جانكۇيەرلەر جان الىسىپ, جان بەرىسكەن كەزدەسۋگە كۋا بولدى. ارمەنيا قۇراماسى ويىن باستالا سالا العا ۇمتىلعان. الايدا, ماتچتىڭ 2-مينۋتىندا كەۆورگ گازاريان قاقپاشى داۆيد لوريامەن دوپقا تالاستا جاراقات الىپ, الاڭنان كەتۋىنە ءماجبۇر بولدى.
العاشقى 45 مينۋتتا گەنريح محيتاريان, ەركەبۇلان تۇڭعىشباەۆ سىندى فۋتبولشىلاردىڭ ەسەپ اشاتىن مۇمكىندىكتەرى بولعان, بىراق تابلوداعى كورسەتكىش وزگەرىسسىز قالدى.
ماتچتىڭ ەكىنشى تايمى جەرلەستەرىمىز ءۇشىن اسا ءساتتى بولا قويمادى. كەزدەسۋدىڭ 64-مينۋتىندا سەرگەي مالىي ارمەنيالىق گەنريح محيتاريانعا قارسى ويىن ءتارتىبىن بۇزعانى ءۇشىن ەكىنشى سارى قاعازىن الىپ, الاڭنان قۋىلدى. مىنە, وسىدان كەيىن قازاقستان قۇراماسىنىڭ قورعانىسى سىر بەرە باستادى. ارادا 10 مينۋت وتەر-وتپەس ەسەپ تە اشىلدى. ويىننىڭ 73-مينۋتىندا گەنريح محيتاريان ەكى-ءۇش فۋتبولشىنىڭ اراسىنان داۆيد لوريانىڭ قاقپاسىن ءدال كوزدەپ, ءبىرىنشى گولدى سوقتى. كوپ ۇزاماي ەكىنشى دوپ تا سوعىلدى. 75-مينۋتتا وڭ قاپتالدان اۋەلەي كەلگەن دوپتى اراز وزبيليز تۋرا باعىتتادى.
الەكساندر بوروديۋكتىڭ قازاقستان قۇراماسىنىڭ العاشقى رەسمي ويىنى جەڭىلىسپەن اياقتالدى. وتانداستارىمىز 2 ۇپايمەن ە توبىندا كوش سوڭىندا كەلەدى. ال ارمەنيانىڭ ەنشىسىندە 6 ۇپاي بار.
