ايتارىم بار

مەن ءومىر بويى اۋىل شارۋاشىلى­عىن­دا ەڭبەك ەتتىم. سوندىقتان اۋىل جاع­دايىن جەتىك بىلەمىن. مەنى جاستار مەن جاسوسپىرىمدەر ءتارتىبى قاتتى الاڭ­داتادى. وكىنىشكە وراي, بۇل باعىتتا قولعا الى­نىپ جاتقان ءىس-شارالار ءالى دە جەتكىلىكسىز. سوندىقتان دا, الداعى ۋاقىتتا قا­جەتتى شارالار قابىلدانسا نۇر ۇستىنە نۇر. ءيا, ارداگەرلەردىڭ مىندەتىن, قۇقى­عىن ناقتى ايقىنداۋ كەرەك. ولاردىڭ ىق­پالىن كۇشەيتۋ, جاستار تارتىبىنە ارالا­سۋ توڭىرەگىندە ناقتى ءىس-شارالار اتقارى­لا­تىن ۋاقىت كەلدى دەپ ويلايمىن. اۋىل­دىق وكرۋگتەردە بيلەر سايلاپ, ونىڭ ءتار­تىپ بۇزۋشىلارعا ايىپپۇل سالاتىنداي قاۋقارى بولسا, ءتىپتى وڭ بولار ەدى. مەن كورشى قىتاي ەلىمەن شەكارالاس مارقاكول اۋدانىندا تۋىپ ءوستىم. ءبىزدىڭ جاس كەزىمىزدە شەكارا بويىندا تۇراتىن ازاماتتار شەكارانى كۇزەتۋدە قىراعىلىق تانىتاتىن. ءدال قازىر شەكارانىڭ ونداعان گەكتار جەرى بوس قالۋدا. ايتايىن دەگەنىم, شەكارا بويىندا تۇراتىن حالىققا سول ماڭعا كوشىپ باراتىن مۇمكىندىگىنشە جەڭىلدىكتەر بەرىلسە, جان-جاقتى ماتەريالدىق كومەكتەر بەرىلسە, قالىڭ ەل كوش باسىن تۋعان جەرگە بۇرار ەدى. مىنە, وسى ماسەلەلەر جايلى رەسپۋبليكا ارداگەرلەرىنىڭ VI سەزىندە ايتسام دەيمىن. سابىربەك اقتانوۆ, سوتسياليستىك ەڭبەك ەرى. شىعىس قازاقستان وبلىسى, كۇرشىم اۋدانى.