– بۇل ماسەلە كاسىپكەرلەر ءۇشىن وتە وزەكتى, كوممەرتسيالىق بانكتەردىڭ دە مۇددەسىن قوزعايتىنى راس. سوندىقتان, وڭىرلىك كارتا كورسەتىلگەن جوبالاردى قارجىلاندىرۋدى ۇتىمدى ۇيىمداستىرۋ قاجەت. وبلىس باسشىلىعىمەن ءبىز ءوڭىردىڭ ينۆەستيتسيالىق مۇمكىندىگىن قارادىق. كۇشتى شاشىراتپاي, قارجىنى قايدا شوعىرلاندىرۋ قاجەتتىگىن ءتۇسىنۋىمىز قاجەت. ەڭ الدىمەن, اۋىلشارۋاشىلىق ءونىمىن وڭدەۋ ماسەلەسى ادىڭعى ورىندا بولۋى ءتيىس. ابدەن انىقتالعان جوبالار ءتىزىمىن «اتامەكەن» ارقىلى ۇكىمەتكە جانە شەتەلدىك ينۆەستورلار نازارىنا ۇسىنامىز, – دەدى تيمۋر ق ۇلىباەۆ.
ۇلتتىق پالاتا تورالقاسىنىڭ توراعاسى قازىر مينيسترلىكتەر دەڭگەيىندە سالىق زاڭدىلىعىن جەڭىلدەتۋ تۋرالى ماسەلە قارالىپ جاتقاندىعىنان حاباردار ەتتى. بۇگىندە پالاتاعا جۇگىنگەن ءار ءتورتىنشى كاسىپكەر سالىق تۋرالى ءسوز قوزعايدى ەكەن.
باسقوسۋدا اۋىل شارۋاشىلىعىنداعى قيىندىقتار دا ايتىلدى. كاسىپكەرلەردىڭ وڭىرلىك پالاتاسىنىڭ ديرەكتورى مۇرات ابەنوۆ اۋىل شارۋاشىلىعىنداعى كاسىپكەرلەردىڭ نەسيە الۋعا كەپىلدەرىنىڭ بانككە وتىمسىزدىگىن ايتتى. وڭىردە جەڭىلدىكپەن شاعىن قارجىلاندىراتىن ۇيىمدار قۇرۋ قولداۋ تاپتى. قوستاناي وبلىسىندا تۇرعىندار 8 ايدىڭ ىشىندە «اتامەكەن-قوستاناي» شاعىن قارجىلاندىرۋ ۇيىمى ارقىلى 344 ميلليون تەڭگەگە 93 زايم العان. ول مال شارۋاشىلىعىندا, قوعامدىق تاماقتاندىرۋدا, جۇك تاسىمالىندا جاڭا جوبالاردىڭ اشىلۋىنا مۇمكىندىك بەرگەن.
تيمۋر ق ۇلىباەۆ باستاعان توپ كاسىپكەرلەرگە قىزمەت كورسەتۋ ورتالىعىندا, «بايان سۇلۋ» كونديتەر فابريكاسىندا بولدى.
ءنازيرا جارىمبەتوۆا,
«ەگەمەن قازاقستان»
قوستاناي
