىلىپ, «تورپەدونى» العا شىعاردى. ال ەكىنشى كەزەڭنىڭ اياقتالۋىنا ساناۋلى سەكۋندتار قالعاندا ماكسيم ۆەرەۆكين ماتچتاعى ەكىنشى جانە سوڭعى شايبانى سوقتى.
ءوز كەزەگىندە جانكۇيەرلەرىنىڭ الدىندا نامىسقا تىرىسقان «رۋبين» حوككەيشىلەرى دە قاراپ قالمادى. دىتتەگەن ماقساتقا جەتۋ ءۇشىن بارىن سالىپ باعىپ ەدى, بىراق بۇل جولى جەرلەستەرىمىزدىڭ مىسى باسىم بولدى.
العاشقى ويىندا ەسە جىبەرىپ, كەلەسى ءۇش ماتچتا قارسىلاسىنان باسىم تۇسكەن «تورپەدوعا» ەندى ءبىر عانا جەڭىس جەتكىلىكتى. ەگەر, ەرتەڭ وسكەمەندىكتەر ءوز ايدىنىندا جەڭىسكە جەتەتىن بولسا, وندا حوككەي ۇجىمى ءوز تاريحىندا تۇڭعىش رەت براتينا كۋبوگىنىڭ فينالىنا جولداما الادى.
ايان ءابدۋالي,
«ەگەمەن قازاقستان»
