«وسىعان دەيىن گولوۆكين سالماعىن 168 فۋنتقا دەيىن كوتەرۋى مۇمكىن ەكەندىگى جايلى بىرنەشە رەت ايتتىق. مۇندا ءبىز كىشى حۋليو سەزار چاۆەسپەن, كارل فروچپەن جەكپە-جەك ۇيىمداستىرعىمىز كەلگەن. ەندى جيلبەرتو سيلۆا GGG-مەن كۇش سىناسقىسى كەلەتىنىن ايتىپ وتىر. سونداي-اق, ءبىز اندرە ۋوردتى دا ويلاپ وتىرمىز. ەگەر ۋورد رەۆانش ايقاستا سەرگەي كوۆالەۆتى جەڭسە, ونىمەن ۇلكەن كەزدەسۋ ۇيىمداستىرۋعا بولادى», – دەدى گولوۆكيننىڭ پروموۋتەرى توم لەففلەر.
«گەننادي مەن اندرە اراسىنداعى جەكپە-جەك جونىندە اقپارات تاراعان كەزدە ءبىز دەۆيد لەمەمەن كەلىسىپ قويعان ەدىك. ودان كەيىن كوتتو-الۆارەس اراسىنداعى كەزدەسۋدىڭ جەڭىمپازىن كۇتتىك. ءبىز 168 فۋنتتا ۋوردپەن قولعاپ تۇيىستىرگىمىز كەلەتىنىن ايتتىق», – دەدى پروموۋتەر.
«دجەيكوبستى جەڭگەننەن كەيىن ءبىراز قيىندىقتار شەشىلگەندەي بولدى. بيللي دجو سوندەرس, ساۋل الۆارەس, حيلبەرتو راميرەس, اندرە ۋورد سىندى بوكسشىلارمەن ۇلكەن بوكس كەشتەرىن ۇيىمداستىرعىمىز كەلەدى. ۋورد پەن كوۆالەۆ كەزدەسۋى قالاي اياقتالارىن كورەيىك. ال راميرەس ءساۋىر ايىندا كەزەكتى ايقاسىن وتكىزەدى. ونىڭ پروموۋتەرى گەنناديمەن جۇدىرىقتاسۋى ءۇشىن بارىن سالىپ ءجۇر. مەنىڭشە, تەحاستا راميرەسپەن بوكس كەشىن ۇيىمداستىرعان ءتيىمدى بولادى», – دەدى ول.
