ءمينيستردىڭ ايتۋىنشا, 2010 جىلدان بەرى ەلىمىزدە سالىق جۇكتەمەسى بىرتىندەپ تومەندەتىلىپ كەلدى جانە قازىرگى ۋاقىتتا بارىنشا تومەن بولىپ وتىر.
«5 پايىزدىق زەينەتاقىمەن قامتاماسىز ەتۋ, الەۋمەتتىك-مەديتسينالىق ساقتاندىرۋ تولەمدەرى بويىنشا قابىلدانعان شەشىمدەرگە بايلانىستى جالاقى قورىنا جۇكتەمەنىڭ ارتا تۇسەتىندىگىمەن تۇبەگەيلى كەلىسەمىن. بۇل ءبىزدى الاڭداتىپ قانا قويماي سونىمەن بىرگە قوردى قالاي قىسقارتۋ كەرەكتىگىن ويلاندىرىپ تا وتىر. ازىرلەنىپ جاتقان سالىق كودەكسى اياسىندا ءبىز سالىق جۇكتەمەسىنىڭ قانداي ەلەمەنتتەرىن تومەندەتۋگە بولاتىندىعىن ويلاستىراتىن بولامىز. ازىرشە, زەينەتاقى جۇيەسىن, مەديتسينالىق قامسىزداندىرۋدى قوعامدىق قايتا تەڭگەرىمدەۋسىز تومەندەتۋگە بولاتىن جالعىز ەلەمەنت - بۇل الەۋمەتتىك سالىق بولىپ تۇر. ونى تومەندەتۋدى ويلاستىراتىن شىعارمىز», - دەدى سۇلەيمەنوۆ دەپۋتاتتاردىڭ وسى ماسەلەگە قاتىستى ساۋالىنا وراي.
ايتا كەتەيىك, «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى (سالىق كودەكسى)» قازاقستان رەسپۋبليكاسىنىڭ 2008 جىلعى 10 جەلتوقسانداعى № 99-IV كودەكسىنىڭ 355-بابىنا سايكەس, جەكە كاسiپكەرلەر; جەكە نوتاريۋستار, جەكە سوت ورىنداۋشىلارى, ادۆوكاتتار, ەگەر وسى باپتىڭ 2-تارماعىندا وزگەشە بەلگiلەنبەسە قازاقستان رەسپۋبليكاسىنىڭ رەزيدەنت زاڭدى تۇلعالارى, قازاقستان رەسپۋبليكاسىندا قىزمەتiن تۇراقتى مەكەمەلەر ارقىلى جۇزەگە اسىراتىن رەزيدەنت ەمەس زاڭدى تۇلعالار, قوسارلانعان سالىق سالۋدى بولدىرماۋ تۋرالى حالىقارالىق شارتقا سايكەس, تۇراقتى مەكەمە قۇرۋعا اكەپ سوقپايتىن, فيليال نەمەسە وكىلدىك ارقىلى قىزمەتىن جۇزەگە اسىراتىن رەزيدەنت ەمەس زاڭدى تۇلعالار الەۋمەتتiك سالىق تولەۋشiلەر بولىپ تابىلادى.
