نەگىزىنەن ليۋبوۆ بودريكوۆا بەس جىل بويى ءدارىگەرلەردىڭ ەسىگىن توزدىرعاننان كەيىن سوڭعى ءۇمىتى اقمولالىق ونكولوگتارعا جۇگىنىپتى. وڭ جاق سان ەتىندە پايدا بولعان نەيروفيبروما ءوسكىنى 10 كەلىگە جەتكەننەن كەيىن حيرۋرگيالىق ارەكەتكە بارماسقا امال قالدىرماعان. وتكەن جىلدىڭ 27 ماۋسىمىندا زەرەندى اۋدانىنىڭ تۇرعىنىنا اقمولا ونكوديسپانسەرىندە وتا جاسالعان. اتالعان ىسىكتى الىپ تاستاۋ ءۇشىن 4 ساعاتتىق وتا قاجەت بولىپتى. «مەنىڭ ىشكى سەزىمىمدى سوزبەن ايتىپ جەتكىزۋ مۇمكىن ەمەس. شىن كوڭىلدەن وبلىستىق ونكوديسپانسەر دارىگەرلەرىنە ريزاشىلىعىمدى بىلدىرەمىن. سىزدەر ماعان ءاربىر كۇننىڭ راحاتىن سەزىنۋگە مۇمكىندىك بەردىڭىزدەر. ەندى مەن بالالارىما كومەكتەسىپ, نەمەرەلەرىمدى ءتاربيەلەيتىن بولامىن», دەيدى ليۋبوۆ ۆاسيلەۆنا اعىنان جارىلىپ.
اقمولا ونكوديسپانسەر توراكال ءبولىمىنىڭ مەڭگەرۋشىسى يۆان زەلەنسكي وتا ناتيجەسىنە كوڭىلى تولعاندىعىن, دەسە دە اۋرۋ قايتىپ ورالماۋى ءۇشىن سالماق تاستاپ, زات الماسۋدى جاقسارتۋ جانە جۇرەك-تامىر اۋرۋلارىن ەمدەۋ قاجەتتىگىن جەتكىزدى.
اسقار تۇراپباي ۇلى, «ەگەمەن قازاقستان»
اقمولا وبلىسى
