بۇل تىزىمدە پورتۋگاليا ۇلتتىق قۇراماسى مەن «رەال» فۋتبول كلۋبىنىڭ شابۋىلشىسى كريشتيانۋ رونالدۋ ءبىرىنشى ورىنعا يە بولدى. ونىڭ جالاقىسىن, بونۋستارىن جانە جارنامادان تۇسكەن قارجىسىن ەسكەرەر بولساق, 87,5 ملن ەۋرو العان.
ەكىنشى ورىنعا ايگىلى ارگەنتينالىق شابۋىلشى, «بارسەلونا» كلۋبىنىڭ باستى جۇلدىزى ليونەل مەسسي تۇراقتادى. ول وتكەن جىلى 76,5 ملن ەۋرو قارجى تاۋىپتى. ال ۇزدىك ۇشتىكتى مەسسيدىڭ كوماندالاسى برازيليالىق نەيمار تۇيىندەدى. ونىڭ تابىسى 55,5 ملن ەۋرونى قۇرادى.
كريشتيانۋ رونالدۋ وتكەن جىلى جالاقىسى جوعارى جوزە موۋرينيۋ («مانچەستەر يۋنايتەد», 28 ملن ەۋرو), مارچەللو ليپپي (قىتاي قۇراماسى, 23,5 ملن ەۋرو), لوران بلان («پاري سەن جەرمەن», 20 ملن ەۋرو) جانە كارلو انچەلوتتي («باۆاريا», 15,8 ملن ەۋرو) سىندى باپكەرلەردى بىرگە العاننان دا كوبىرەك اقشا تاپتى.
ايتا كەتەيىك, رونالدۋ 2018 جىلى رەسەيدە وتەتىن الەم چەمپيوناتىنىڭ ىرىكتەۋ كەزەڭىندە توعىز گولىمەن ۇزدىك سۇرمەرگەندەر تىزىمىندە كوش باستاپ تۇر.
