جۋىردا وبلىستىق اۋرۋحانادا ينسۋلتتان قايتىس بولعان 45 جاستاعى ايەلدىڭ قوس بۇيرەگى ەكى ناۋقاسقا سالىندى. بۇعان ومىردەن وتكەن ايەلدىڭ تۋىسقاندارى كەلىسىم بەرگەن. سودان سوڭ وسى ماسەلەگە قاتىستى جاسالعان ساراپتامالار شۇعىل الماتى مەن استانا قالالارىنا جىبەرىلدى. سونىڭ ناتيجەسىندە ساراپتامالارى ءسايكەس كەلگەن ەكى ادامعا ءوز كەلىسىمدەرىنە سايكەس وتا جاساۋ ۇيعارىلعان.
– ونىڭ ءبىرىنشىسى 36 جاستاعى ايەل, ال ەكىنشىسى 58 جاستاعى ەر ادام. ەكى بۇيرەگى دە ىستەمەيتىن بۇل ناۋقاستار ەكى-ءۇش جىلدان بەرى گەمودياليز ورتالىعىندا كۇن سايىن ەم الىپ جۇرگەن-ءدى. بارلىق مەديتسينالىق قورىتىندىلار قولىمىزعا تيگەننەن كەيىن ءبىردەن ىسكە كىرىستىك. وتا ءساتتى ءوتتى. قازىر ناۋقاستاردىڭ جاعدايى قالىپتى دەۋگە بولادى. ايتسە دە دارىگەرلىك باقىلاۋلار ودان ءارى جالعاسا بەرەدى, – دەدى وبلىستىق دەنساۋلىق ساقتاۋ باسقارماسىنىڭ باس حيرۋرگى ەرلان سۇلتانگەرەەۆ.
تەمىر قۇسايىن, «ەگەمەن قازاقستان»
اقتوبە
