ارگەنتينالىق شابۋىلشى 2018 جىلى وتەتىن الەم چەمپيوناتىنىڭ ىرىكتەۋ كەزەڭىندە چيليگە (1:0) قارسى ويىندا تورەشىلەردىڭ ءبىرىن بالاعاتتاعان. وسى سەبەپتى مەسسي ارگەنتينا قۇراماسىنىڭ الداعى ءتورت رەسمي ويىنىنا قاتىسا المايدى. سونىمەن قاتار, فيفا ونى 9350 ەۋرو ايىپپۇل تولەۋگە مىندەتتەدى.
جازا 28 ناۋرىزدان باستاپ ەنگىزىلگەندىكتەن مەسسي كەشە بوليۆيا قۇراماسىنا قارسى ويىنعا قاتىسا المادى. ال بوليۆيامەن كۇش سىناسقان ارگەنتينا 0:2 ەسەبىمەن ەسە جىبەردى.
وسىعان دەيىن فيفا ءىستىڭ انىعىن ءبىلۋى ءۇشىن ارگەنتينا-چيلي ويىنىنىڭ تورەشىلەرىنەن سۇراتقان. بىراق ولار مەسسيدىڭ ەشقانداي بالاعات ءسوز ايتپاعانىن مالىمدەدى.
ءوز كەزەگىندە ارگەنتينا فۋتبول فەدەراتسياسى اپەللياتسياعا بەرمەك. «بوليۆياعا قارسى ويىنعا بىرنەشە ساعات ۋاقىت قالعاندا مۇنداي شەشىم شىعارىلعانى ءبىزدى تاڭعالدىرىپ وتىر. ءبىز بۇل ءىستى اپەللياتسياعا بەرەمىز», – دەدى قۇرامانىڭ حاتشىسى حورحە ميادوسكي.
