ورتالىق ازيا ەلدەرىنىڭ الەۋەتى زور

جيىنعا ورتالىق ازيا ايماعىن­داعى بەس مەملەكەت – قازاقستان, قىرعىز­ستان, وزبەكستان, تاجىكستان جانە تۇرىك­مەن­ستان ەلدەرىنىڭ دەلە­گا­تسيالارى قاتىستى.

بريفينگتە ورتالىق ازيا ەلدەرىنىڭ بۇۇ-داعى تۇ­­راقتى وكىلدەرى اتىنان ءتۇ­رىك­مەنستان ەلشىسى اق­سول­تان اتاەۆا كىرى­سپە ءسوز سويلەدى. ونىڭ ايتۋىن­شا, ور­­تا­­لىق ازيا ەلدەرىنىڭ شە­شۋشى دامۋ كە­زەڭ­­دەرى بۇۇ-نىڭ ءتۇرلى سالا­لار بو­يىن­شا جاھاندىق جوبالارى مەن باع­دار­لامالارىنا ق­ا­تى­سۋى­نا, حالىقارالىق قو­عام­­داستىقتىڭ تولىق­قاندى ءمۇ­شەسى رە­تىندە ءوز ءرولىن نى­عايت­ۋى­نا تىكەلەي قاتىستى.

باسقوسۋدا قازاقستاننىڭ ورتالىق ازيا مەملەكەتتەرى ارا­سىنان ءبىرىنشى بولىپ بۇۇ قاۋىپسىزدىك كەڭەسىنە ءمۇ­شەلىككە قابىلدانۋى اي­رىق­شا اتاپ ءوتىلدى. بۇدان بولەك, ور­تالىق ازيا ەلدەرىنىڭ بۇۇ-نىڭ تۇراقتى دامۋ ما­ق­سات­تارى مەن 2030 جىلعا دەيىن ءىس­كە اسىرىلۋى ءتيىس وزگە دە جا­ھاندىق ماسەلەلەرگە بەلسەنە ارالاسىپ كەلە جاتقانى ءسوز بولدى.

بۇۇ باس اسسامبلەياسىنىڭ توراعاسى پيتەر تومسون ءوزىنىڭ قۇتتىقتاۋ سوزىندە ورتالىق ازيا مەملەكەتتەرىنىڭ بۇۇ قىز­­مەتىندەگى ماڭىزدى ءرو­لىن­ە توقتال­دى. ونىڭ سوزىنە قا­راعاندا, جاھان­دىق ءارىپ­تەس­تىكتى نىعايتۋدا, بۇۇ-نىڭ مادەنيەتارالىق, ءدىن­ارا­­لىق, ءور­كەنيەت­ارالىق ءۇن­ق­ا­تىسۋدى ىلگەرىلەتۋدەگى جۇ­مىسىنا ايماق ەلدەرى بەل­سەنە قاتىسۋدا. سونداي-اق, ورتالىق ازيا ەلدەرى جاسىل ەنەر­­گەتيكانى دامىتۋ, ازىق-ءتۇ­لىك قاۋىپ­سىز­دىگىن قام­تا­ما­سىز ەتۋ, گەن­دەر­لىك تەڭ­دىكتى ساق­­تاۋ سا­لا­لا­رىن­د­ا­عى جو­با­لار­عا دا ءوز دەڭ­گەي­ىن­دە اتسا­لى­سۋدا.

ايتا كەتەيىك, شاراعا بۇۇ حات­­شىلى­عىنىڭ باسشى­لارى مەن قىز­مەت­كەرلەرى, ۇيىم­عا مۇشە مەملە­كەت­تەردىڭ تۇراق­تى وكىلدەرى, ساراپشىلار, ءىس­كەر توپ وكىلدەرى جانە بۇۇ حا­لىق­ارالىق جۋرناليستەر قاۋ­ىمداستىعىنىڭ مۇشەلەرى قاتىستى.

شارا سوڭىندا قوناقتار نازارىنا ورتالىق ازيا مەم­لەكەتتەرىنىڭ بۇۇ تاراپىنان ۇيىم­داستىرىلعان سامميتتەر مەن اۋقىمدى شا­رالارعا قا­تىسۋ بارى­سى بەينەلەنگەن تا­ريحي سۋرەتتەر, سون­داي-اق, اي­ماق ەلدەرىنىڭ ۇيىم اياسىندا كوتەرگەن ماڭىزدى باستامالارى جونىندە ماعلۇماتتار قويىلعان كورمە ۇسىنىلدى.