بيزنەسكە كەپىلدىك تەگىن بەرىلەدى. بۇل تۋرالى ماجىلىستەگى ۇكىمەت ساعاتىندا ۇلتتىق ەكونوميكا ءمينيسترى تيمۋر سۇلەيمەنوۆ مالىمدەدى.
«العاش رەت كاسىپكەرلىك قىزمەتتى شاعىن نەسيەلەۋ مەملەكەت تاراپىنان كەپىلدەندىرىلدى, ول حالىقتى جۇمىسسىز حالىقتى كەپىلدەندىرۋ مەن حالىقتى ء تيىمسىز جۇمىسپەن قامتۋ ماسەلەسىن شەشۋ بولىپ تابىلادى», - دەدى ت.سۇلەيمەنوۆ.
ونىڭ ايتۋىنشا, كەپىلدەندىرۋ شاعىن نەسيەلەۋ قۇنىنان 50 پايىزعا دەيىن بەرىلەدى, ال جاس كاسىپكەرلەرگە 85 پايىزعا بەرىلەدى.
«مەملەكەت تاراپىنان گارانت رەتىندە «دامۋ» اق, اۋىلدىق جەردە «قازاگروگرانت» اق جۇمىس ىستەيدى. كاسىپكەر قۇلدىراۋعا ۇشىراسا ونىڭ نەگىزگى قاۋپى كەپىلدەندىرۋ گارانتىنا تۇسەدى. مەملەكەت كەپىلدىكتىڭ 30 پايىزىن وتەيدى. بۇل وپەراتورلاردى ءتيىمسىز جوبالاردى الماۋىن ىنتالاندىرادى. بيزنەسكە كەپىلدىك تەگىن بەرىلەدى», - دەدى ت.سۇلەيمەنوۆ.
مينيستر ايتىپ وتكەندەي, شاعىن نەسيەلەردى كەپىلدەندىرۋگە قالالاردا 1,2 ملرد تەڭگە, اۋىلدا 2,8 ملرد تەڭگە قاراستىرىلعان.
«بۇل ادىستەر 14500 جوبانى قارجىلاندىرۋعا مۇمكىندىك بەرەدى. ول 1220 جوبانى كەپىلدىكتى قامتاماسىز ەتەدى. وعان قوسا, باسىمدىقتى تۇردە كاسىپكەرلەردىڭ ستارت-اپ جوبالارىن قاراي بەرەدى», - دەدى ت.سۇلەيمەنوۆ.
ايتا كەتەيىك, ەلدىڭ ەكونوميكالىق بەلسەنجى بولىگىن 8,9 ملن ادام قۇرايدى. ونىڭ ىشىندە 6,3 ملن جالدانعان جۇمىسكەرلەر, 2,1 ملن ءوزىن-ءوزى قامتىعاندار, 441 مىڭى جۇمىسسىز حالىق. حالىقتىڭ ورتاق سانىنان شاعىن جانە ورتا بيزنەستە 3 ملن ادام ىستەيدى. وتكەن جىلدىڭ قورىتىندىسى بويىنشا شوب-ءتىڭ ارەكەتتەگى سۋبەكتىلەر سانى 1,1 ملن بىرلىكتى قۇرادى, ولار 9 ايدا 11,2 ترلن تەڭگەنىڭ ء ونىمىن شىعاردى. شاعىن جانە ورتا بيزنەس ۇلەسى ءجىو-دە 24,9 پايىزدى قۇرادى. مەملەكەت باسشىسى وسى كورسەتكىشتى 2050 جىلعا قاراي 50%-عا دەيىن جەتكىزۋ مىندەتىن قويدى. الەمدىك ستاتيستيكاعا سايكەس الەم حالقىنىڭ 12%-ىندا عانا بيزنەسپەن اينالىسۋ داعدىسى بار.
