اتا زاڭ زامان تالابىنا ساي بولۋى شارت

قاراعاندىدا قازاقستان حالقى اسسامبلەياسىنىڭ جا­نىنداعى «قو­عام­دىق كەلىسىم» مەملە­كەتتىك مە­كەمە­سىنىڭ ۇيىم­داس­تىرۋىمەن كونستيتۋتسيا­لىق رەفورمانى قولداۋعا ارنالعان دوڭگەلەك ۇستەل ءوتتى. ونىڭ جۇمىسىنا جەرگىلىكتى زيا­لى قاۋىم, ۇكىمەتتىك ەمەس ۇيىمدار مەن باق وكىلدەرى, ستۋدەنت جاستار قاتىستى. جيىندى قاراعاندى وبلىسى بويىنشا قحا عىلىمي-سا­راپ­شىلىق كەڭەسىنىڭ توراعا­سى, پروفەسسور ۆيلەن مولو­توۆ-لۋچانسكي جۇرگىزدى. قحا كە­ڭە­سىنىڭ جۇمىس وتىرىسى قازاقستان حالقى اسسامبلەياسىنىڭ رەسپۋب­لي­كالىق بىرىڭعاي كۇنى شەڭ­بەرىندە ءوتتى. ەلباسى نۇرسۇلتان نازارباەۆ 25 قاڭتار كۇنى بيلىك تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندە ۇندەۋ جاريالاعانى بەلگىلى. وندا بيلىك تارماقتارىنىڭ وكىلەتتىكتەرىن قايتا ءبولۋ تۋرالى ايتىلدى. بۇل ەلىمىز ءۇشىن اسا تاعدىرلى ءارى ۋاقىتتىڭ ءوزى تالاپ ەتىپ وتىرعان ماسەلە ەكەنى ءمالىم. ۇندەۋ جاريا بولعان سوڭ, پرەزيدەنتتىڭ تاپسىرماسىمەن ارنايى جۇمىس توبى قۇرىلدى. قاراعاندىداعى وتىرىسقا قاتى­سۋشىلاردىڭ ايتۋىنشا, بۇل رەفورمانى جۇرگىزۋ ءۇشىن قازاقستاننىڭ ىشكى ساياسي جاع­دايى ابدەن ءپىسىپ-جەتىلگەن. «ەل­باسى نۇرسۇلتان نازارباەۆ وسى شەشىمدى العاش رەت جاريا ەتكەن كەزدە: «زاماننىڭ ديدارى وزگەردى, ءبىز دە وزگەرۋىمىز كەرەك», دەگەن ەدى. قازاقستان الەمنىڭ دامۋ كوشىنە لايىقتى ىلەسىپ كەلەدى. پرەزيدەنت «قازاقستان-2030» ستراتەگياسىن جاريالاعان كەزدە, ونى ۇزاق مەرزىم ساناعان پىكىرلەر كوپ ايتىلدى. بىراق, پرەزيدەنت ساياساتىنىڭ دۇرىستىعىن ۋاقىت­تىڭ ءوزى دالەلدەدى. الەمدىك تە, تاريحي دا تاجىريبەلەرگە سۇيەنسەك, مەم­لەكەتتىڭ باستى زاڭى – ونىڭ كونستيتۋتسياسى ۋاقىتپەن ۇندە­سە جاڭارىپ, جاڭعىرىپ وتىرۋى ءتيىس», دەدى قارمۋ-دىڭ قازاق­ستان تاري­حى جانە قحا كافەدرا­سىنىڭ مەڭ­گەرۋشىسى جامبىل جۇما­بەكوۆ. زاڭ عىلىمدارىنىڭ كانديداتى اسحات مالدىباەۆتىڭ پىكىرىنشە, نازار اۋداراتىن تاعى ءبىر ءما­سەلە – كونستيتۋتسيانىڭ 91-با­بىنىڭ 2-تارماعىنا «تاۋەل­­سىزدىك» ءسوزىن ەنگىزۋ. بۇل – مەملە­كەتى­مىزدىڭ اۋماقتىق تۇتاس­تى­عىنا, تاۋەلسىزدىگىنە نۇق­سان كەلتىرمەۋ ماعىناسىن تولىق­تى­رۋ­دىڭ ءبىر امالى جانە كوشى-قون زاڭنا­مالارىنا سايكەس سىرتتان كەلە­تىندەردىڭ كەيبىر جات پيعى­لىنا توسقاۋىل بولار ەدى. جيىنعا قاتىسۋشىلار اتالعان ماسەلەلەر بويىنشا پىكىرلەرىن ورتاعا سالىپ, ءوزارا وي ءبولىستى. وتىرىس قورىتىندىسىندا وعان قاتىسۋشىلار ورتاق مامىلەمەن قارار قابىلدادى. مەملەكەتتىك بيلىك تارماقتارى اراسىندا وكىلەتتىلىكتى قايتا ءبولۋ ماسەلەسى بۇگىنگى كۇن تالابىنا ساي تۋىنداپ وتىرعانى اقيقات. ەڭ باستىسى, مەملەكەتتىك بيلىك تارماقتارىن قايتا ءبولۋ ەلىمىزدىڭ ءاربىر باسقارۋ ورگانىنىڭ جاۋاپكەرشىلىگىن بۇرىنعىدان دا ارتتىرا تۇسەدى. پرەزيدەنتتىڭ كوتەرىپ وتىرعان جاڭا باستامالارى قازاقستانداعى بيلىك تارماقتارىنىڭ ءوزارا قارىم-قاتىناسىنىڭ جاڭا قاعيداتتارىن بەكىتپەك. ميراس اسان, «ەگەمەن قازاقستان» قاراعاندى