عىلىمعا جاستاردى تارتۋ ۇرپاقتار ساباقتاستىعىن بەكەمدەيدى

اقىل-ويعا سۇيەنبەي قاراباي­­ىر تىرلىككە بوي الدىرعان ەلدىڭ ەرتەڭى كۇڭگىرت, جۇرەر جولى بۇ­لىڭعىر بولاتىنىن ۋاقىت  كور­سەتىپ وتىر. عىلىم مەن تەحنيكا دامىعان ءححى عاسىردا ونىڭ جا­لىنا جابىسقاندار وي ەڭبەگى مەن دەنە ەڭبەگىن تارازى تاباعىندا تەڭدەپ, پايدالىسى مەن زيانىن, ياعني تارىنى قىلپىعىنان اجى­راتقانداردىڭ كەلەشەگى كەمەل, بولاشاعى زور ەكەنىن كورىپ تە, ءبىلىپ تە وتىر. وسىنداي وي ارقاۋىن وتاندىق عىلىم كۇنىنە وراي ءبىلىم جانە عىلىم مينيسترلىگى وتكىزگەن القالى باسقوسۋدا استا­نا­نىڭ زيالى قاۋىم وكىلدەرى تا­راتىپ ايتتى. كەزدەسۋدى مينيستر باقىتجان جۇماعۇلوۆ اشىپ, ءبىلىم جانە عى­لىم سالاسى قىزمەتكەرلەرىنىڭ ەل­باسى سايلاۋىندا بەلسەندىلىك تا­نىتقانىن اتاپ ءوتىپ, عىلىم مە­رەكەسىن الداعى ۋاقىتتا مەملەكەتتىك دەڭگەيدە وتكىزۋ قاجەت­تى­گىن قوز­عادى. سونىمەن قاتار ول 2009 جىلدىڭ قىركۇيەك ايىندا پرەزيدەنت نۇرسۇلتان نازارباەۆ عى­لىمنىڭ جاڭا مودەلىن بەلگىلەپ بەرگەنىن, سونىڭ اياسىندا ءداۋىر دامۋىنا ساي «عىلىم تۋرالى» جاڭا زاڭ قابىلدانعانىن تىلگە تيەك ەتە وتىرىپ, وسى قۇندى قۇ­جاتتى قابىلداۋعا سەپتىگىن تيگىزگەن بارلىق ازاماتتارعا العىس ايتتى. بىردەن ايتايىق, ءبىزدىڭ وتانىمىزدا جان-جاقتى دامى­عان عىلىم دا, عىلىمي مەكتەپ تە, وعان ۇيىتقى بولىپ وتىرعان الەمدىك دەڭگەيدەگى عالىمدار دا بار. ولاردىڭ كەيبىر ىزدەنىستەرى ءوز مەملەكەتىمىزدە عانا ەمەس, تورتكۇل دۇنيەگە دە تانىلدى. ەندىگى ماقسات – سول ءۇردىستى جاستارمەن جالعاستىرۋ قاجەتتىگىنە توق­تالعان مينيستر, سونداي-اق عى­لىم­عا ەلباسىنىڭ تىكەلەي نازار اۋدارىپ وتىرعانىن, قارجى دا ءبولىنىپ جاتقانىن, وقىمىستىلا­رى­مىزدىڭ جۇمىس ىستەۋىنە ءمۇم­كىندىكتىڭ بار ەكەنىن, ۇزدىك جو­با­لارعا گرانتتار تاعايىندا­لاتى­نىن نازارعا سالدى. عىلىمدى دامىتۋعا جوعارىدان دا, تومەن­نەن دە ۇلەس قوسۋ ارقايسى­مىز­دىڭ پارىزىمىز. مەن بۇگىن اس­تا­نا­داعى عالىمدارمەن ديدارلا­سىپ, وي بولىسسەم, الداعى ۋا­قىتتا مۇن­­داي جۇزدەسۋ الماتىدا دا وتە­تىن بولادى, دەپ مينيستر جوعارى وقۋ ورىندارىنداعى ءبىلىم مەن عى­لىم تۋرالى ءوز بايلامدارىن دا ورتاعا سالدى. بۇگىنگى عىلىمي زەرتتەۋ ۋنيۆەرسيتەتتەرى مەن ينس­تيتۋتتاردىڭ ءرولى ارتا باستادى. ال­داعى ۋاقىتتا 20 ۋنيۆەرسيتەتكە يننوۆاتسيالىق دارەجە بەرۋ كوز­دەلۋدە دەگەن ول كەلەشەكتە جوعا­رى وقۋ ورىندارىنىڭ داي­ىن­دى­عى مەن بازاسىنا, ءبىلىم بەرۋ سا­پا­سىنا وراي جۇمىستار ءجۇر­گى­زى­لەتىنىن, قازاق ەلىنە  50 ۋنيۆەر­سي­­تەت جەتەتىنىن, اكادەميا مەن ينس­تيتۋتتار دا وسى دەڭگەيدە بو­لا­تىنىن العا تارتىپ, ءبىر توپ عا­لىمدارعا اتاپ ايتقاندا ك.سا­عا­ديەۆ پەن ع.ەسىمگە, ر.وماروۆ, ا.ابدىروۆكە جانە تاعى باسقا­لا­رىنا «قازاقستان رەسپۋبليكاسى­نىڭ عى­لىمىن دامىتۋعا سىڭىرگەن ەڭبە­گى ءۇشىن» توسبەلگىسىن تابىس ەتتى. عالىمدار اتىنان ءسوز العان كور­نەكتى عالىم, ءماجىلىس دەپۋ­تاتى كەنجەعالي ساعاديەۆ عىلىم كۇنىن اتاپ ءوتۋ ءۇردىسىن ورنىق­تىرۋ جونىندەگى پىكىرگە ءوزىنىڭ قوسىلاتىنىن, اسىرەسە, جاستاردى عىلىمعا تارتۋ ماسەلەسى قولعا الىنىپ جاتقانىنا ريزالىعىن ءبىلدىرىپ, عىلىمدى دامىتۋ زامان تالابىنان تۋىنداپ وتىرعان جاع­داي, وعان كەرەك قۇجات قابىل­داندى, باعىت-باعدارىمىز اي­قىن­­دال­دى دەي كەلىپ, ءالى دە بولسا عالىمداردىڭ جالاقىسى از ەكەنىنە توقتالدى. سونىمەن قاتار, ونى كوتەرۋ جولدارىن ۇسىنىپ, الداعى ۋاقىتتا عالىمداردىڭ الەۋ­مەتتىك مارتەبەسىن كوتەرۋ قا­جەتتىگى كۇن تارتىبىندە تۇرعا­نىن اتاپ ءوتتى. جالپى, عىلىم كۇنىنە ارنال­عان بۇل ديدارلاسۋ كەزىندە وتان­دىق عىلىمنىڭ بۇگىنى مەن بو­لاشاعى تۋرالى تولىمدى ويلار تالقىعا ءتۇسىپ, تارتىمدى پىكىرلەر ايتىلىپ, جاستاردى عىلىمعا تارتۋ ارقىلى ۇرپاقتار ساباقتاس­تى­عىن ورىستەتۋ ماسەلەسى ءسوز بولدى. سۇلەيمەن مامەت.