مەملەكەت باسشىسى نۇرسۇلتان نازارباەۆتىڭ ماقۇلداۋىنان كەيىن قر ۇكىمەتىنىڭ قاۋلىسىمەن الدابەرگەن نۇرلان شادىبەك ۇلى قر پرەمەر-ءمينيسترى كەڭسەسىنىڭ باسشىسى قىزمەتىنە تاعايىندالدى.
«پرەمەر-مينيستر كەڭسەسى الدىنا ەلىمىزدىڭ ءۇشىنشى جاڭعىرۋى مەن ۇلت جوسپارىن ىسكە اسىرۋ اياسىنداعى مەملەكەت باسشىسىنىڭ تاپسىرمالارىن ورىنداۋ جۇمىستارىن ۇيلەستىرۋ, پرەمەر-مينيستر جانە ۇكىمەت قىزمەتتەرىن ۇيىمداستىرۋ جونىندە ماڭىزدى تاپسىرمالار قويىلدى», - دەدى ب. ساعىنتاەۆ.
قر پرەمەر-ءمينيسترى كەڭسەنىڭ جاڭا باسشىلىعىنا بىرقاتار ناقتى تاپسىرمالار جۇكتەپ, ولاردى ىسكە اسىرۋ جۇمىستارىنا تابىس تىلەدى.
ايتا كەتەيىك, الدابەرگەنوۆ نۇرلان شادىبەك ۇلى – 1962 جىلى 19 قاراشادا دۇنيەگە كەلگەن.
1984 جىلى الماتى ساۋلەت-قۇرىلىس ينستيتۋتىن ينجەنەر-قۇرىلىسشى ماماندىعى بويىنشا تامامداعان.
2005 جىلى د.ا. قوناەۆ اتىنداعى ۋنيۆەرسيتەتتى زاڭگەر ماماندىعى بويىنشا بىتىرگەن. تابيعي مونوپوليالاردى رەتتەۋ اگەنتتىگىندە قىزمەت ەتكەن.
2011 جىلدان باستاپ ەۋرازيالىق ەكونوميكالىق كوميسسيانىڭ القا مۇشەسى - ءمينيسترى بولدى.
