دميتري سەليۋك «سپورت-ەكسپرەسس» باسىلىمىنا بەرگەن سۇحباتىندا رەسەيلىك كلۋبتارعا گراناتكين تۋرنيرىندە ەرەكشە ويىنىمەن كوزگە تۇسكەن 17 جاستاعى فۋتبولشىعا نازار اۋدارۋدى, سونداي-اق ازاماتتىق الىپ بەرىپ, ۇلتتىق قۇراماعا شاقىرۋدى كەڭەس ەتتى.
«گراناتكين تۋرنيرىندە ەركەبۇلانعا قىزىعۋشىلىق تانىتقان بىرنەشە كلۋب بولعانى راس. وزدەرىڭىز بىلەسىزدەر, «زەنيتتىڭ» جاستارىمەن بىرگە بىرنەشە ويىنعا قاتىسىپ, ءوزىن جاقسى قىرىنان كورسەتە ءبىلدى. قازىر «تارازدىڭ» ويىنشىسى. ەندى وعان جۇلدىز اۋرۋىنا شالدىعىپ قالماي, تىنباي جاتتىعۋى قاجەت. مۇنداي اتاق جاستارعا كەرى اسەرىن تيگىزەتىنى ايدان انىق. ال وزگە ەلدىڭ قۇراماسىنا شاقىرعىسى كەلىپ جۇرگەن اگەنتتەرگە جۇمىستارىن تەك كلۋبتىق دەڭگەيدە ورىنداۋدى كەڭەس ەتەمىن. ءبىز قازاقستان ۇلتتىق قۇراماسى ءۇشىن عانا جاستاردى دايىندايمىز», – دەدى الەكساندر كۋزنەتسوۆ.
«بىلتىر تارازدا بىرنەشە ويىنشىنى سىرتتاي باقىلادىم. ەركەبۇلان قاتارلاستارىنان وق بويى الدا ءجۇردى. الايدا, ۇلتتىق قۇرامانىڭ دەڭگەيىنە ساي بولۋ ءۇشىن وعان تاكتيكالىق ءارى پسيحولوگيالىق تۇرعىدان ءبىراز دايىندىق كەرەك بولاتىن. وقۋ-جاتتىعۋ جيىندارى, وزگە ەلدەردەگى جارىستار وعان ۇلكەن كومەگىن تيگىزدى دەپ ايتا الامىن. ارينە, نەگىزگى قۇرامعا بىردەن ەنىپ كەتكەن جوق. گراناتكين تۋرنيرىندە ءوزىن بارىنشا جاقسى قىرىنان كورسەتتى», – دەدى قازاقستان جاستار قۇراماسىنىڭ باس باپكەرى.
رەسەيلىك اگەنت دميتري سەليۋك ەركەبۇلانعا يسپانيانىڭ ماماندارى دا نازار اۋدارا باستاعانىن ايتقان بولاتىن.
«جاسى 18-گە تولماعاندىقتان «تارازدا» وينايدى. بىراق الداعى ۋاقىتتا دەڭگەيى جوعارى چەمپيوناتتاردىڭ بىرىنە اۋىساتىنىنا سەنىمدىمىن. ءبارى ەركەبۇلاننىڭ ءوز قولىندا. بىزدە دە كوماندانى العا سۇيرەپ, جەڭىسكە جەتەلەيتىن جاستاردىڭ شىعىپ كەلە جاتقانىنا قۋانامىن. ولاردىڭ العا جىلجۋى ءۇشىن بارىمىزدى سالامىز», – دەدى ول.
ايتا كەتەيىك, گراناتكين تۋرنيرىنەن كەيىن ەركەبۇلان سەيداحمەتكە «زەنيت» كومانداسىنىڭ وكىلدەرى قىزىعۋشىلىقتارىن ءبىلدىرىپ, جاتتىعۋعا شاقىردى. پيتەرلىكتەرمەن بىرگە يتاليادا Viareggio Cup تۋرنيرىنە قاتىسىپ, ءتورت گولىمەن كوزگە ءتۇستى. بىراق 18 جاسقا تولماۋىنا بايلانىستى فيفا-نىڭ ەرەجەسى بويىنشا «زەنيتپەن» كەلىسىمشارتقا وتىرا المايدى.
بىرنەشە كۇن بۇرىن ول «تاراز» فۋتبول كلۋبىمەن بىرجىلدىق كەلىسىمشارتقا قول قويدى.
