سپورتتى دامىتۋ باعدارلاماسى اياسىندا ءسوس ناسيحاتتاۋدى اقپاراتتىق قولداۋدى جانە باق, سونىمەن قاتار ينتەرنەت كەڭىستىكتەگى اقپاراتتار كولەمىن ۇلعايتۋ; جىلىنا وتەتىن سپورتتىق-بۇقارالىق شارالاردى كوبەيتۋ; سپورتتىق ويىن تۇرلەرى (فۋتبول, باسكەتبول, حوككەي, ۆولەيبول جانە ت.ب.) بويىنشا مەكتەپ, ستۋدەنتتىك, اۋەسقوي ليگالار ۇيىمداستىرۋ; جالپى ءبىلىم بەرۋ مەكتەپتەرى وقىتۋشىلارىنىڭ سەكتسيالىق جۇمىستارىن تولەۋگە قوسىمشا (100 ملن. تەڭگە) ءبولۋ; ەلوردانىڭ شەتكى اۋماقتارىن بۇقارالىق سپورتپەن قامتۋ ءۇشىن ەڭ كەمى 10 شاعىن الەۋەتتى (تاۋلىگىنە 500 كىرۋ) ستاندارتتى جابىق سپورت نىسانىن سالۋ; تۇرعىن الاپتارى مەن ساياباق اۋماقتارىندا اشىق (جازىق) سپورت عيماراتتارىن سالۋ جانە قايتا قالپىنا كەلتىرۋ سياقتى مىندەتتەردى ىسكە اسىرۋ قاراستىرىلعان.
باسقارما باسشىسىنىڭ ايتۋىنشا, بۇگىندە استانانىڭ سپورتتىق ينفراقۇرىلىمى 649 سپورت نىسانىنان, اسىرەسە, اۋلا الاڭدارىنان (281 بىرلىك) تۇرادى. بارلىق اۋلالار مەن حالىقتىڭ بۇقارالىق دەمالىس ورىندارىندا سپورت قۇرىلعىلارى, ويىن جانە بالالار الاڭدارى بار.
ايتا كەتەيىك, 2016 جىلى استانادا قالا تۇرعىندارى مەن قوناقتارى اراسىندا 567 سپورتتىق-بۇقارالىق شارا وتكىزىلدى. ولاردىڭ كوبى ءداستۇرلى جارىستارعا اينالدى.
