قازاقستان رەسپۋبليكاسى پرەزيدەنتىنىڭ جارلىقتارى

قازاقستان رەسپۋبليكاسى پرەزيدەنتىنىڭ جارلىعى ق.ءا.ءماميدى قازاقستان رەسپۋبليكاسىنىڭ پارلامەنتى سەناتىنىڭ دەپۋتاتى قىزمەتىنە تاعايىنداۋ تۋرالى قايرات ابدىرازاق ۇلى ءمامي قازاقستان رەسپۋبليكاسىنىڭ پارلامەنتى سەناتىنىڭ دەپۋتاتى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2011 جىلعى 15 ءساۋىر.    № 56 _________________________ قايرات ابدىرازاق ۇلى ءمامي 1954 جىلدىڭ 9 مامىرىندا تۋعان. 1981 جىلى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىن ءبىتىردى. 1981 جىلعى تامىزدان 1990 جىلعى قاراشاعا دەيىن اتىراۋ وبلىستىق سوتىندا تالىمگەر, وب­لىستىق سوتتىڭ سۋدياسى, توراعا ورىنباسارى, توراعاسى بولدى. 1990 جىلعى جەلتوقساننان 1993 جىلعى مامىرعا دەيىن قازاق كسر جوعارعى سوتىنىڭ مۇشەسى. 1993 جىلعى ءساۋىر مەن 1995 جىلعى قاراشا ارالىعىندا ال­ما­تى قالالىق سوتىنىڭ ءتور­اعاسى. 1995 جىلعى قاراشا مەن 1999 جىلعى اقپان ارالىعىندا قازاق­ستان رەسپۋبليكاسى جوعارعى سوتى قىلمىستىق ىستەر ءجونىن­دە­گى سوت القاسىنىڭ,  جوعارعى سوت توراعا­سىنىڭ مىندەتىن اتقارۋشى. 1999 جىلعى اقپان مەن 1999 جىل­عى تا­مىز ارالىعىندا قازاقستان رەس­پۋب­ليكاسى ادىلەت ۆيتسە-ءمينيسترى. 1999 جىلعى تامىز بەن 2000 جىلعى قىركۇيەك ارالىعىندا پرە­زيدەنت اكىمشىلىگى باسشى­سى­نىڭ ورىنباسارى – مەملەكەتتىك-قۇ­قىقتىق ءبولىمنىڭ مەڭگەرۋشىسى. 2000 جىلعى قىركۇيەك پەن 2009 جىلعى ءساۋىر ارالىعىندا قا­زاق­ستان رەسپۋبليكاسى جوعار­عى سو­تىنىڭ توراعاسى قىزمەتىن اتقاردى. قازاقستان رەسپۋبليكاسى پرە­زي­دەنتىنىڭ 2009 جىلعى 3 ءساۋىر­دەگى جارلىعىمەن قازاقستان رەس­پۋب­ليكاسى باس پروكۋرورى قىز­مە­تىنە تاعايىندالدى. 2011 جىلعى 15 ساۋىردە قا­­زاق­ستان رەسپۋبليكاسى پرەزي­دەنتى­نىڭ ۇسىنىمى بويىنشا قازاق­ستان رەس­پۋبليكاسى پارلامەنتى سەناتىنىڭ توراعاسى بولىپ ساي­لاندى. 1995 جىلى زاڭ عىلىم­دا­رى­نىڭ كانديداتى  بولدى. 2004 جىلى «قازاقستان رەسپۋبلي­كا­سىن­داعى كونستيتۋتسيالىق زاڭ­دىلىق پەن سوت بيلىگى: نەگىزگى تەندەنتسيالار مەن باسىمدىقتار» اتتى تاقى­رىپ­تا دوكتورلىق ديسسەرتاتسيا قورعادى. پروفەسسور (2005 ج.). «پاراسات» وردەنىمەن (2003 ج.), «قازاقستان كونستيتۋ­تسياس­ىنا 10 جىل» (2005 ج.), «قا­زاقستان پارلامەنتىنە 10 جىل» (2006 ج.), «استانانىڭ 10 جىل­دى­عى» (2008 ج.) مەرەكەلىك مە­دالدارىمەن ماراپاتتالعان. قازاقستان مەن رەسەي ارا­سىن­داعى حالىقارالىق ىنتىماقتاس­تىق­تى نىعايتۋعا قوسقان زور ۇلەسى ءۇشىن 2007 جىلى ۇلى پەتر وردەنىمەن ماراپاتتالعان. * * * قازاقستان رەسپۋبليكاسى پرەزيدەنتىنىڭ جارلىعى ن.ابىقاەۆتى  قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى قىزمەتىنە تاعايىنداۋ تۋرالى نۇرتاي ابىقاەۆ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2011 جىلعى 15 ءساۋىر.    № 57 * * * قازاقستان رەسپۋبليكاسى پرەزيدەنتىنىڭ جارلىعى ا.ق. داۋىلباەۆتى  قازاقستان رەسپۋبليكاسىنىڭ باس پروكۋرورى قىزمەتىنە تاعايىنداۋ تۋرالى اسحات قايزوللا ۇلى داۋىلباەۆ قازاقستان رەسپۋبليكاسىنىڭ باس پروكۋرورى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2011 جىلعى 15 ءساۋىر.    № 58 ______________________________ اسحات قايزوللا ۇلى داۋىلباەۆ 1962 جىلى تۋعان. سۆەردلوۆ زاڭ ينستي­تۋتىن بىتىرگەن, زاڭ عىلىمدارىنىڭ كان­دي­داتى, 3-سىنىپتى ادىلەت مەملەكەتتىك كەڭەس­شىسى سىنىپتىق شەنى بار. ينستيتۋتتى بىتىرگەننەن كەيىن الماتى قالاسىنىڭ پروكۋراتۋرا ورگاندارىندا جۇ­مىس ىستەدى. وكتيابر اۋدانى پروكۋ­را­تۋرا­سىنىڭ تەرگەۋشىسى, كالينين جانە وكتيابر اۋداندارى پروكۋرورىنىڭ ورىنباسارى, قالا پروكۋراتۋراسىنىڭ ءبولىم باستىعى بولدى.  الماتى قالالىق تورەلىك سوت توراعاسىنىڭ ورىنباسارى, باس پروكۋراتۋرانىڭ جالپى قاداعالاۋ باسقارماسىنىڭ باستىعى لاۋا­زىم­دارىندا قىزمەت اتقاردى. قازاقستان رەس­پۋب­ليكاسى ادىلەت ۆيتسە-ءمينيسترى  قىزمەتىنە تاعايىندالدى. رەسپۋبليكا پارلامەنتى ءماجىلىسىنىڭ دەپۋتاتى, دوستاستىق ەلدەرى پارلا­مەنت­ارالىق اسسامبلەياسىنىڭ قۇقىقتىق ماسەلەلەر جونىندەگى تۇراقتى كوميسسياسىنىڭ توراعاسى بولىپ سايلاندى. 2001 جىلعى قاڭتاردان – قازاقستان رەسپۋبليكاسى باس پرو­كۋرورىنىڭ ورىنباسارى.