16 ءساۋىر، 2011

حالال دەگەنى – حارام

212 رەت كورسەتىلدى
ماسقارا! قانداي جولمەن بولسا دا تەك جەكە باسىنىڭ بايۋىن كوزدەيتىن كەيبىر كاززاپ­تار ادامداردىڭ قادىر-قاسيەتىن، قۇر­مەت تۇتىپ، جۇرەگىنىڭ ەڭ تەرەڭ تۇكپىرىنە ساق­تايتىن اسىل قۇندىلىقتارىن اياق استى ەتۋگە دە بارا بەرەدى ەكەن. ماسەلەن، سول­تۇس­تىك قازاقستان وبلىسى اققايىڭ اۋدانى­نىڭ شاعالالى (ورىسشاسى چاگلينكا) كەنتىندە تۇراتىن مەدەننيكوۆ دەگەن ءبىر كاسىپ­كەر حالال برەندىمەن «مۇسىلمان» اتتى شۇجىق شىعارىپ كەلگەن. مۇسىلمان­دار­دىڭ ەجەلدەن شوشقا ەتىن جەمەيتىنىن، ونى اۋىزعا الۋدى ارام دەپ سانايتىنىن بىلە تۇرا (ونى قازاقستاندا تۇراتىندار عانا ەمەس، ورتا ءبىلىمى بار بارلىق ادامزات بىلەدى) اقشا تابۋ­دى عانا كوزدەگەن كاسىپكەر «مۇسىل­مان» اتتى شۇجىققا شوشقا ەتىن ارالاستىرىپ وتىرعان. مۇندايدى «بىلمەي قالعاننان بولىپتى» دەپ ەشكىم دە ايتا الماس. دەمەك، ول مۇسىلماندارعا سانالى ءتۇر­دە ارامدىق ويلاعان جان بولىپ شىعادى. ءماجىلىستىڭ 13 ساۋىردە بولعان سوڭعى جال­پى وتىرىسىندا دەپۋتات باعيلا باي­ماعام­بەتوۆا وزىنە بەلگىلى بولعان وسى فاكتىنى جا­يىپ سالىپ، پرەمەر-ءمينيستردىڭ ورىنباسا­رى – يندۋستريا جانە جاڭا تەحنولوگيالار ءمينيسترى اسەت يسەكەشەۆكە رەسمي تۇردە سا­ۋال جولداپ، «تۇتىنۋشىلار قۇ­قىق­تارىن قورعاۋ تۋرالى» زاڭعا سايكەس ءوز جۇمىسىنا جاۋاپسىز قاراپ، الاياقتىققا جول بەرىپ، لاس بيزنەسپەن اينالىسىپ، ادام­داردى قاساقانا الداعانى ءۇشىن مەدەن­نيكوۆ­تىڭ ليتسەنزياسىن قايتىپ الۋ ماسەلەسىن قاراستىرۋدى ءوتىندى. بىزدىڭشە، بۇل ىسپەن ىشكى ىستەر مينيسترلىگى دە اينالىسۋى كەرەك سياقتى. ءويت­كەنى، جىلىنا 229 توننا شۇجىق ونىمدەرىن ءوز كاسىپورنىنىڭ 6 فيليالىندا شىعارىپ، ونى مۇسىلمان برەندىمەن ساتىپ وتىرعان مەدەننيكوۆ مىرزا ۇزاق ۋاقىتتان بەرى قا­زاق­ستاندىق مۇسىلمانداردى كوزدى جۇمىپ قويىپ الداۋمەن اينالىسىپ كەلگەن. ولار­دىڭ قادىر تۇتاتىن قۇندىلىقتارىن اياعىنا باسقان. مەدەننيكوۆتىڭ شۇجىقتارىن «مۇ­سىلمان» ءدامى دەگەن اتىنا بولا اۋزىنا الىپ كەلگەن تالاي شىنايى مۇسىلماندار ىشىنەن دوڭىز ەتىنىڭ شىققانىن بىلگەن سوڭ ۇشىنىپ، اۋىرىپ قالۋى دا عاجاپ ەمەس. دەمەك، مەدەننيكوۆ قازاقستاندىقتاردىڭ دەنساۋلىقتارىنا قاساقانا زالال كەلتىرگەن قاۋىپتى قىلمىسكەر دەپ باعالاۋعا دا بولماس پا ەكەن؟ ارينە، ونىڭ ارەكەتتەرىنىڭ قۇقىقتىق باعاسىن ىشكى ىستەر ورگاندارى ءجىتى تەكسەرىپ، ءىسىن سوتقا جەتكىزسە، جازاسىن ءادىل سوت قانا بەرەدى. بىراق، كورىنىپ تۇرعان ايقىن ايعاقتى ءوز اتىمەن اتاۋعا ءبىزدىڭ دە قاقىمىز بار. مىنە، وسى ماسەلە اياعىنا دەيىن جەتكىزىلىپ، زاڭعا سايكەس الاياقتىڭ ءتيىستى جازاسى بەرىلسە، كەيبىرەۋلەر ويلانىپ، قازاق­ستان­دىق مۇسىلمانداردىڭ قۇقىن سىيلاۋدى، ولاردىڭ قۇندىلىعىن اياققا باسپاۋدى كەۋدەسىنە تۇيەر ەدى. سوندىقتان دا بۇل ءىستىڭ قاعيداتتى تۇردەگى ماڭىزى زور دەپ بىلەمىز. جاقسىباي سامرات.
سوڭعى جاڭالىقتار

دوللار باعامى قايتا ءوستى

قارجى • بۇگىن، 16:12

ۇقساس جاڭالىقتار