كاسىپورىندا يوگۋرتتان باستاپ, شوكولودقا دەيىنگى ءسۇت ءونىمىنىڭ 30 اتاۋىن شىعارۋ جولعا قويىلعان. تاعامنىڭ ءبارى دەنساۋلىققا پايدالى بيە ءسۇتىنىڭ نەگىزىندە جاسالعان. وسىنداي جولمەن قازاق تاعامتانۋ اكادەمياسىنىڭ باسشىسى سالاماتتى ءومىر سالتىن ناسيحاتتاۋدا.
«نۇر وتان» پارتياسى توراعاسىنىڭ ءبىرىنشى ورىنباسارى اكادەميكتىڭ باستاماسىنا قولداۋ ءبىلدىرىپ, مەملەكەت باسشىسىنىڭ جولداۋىن جۇزەگە اسىرۋعا ءبىزدىڭ عالىمداردىڭ بەلسەنە اتسالىسۋى كەرەك ەكەنىنە توقتالدى.
«ەلىمىزدىڭ جاسى مەن كارىسىنىڭ ءبارى دە جاقسى بىلەتىن اكادەميك شارمانوۆتىڭ جەتىستىكتەرى – وسىنىڭ جارقىن مىسالى. ەل اعاسى اتانا باستاعان جاسىنا قاراماستان, بەلگىلى عالىم جوعارى ساپالى ءونىم شىعارۋدى جولعا قويدى جانە بالالار تاعامىنىڭ ەكولوگيالىق تازا ءونىم وتە ماڭىزدى», − دەپ اتاپ ءوتتى مۇحتار قۇل-مۇحاممەد.
ءوز كەزەگىندە تورەگەلدى شارمانوۆ كاسىپورىن شىعاراتىن ءونىمنىڭ بىرەگەيلىگىن تىلگە تيەك ەتتى. ول الەمدە ءدال وسىنداي تاعامنىڭ جوق ەكەنىن مالىمدەدى. «بۇگىنگى تاڭدا ءبىز − قانتى جوق, زياندى مايى جوق وسىنداي تاعامداردى شىعاراتىن جالعىز كاسىپورىنبىز, ءبىز مۇنى ءوزىمىزدىڭ ۇلتتىق برەندىمىز سانايمىز. بۇل ەل ەكونوميكاسىنىڭ نىعايا تۇسۋىنە جاعداي تۋعىزادى, ءونىمىمىزدى ەكسپورتتاپ, حالىقتىڭ ۇزاق ءومىر سۇرۋىنە سەپتىگىن تيگىزەدى, بالالارىمىزدىڭ ادەمى بولىپ ءوسىپ, ءتۇرلى اۋرۋلاردان ساقتانۋىنا ءمۇمكىندىك بەرەدى», − دەدى اكادەميك.
«ەگەمەن-اقپارات»
