ورتالىق سايلاۋ كوميتەتىنىڭ وكىلدەرىنىڭ ايتۋىنشا, ەڭ جاس دەپۋتات 22 جاستا, ول قاراعاندى وبلىسىنىڭ بۇحار جىراۋ اۋدانى № 1 سايلاۋ وكرۋگىندە سايلانعان. ال ەڭ ۇلكەن دەپۋتات 64 جاستا - تاراز قالاسى ءماسليحاتىنىڭ № 22 سايلاۋ وكرۋگىندە. دەپۋتاتتاردىڭ ورتاشا جاسى 46,5 جاس ەكەن.
ايتا كەتەيىك, سايلاۋ زاڭناماسىنا سايكەس 26 ناۋرىزدا رەسپۋبليكانىڭ 12 وڭىرىندە ءماسليحاتتاردىڭ شىعىپ قالعان دەپۋتاتتارىنىڭ ورنىنا 57 دەپۋتاتتى سايلاۋ ءوتتى.
سايلاۋدى ۇيىمداستىرۋ مەن وتكىزۋگە 13 وبلىستىق, 9 قالالىق, 36 اۋداندىق, 58 وكرۋگتىك, 355 ۋچاسكەلىك سايلاۋ كوميسسياسى جۇمىلدىرىلدى. سايلاۋ ناۋقانى بارىسىندا بارلىعى 201 كانديدات ۇسىنىلدى. ولاردىڭ 50-ءى وبلىستىق, 32-ءسى - قالالىق جانە 119-ى - اۋداندىق ماسليحاتتارعا داۋىسقا ءتۇستى. 62 ۇمىتكەردى ساياسي پارتيالار ۇسىندى, 139-ى - ءوزىن-ءوزى ۇسىنۋ ارقىلى ۇسىنىلدى.
"وكرۋگتىك سايلاۋ كوميسسيالارى ءماسليحاتتاردىڭ دەپۋتاتتىعىنا كانديداتتار رەتىندە 188 ادامدى تىركەدى. سايلاۋ بيۋللەتەندەرىنە 170 كانديداتتىڭ تەگى ەنگىزىلدى. ءبىر دەپۋتاتتىق مانداتقا ورتاشا باسەكەلەستىك شامامەن 3 ۇمىتكەردى قۇرادى. 2017 جىلعى 26 ناۋرىزدا 330 سايلاۋ ۋچاسكەسىندە داۋىس بەرۋ وتكىزىلدى", - دەلىنگەن حابارلامادا.
سونىمەن قاتار, سايلاۋشىلاردىڭ 77,83 پايىزى داۋىس بەرگەن. داۋىس بەرۋ قورىتىندىلارىنا ساي 12 وبلىستىق, 9 قالالىق جانە 36 اۋداندىق ءماسليحات دەپۋتاتى سايلاندى. داۋىس بەرۋ بارىسى مەن داۋىستاردى ساناۋ ءراسىمىن بايقاۋدى كانديداتتاردىڭ 398 سەنىم بىلدىرگەن ادامى, ساياسي پارتيالاردىڭ 289, قوعامدىق بىرلەستىكتەردىڭ 34 جانە باق-تاردىڭ 51 وكىلى جۇزەگە اسىردى.
سايلانعان ءماسليحاتتار دەپۋتاتتارىنىڭ قۇرامىندا 46 (80,7 %) ەر ادام جانە 11 (19,3 %) ايەل ادام. سايلانعان دەپۋتاتتاردىڭ 54-ءنىڭ (94,7 %) جوعارى ءبىلىمى بار, 3 (5,3 %) - ارناۋلى ورتا. 3 (5,3 %) - اكىمدەر مەن ءماسليحاتتار اپپاراتتارىنىڭ قىزمەتكەرلەرى. 28 (49,1 %) - مەملەكەتتىك مەكەمەلەردە, ۇيىمداردا جانە كاسىپورىنداردا, 20 (35,1 %) - كوممەرتسيالىق قۇرىلىمداردا جۇمىس ىستەيدى, 6 (10,5 %) - ساياسي پارتيالار مەن ۇەۇ قىزمەتكەرلەرى.
"سايلاۋ ناۋقانى سايلاۋ زاڭناماسى نورمالارىنىڭ تالاپتارىنا سايكەس ءوتتى. سايلاۋ ۋاقىتى ىشىندە ورتسايلاۋكومعا 3 ءوتىنىش كەلىپ ءتۇستى. وڭتۇستىك قازاقستان وبلىسىنىڭ №11 سايلاۋ وكرۋگى بويىنشا ءماسليحاتتىڭ شىعىپ قالعان دەپۋتاتىنىڭ ورنىنا وتەتىن سايلاۋدا ءبىر كانديدات قالدى. سايلاۋ زاڭناماسىنىڭ كەمىندە 2 كانديداتتىڭ باسەكەلەستىگى قاعيداتىنىڭ ساقتالۋىنا بايلانىستى اتالعان وكرۋگتە سايلاۋ بولعان جوق. بۇل وكرۋگتە سايلاۋدى وتكىزۋ تۋرالى شەشىم رەسپۋبليكانىڭ سايلاۋ زاڭناماسىنىڭ تالاپتارىنا سايكەس قابىلدانادى", - دەيدى كوميسسيا وكىلدەرى.
