يراك پرەزيدەنتىمەن كەزدەستى

كەزدەسۋ بارىسىندا قازاق­ستاندىق ەلشى يراك باسشى­سىنا ەلباسى نۇرسۇلتان نازارباەۆتىڭ 2017 جىلدىڭ 10-11 قىركۇيەك كۇندەرى استانا قالاسىندا وتەتىن يسلام ىن­تى­­ماقتاستىعى ۇيىمىنىڭ عى­لىم جانە تەحنولوگيالار جونىندەگى ءبىرىنشى سامميتىنە شا­قىرۋ حاتىن تابىس ەتتى. ا.بەر­دى­باي اتالعان سامميت يىۇ-عا مۇشە مەملەكەتتەر ارا­­سىنداعى عىلىم جانە يننو­­ۆا­تسيا جونىندەگى قاتىناس­تار­دى نىعايتۋعا جاڭا سەر­پىن بەرە­تىنىن, سونداي-اق, يسلام الەمىندەگى حالىقتىڭ الەۋ­مەتتىك جاعدايىن جاقسارتۋ, ەكونو­ميكالىق دامۋ ماق­ساتىن­دا عىلىم مەن تەح­نولوگيا­لار­دىڭ ءرولىن نى­عايتۋعا باعىت­تالعان جوبا­لار­دى ىسكە اسىرۋعا ۇلەس قوسا­تىنىن جەتكىزدى.

كەزدەسۋ اياسىندا تاراپتار ەكى ەل اراسىنداعى قارىم-قا­تى­ناستاردىڭ دامۋ كوك­جيەك­­تەرىن تالقىلاپ, كۇن ءتار­تىبىندەگى حالىقارالىق جانە وڭىرلىك وزەكتى ماسەلەلەر بو­يىن­شا پىكىر الماستى. ا.بەر­دىباي يراك پرەزيدەنتىن ەلبا­سى نۇرسۇلتان نازارباەۆتىڭ «قازاقستاننىڭ ءۇشىن­شى جاڭ­عىرۋى: جاھاندىق ءبا­سەكەگە قابىلەتتىلىك» اتتى جول­داۋى­نىڭ نەگىزگى باسىم­دىقتارىمەن تانىستىردى.

كەزدەسۋدىڭ قورىتىندى­سىندا ف.ماسۋم قازاقستان پرەزيدەنتى ن.نازارباەۆتىڭ سامميتكە شاقىرۋىنا وراي ءوز العىسىن ءبىلدىرىپ, ەكى ەل اراسىنداعى ىنتىماقتاستىقتى ودان ءارى نىعايتۋعا ۇلەس قوسا­تىندىعىن اتاپ ءوتتى. سونى­مەن بىرگە, ول ەلباسىنىڭ پارا­ساتتى سىرتقى ساياسي باستا­ما­لارىنا جانە قوعام ينستي­تۋتتارىن دامىتۋ ماقسا­تىندا جۇرگىزىپ وتىرعان رەفورما­لارىنا جوعارى باعا بەردى.