ورال قالاسىندا وتكەن العاشقى تازالىق جۇمىستارىنا 4253 قالا تۇرعىنى قاتىسىپتى. ءارتۇرلى مەنشىكتەگى 102 مەكەمە-ۇجىم قاتىسقان تازالىق شارالارىنىڭ ناتيجەسىندە شاھار كوشەلەرى, ورال-ساراتوۆ اۆتوجولىنىڭ بويى, دەركۇل, بورتاۋ اۋىلدارىنداعى اينالما جولدار ماڭايى تازارتىلعان.
− تازالىق ايلىعىن جاريالاپ, سەنبىلىك وتكىزۋ – ءبىزدىڭ جىل سايىنعى داعدىمىز. ءوتكەن جىلى ءساۋىر, مامىر, تامىز, قىركۇيەك جانە قازان ايلارىندا سەگىز مارتە سەنبىلىك ۇيىمداستىرىلدى. وعان جەرلەستەرىمىز بەلسەندى قاتىسادى. بىلتىر وڭتۇستىك, المازوۆ, نەكراسوۆ, موڭكە ۇلى كوشەلەرى مەن زاشاعان اۋىلىندا, ەۋرازيا داڭعىلىندا 6746 ءتۇپ, ال ەۋرازيا كوشەسى مەن تاۋەلسىزدىك كوشەسىنەن جۇلدىز شاعىن اۋدانىنا دەيىن 500 ءتۇپ ءتۇرلى كوشەت وتىرعىزىلدى. بيىل دا وسى ءىستى جالعاستىرامىز. تاۋىق جىلى ورال قالاسىندا 17 اۋلانى اباتتاندىرۋعا 500 ملن تەڭگە, ەكى تىنىمباقتى جوندەۋگە جانە اباتتاندىرۋعا 160 ملن تەڭگە قاراجات ءبولىنىپ وتىر, − دەيدى ورال قالالىق تۇرعىن-ءۇي كوممۋنالدىق شارۋاشىلىق, جولاۋشىلار تاسىمالى جانە اۆتوموبيل جولدارى ءبولىمىنىڭ اباتتاندىرۋ سەكتورىنىڭ مەڭگەرۋشىسى ميراس مۇلقاي.
قازبەك قۇتتىمۇرات ۇلى,
«ەگەمەن قازاقستان»
ورال
