اياۋلىمنىڭ الار بيىگى ءالى الدا

وسكەمەندىك ون جاسار اياۋ­لىم امىرەنوۆامەن ويدا جوق جەر­­دە تا­نىستىق. ناۋرىزدىڭ سوڭ­­عى كۇن­دە­رىندە وسكەمەننىڭ ىرگەسىندەگى تا­بي­عاتى تامىل­جىعان «التاي ءالپىسى» سپورت­تىق دە­ما­لىس بازا­سىندا فريستايلدان قا­زاق­ستان چەمپيو­ناتى ءوتتى. كۇنى كە­شەگى ازيا ويىندارىن­دا توپ جارعان جەرلەستەرىمىز تاعى دا قارسى­لاس­تارىن شاق كەلتىرمەي ال­تىن­نان القا تاقتى. ال ءدۇبىرلى جا­­رىس­تىڭ الدىندا ون-ون ەكى جاس­تاعى جاسوسپىرىمدەر ارا­سىن­دا ەل چەمپيوناتى وتكەن بولاتىن. مىنە, قازاقستان رەسپۋبلي­كا­­سى­نىڭ ءى قىسقى جاستار ويىن­دا­رىندا وسكەمەندىك تالاپتى قىز اياۋ­لىم امىرەنوۆا فريس­تايلدىڭ موگۋلدان جۇپتاسۋدا التىننان القا تاقسا, فريستايل-موگۋلدا ەك­ىنشى, ال فريستايل-اكروباتيكا سپورت تۇرىنەن ءۇشىنشى ورىندى يەلەندى. ءبىر جىلدا قاتارىنان ءۇش بىردەي مەدال الۋ كەز كەلگەننىڭ ماڭ­دا­يىنا بۇيىرا بەرمەيتىن باقىت. «التاي ءالپىسى» تاۋ شاڭ­عىسى بازاسىنداعى بيىكتىگى ءبىر مىڭ مەترلىك بيىك شىڭعا جىل­دام كو­تە­رىلە­تىن قاناتتى جول سالۋعا ءوس­كەمەن قا­لاسى­نىڭ اكى­مى يسلام ابىشەۆ جاع­داي جا­سادى دەسەك ار­تىق ايت­قان­دىق ەمەس. جەكە كا­سىپ­كەر ا.چي­ليكين مەن قالالىق اكىم­دىك ءوزارا كەلىسىمگە قول جەتكىزىپ, ءناتي­جە­سىندە پاي­دالا­نۋعا بەرىلدى. قا­زىر ول وسكەمەن­دىكتەر­دىڭ ءسۇ­يىك­تى ورنىنا اينالعان. رەس­پۋب­ليكا­لىق وبلىستىق جا­رىس­­تار­دىڭ بارلىعى وسى جەردە وتكى­زىلە باستادى. اياۋلىم بيىك شىڭعا كو­تە­رىلدى دە, تومەن قا­راي جۇل­دىز­­شا زىمىرادى. شى­ناشاقتاي قىز­دىڭ باتىل­دىعىنا ريزا بولدىق. – قىزىمىز وجەت, ءتورت جا­سىندا شاڭعىعا تۇرۋدى ۇيرەت­تىك. باستاپ­قىدا سپورتتىڭ بۇل ءتۇرىن تاستاپ كەتەتىن شىعار دەگەنبىز. جوق, قاي­سارلىعى شى­عار, التى جاسىندا سپورت­تىڭ ەڭ كۇردەلى ءتۇرى – فريس­تايلدى ۇيرەنسەم دەگەن قۇشتارلىق پايدا بولدى. سەرگەي اكسەنوۆ دەگەن باپكەرگە تاپسىردىق. ءمى­نە, التى جىلدان اسىپ با­رادى, فريس­تايلدىڭ باسقا ءتۇر­لەرىنە دە قىزى­عۋشىلىق تا­نى­تۋدا, – دەيدى اياۋ­لىم­نىڭ اكە-شەشەسى سەرىك پەن گاۋھاريا ءامى­رەنوۆتەر. – اياۋلىمنىڭ اتا-اناسى سەرىك پەن گاۋھاريانىڭ قىز­دارىن بيىك بەلەستەرگە شىعارۋ جولىن­داعى ەرىك-جىگەرى ءبىزدى قۋانتادى. سەرىكتىڭ زايسان اۋ­دانىندا «ءامى­رەن» شارۋا قو­جالىعى بار. شا­رۋاسىنىڭ بار­­­لى­عىن ىسىرىپ تاس­تاپ قى­زىنىڭ سپورتتا بيىك بەلەستەرگە شىعۋى ءۇشىن زايىبى گاۋ­ھاريامەن بىرگە جانىندا بو­لۋى شىنىندا دا قۇپ­تارلىق ءىس. ءتىپتى ەكەۋى اياۋلىمدى ال­ماتىدا وتكەن ازيا ويىن­دارىنا ەرتىپ باردى. ونداعى ماقساتتارى بەلگىلى, تاباعان­داعى فريستايل جا­رىستارىن ءوز كوزىمەن كورسە, ءتا­جىريبەلى سپورتشىلارمەن جاقىن بولسا دەگەن قادام شىعار. ءتۇ­بىندە اياۋلىمنىڭ الەم چەمپيو­نا­تىندا توپ جارۋى مۇمكىن. ءاري­­نە, ول ءۇشىن تاجىريبەنى شىڭداي ءتۇسۋ قاجەت دەيدى, – بىزبەن بىرگە تاۋ شاڭعىسى بازاسىندا بولعان مارات پەن گۇلميرا ورمانبەتوۆتەر. – اياۋلىمنىڭ بويىنداعى قاي­سارلىق, كەلەشەككە كەمەل سە­نىممەن قارايتىن ءۇمىتى قۋان­­تادى. قا­­زاق قىزدارى اراسىنان ەلىمىز تاۋەل­سىزدىك العالى بىردە-ءبىر وليمپيادا چەم­پيونى شىق­پاعان ەكەن. ەندەشە اياۋلىمعا ءسات ساپار تىلەپ, وليمپ شىڭىنا شى­عۋعا با­تامىزدى بەرەمىز. ەلىمىز­دىڭ كوك بايراعىن اسپانداتا اۋە­لەتە بەر, – دەدى ورايى كەلگەن ساتتە «ەگەمەن قازاق­ستانداعى» ارىپتەس ءىنىمىز جاقسىباي سامرات. ال اياۋلىمنىڭ باپكەرى سەر­­گەي پاۆلوۆيچ بولسا شاكىرتىنىڭ قازىرگى اياق الى­سىنا ريزا­شى­لى­عىن بىلدىرە وتىرىپ, ءالى دە كوپ ىزدەنۋ قاجەت­تىگىن ايتادى. قازىر قا­زاق بالالارى فريستايل تاۋ شاڭ­عىسى ۇيىرمەلە­رىنە ازداپ بول­سا دا كەلىپ جاتىر. سونىڭ ءبىرى – جەتى جاسار ورىنحان مۇ­قاتاەۆ ەكەن. باسقا قارا­دوما­لاقتار دا سپورت­­­تىڭ وسىناۋ كۇردەلى ءتۇرىن مەڭگەر­سەك دەگەن قۇل­شىنىس تانىتۋدا. – وسكەمەندەگى №3 مەكتەپ-گيم­نازيانىڭ ءتورتىنشى سىنى­بىن­دا وقي­­مىن. مەكتەپ ديرەك­تورى ە.اكىت­باەۆ سپورت­تىڭ وركەندەۋىنە ەرەكشە كوڭىل ءبو­لەدى. قالا مەكتەپتەرى اراسىن­داعى سپورتتىق جا­­رىستاردا مەكتەپ تۇلەكتەرى ۇنە­­مى ال­دىڭعى ورىندارعا يە بولۋدا. ال ارمانىم الەم چەمپيو­نى اتانۋ, – دەيدى ءورشىل قىز اياۋلىم امىرەنوۆا. وڭداسىن ەلۋباي. وسكەمەن. –––––––––––––––– سۋرەتتە: اياۋلىم امىرەنوۆا چەمپيون اتانعاننان كەيىن.